حوار مع أحد كبار الأساقفة عن هذا المنتدى - للحذف؟

[bemoi]

طبعت بعض صفحات المنتدى لعرضها على المسئولون فى كاتدرائية الأقباط الأرثوذكس بالعباسية. و جلست مع القس.............. الذى أبدى استياؤه الشديد من ردود أغلب الأعضاء و طريقتهم الادعائية فى علمهم للدين المسيحى و وعدنى بأنه سوف يعرض الموضوع على من يهمه الأمر للحوار مع مايكل منير المسئول عن الموقع أو من ينوبه.

بصوا يا جماعة. أنا مسيحى و عشت طول حياتى بتعلم و وصل بى الحال ان ابدأ بتعليم الشباب من سن 11 إلى سن 18 بعض الأمور الحياتية من واقع خبرتى فى المدارس و الكنائس و للأسف ما رأيت من ردود أفعال للمسيحيين جعلنى أراجع حياتى تانى. يعنى أنت يا رب ادتنا الانجيل عشان نستعمله كدة فى الردود على المسلمين اللى أنت خلقتهم زى ما خلقتنى؟
قد كدة نسينا الوصايا العشرة؟
قد كدة فى قلوبنا كل الغل و الحقد ده؟ كنت فاكر ان يسوع هو بس اللى بيحللنا مشاكلنا.
كنت فاكر أن البابا كيرلس لما قال "كن مطمئنا جدا جدا و لا تفكر فى الأمر كثيراً بل دع الأمر لمن بيده الأمر" كان قصده نتكل على ربنا فى الحاجات اللى بتخص شعبه زى ما نزل طوفان محى كل عبدة الأصنام و ساب الأبرار و زى ما حرق سادوم و عامورة

و زى ما نزل من السماء متجسداً معذباً تكفيراً لخطايا البشرية كلها بلا استثناء

أنا عارف ان فيه شوية ردود تقيلة جاية من بعض الأعضاء اللى أخدت بالى أنهم داخلين شمال حبتين و بعد بعض المشاركات سوف يتم حذف ما كتبت.

للناس اللى قرأت الكلام ده خليكو فاكرين
* اللـه محبة
* باركوا لاعنيكم
* أحسنوا الى مبغضيكم

..لم أذكر اسم القس لأننى وعدته ألا أذكر اسمه حتى يتم حسم الموضوع
بموا