هل هذا الخبر صحيح؟

شوف يا مايك .. اللى انت عايز تسمعة منى تقدر تقرا اي مداخلة قديمة ليا وانت تفهم رأيي او توجهاتى في الموضوع دة كويس اوي واللى دايما بنادي واقول يا جماعة محدش بينكر ان ليكم حقوق ولكن اللى واكل الحقوق دي مش دين اللى واكلها نظام سياسي وياريتة قائم على الدين رغم ان تانى مادة فية بتاكد على كدة .. انما هي دي المشكلة ... وقبل ما المساعدة تتطلب من المسلمين لازم تتطلب الاول من المسيحين بينهم وبين بعض . مش تلاقي اللى عايش في دور المسكنة والنسيج الوطنى ...... الخ واللى عايزها تولع واللى مالوش غير اكل عيشة وبس .. وفي الاخر نسمع كلام المضطهدين والمعذبين وبالطبع مش هنصدقة لان الصوت الوحيد المسموع هو صوت البابا والبابا بيقول كل شيء تمام ... لسبب او اخر يمكن هو مش عايز يعمل فتنة لكن في نفس الوقت بيبعد عن فتح المشكلة ومن ثم البدأ في حلها ..
ارجو انك تكون فهمت

[elmafdy]

العزيز جدا الى قلبى غلاباوى

بداية كل سنه و أنت طيب ( ادينى بكررها كل شويه اهه عشما فى انه لما ييجى العيد ما تطنش على موضوع الخروف ) . . . و بعد

هناك أمر يحيرنى يا صديقى , ما أعرفه منك و من مداخلات اخوتى فى النت انك ذو حيثيه أو منصب رسمى ما فى اجهزة الدوله , سواء أمنى او مخابراتى أو حزبى او غيره , أنا لا أود هنا أن أعرف ما هو منصبك و لا الى أى جهة ينتمى , و لكنى اتعجب كيف يكون هذا منصبك و فى نفس الوقت تكون توجهاتك الفكريه و انتمائاتك الايدولوجيه مضاده لذلك تماما , فأنا - بحكم اعجابى بك و بمداخلاتك - اتذكر جيدا موقفك فى العديد من الأمور , فأنت مثلا تعارض سياسة الدوله و تنتقدها بعنف فى كثير من المداخلات أخرها تلك المداخله السابقه , و تحثنا نحن الاقباط دائما على ان نأخذ موقف داخلى اكثر جديه و قوه , رغم أن ذلك لا يتفق و سياسة الدوله , و كنت من المتحمسين لنجاح الاخوان المسلمين فى الانتخابات و طالبتنا بأن نعرفهم جيدا أولا و نعرف و نفهم برنامجهم و افكارهم , حتى جهاز الامن فى مصر لم يسلم من انتقادك فى موضوع فض الاعتصام السودانى بالقوه و غيره , ما اريد قوله هو أن مواقفك تلك تحيرنى , فهل أنت لا تشغل منصبا رسميا فى أى من اجهزة الدوله و كل تلك الامور اشاعات , أم أنك تشغل منصب بالفعل و لكن وجودك هنا بصفه شخصيه و بالتالى تلك هى ارائك و توجهاتك الشخصيه و التى لا يشترط ان تكون مطابقه تماما لسياسة الدوله و الجهاز الذى تعمل به , رغم ان فى ذلك تناقض غريب , و اذا لم يكن هذا ولا ذاك فلا يتبقى سوى احتمال واحد لا أحب ان اقوله لما لك عندى من مكانه و محبه يعلمها الله , أعرف و تعرف انت أيضا أننى كان يمكن ان أرسل لك هذا التساؤل فى رساله خاصة و أثق أنك كنت ستجيبنى عليها أجابة شافيه , و لكنى فضلت أن أضعها هنا حتى تضع اجابتك نهايه لحالة الحيره التى تنتابنى أنا و الكثير من الاعضاء فى المنتديات المختلفه , و انا بالطبع أثق انك من الحكمه و العقل بما يسمح لك ان تجيبنا و تنهى حيرتنا تلك فى حدود ما تود ان نعرفه و بدون أن تفشى أى اسرار لا تود ذكرها .

أرجو ان تكون قد فهمتنى , و ان كنت معتادا على ذلك منك يا عزيزى

المفدى

[Mike1]

المشاركة الأصلية بواسطة غلاباوي

شوف يا مايك .. اللى انت عايز تسمعة منى تقدر تقرا اي مداخلة قديمة ليا وانت تفهم رأيي او توجهاتى في الموضوع دة كويس اوي واللى دايما بنادي واقول يا جماعة محدش بينكر ان ليكم حقوق ولكن اللى واكل الحقوق دي مش دين اللى واكلها نظام سياسي وياريتة قائم على الدين رغم ان تانى مادة فية بتاكد على كدة .. انما هي دي المشكلة ... وقبل ما المساعدة تتطلب من المسلمين لازم تتطلب الاول من المسيحين بينهم وبين بعض . مش تلاقي اللى عايش في دور المسكنة والنسيج الوطنى ...... الخ واللى عايزها تولع واللى مالوش غير اكل عيشة وبس .. وفي الاخر نسمع كلام المضطهدين والمعذبين وبالطبع مش هنصدقة لان الصوت الوحيد المسموع هو صوت البابا والبابا بيقول كل شيء تمام ... لسبب او اخر يمكن هو مش عايز يعمل فتنة لكن في نفس الوقت بيبعد عن فتح المشكلة ومن ثم البدأ في حلها ..
ارجو انك تكون فهمت

شكرا علي ردك , لقد فهمته جيدا ولم يخيب ظني في انك شخص معتدل يحب الخير لآبن بلده و لآخيه الانسان .

انا لا اجد اختلاف كبير معك في هذا الموضوع وعن حالنا كمصريين مسيحيين في وقتنا الحالي وان كنت اتفهم اكثر او اجد العذر لتصرفات القبطي من المتمسكن مرورا بالمهتم بأكل عيشه فقط وحتي قداسه البابا.

ما اريد قوله هنا ان القبطي مستهدف ومضطهد ومطحون لمجرد انه غير مسلم و السبب في هذا ان المصريين المسلمين تحولوا في ال40 سنه الماضيه الي مسلمين مصريين علي يد من لايريد الخير لمصر ولا المصريين , و صوت من هم مثلك يذداد ضعفا حتي اصبح علي وشك الاختفاء !

ولذلك اقول لك : اذا كنت فعلا مؤمن بطريقه تفكيرك وطريقه ونوعيه حياتك الحاليه وتريد استمرارها لآولادك وللجميع , اذا عليك كمصري مسلم انت ومن يشاركك الرأي والتفكير والنظره للحياه ان لاتنظروا الي ما يعانيه الاقباط علي انها مشكلتهم فقط بل مشكلتكم انتم ايضا من اجل انقاذ مصر من طريق الخراب