شيخ الأزهر لمراسلة (إنت أبوكى ما ربكيش .. يلعن أبوكى)

[elmafdy]

الحقيقه معتز عنده حق يا مكه
الموضوع ده كان سنة 2004 يعنى من حوالى 3 سنين دلوقتى , أيامها كان الراجل بيشتم و يلعن الاب , دلوقتى الراجل ازداد تدينا و خشيه و ما بقاش يشتم غير بالأم , و بعدين ها يروح فين جنب شيخ الجامع اللى جنب بيتنا , اللى بيشتم بألفاظ قبيحه فى الميكروفون و بيسمع المنطقه كلها , قال يعنى مش مكفيه عظات النكاح و المسخره , علشان كمان يخرج عن النص و يشتم .

حته أخيره يا عزيزى معتز انا ما فهمتهاش و ياريت تشرحها لى كده فى الخباثه من غير ما حد ياخد باله , هو ايه الفرق لما الراجل يشتم سنة 2004 او يشتم سنة 2006 , يعنى هل مثلا الشرع بيحلل الشتيمه فى السنوات الكبيسه و بيحرمها فى السنوات البسيطه , أو مثلا كان فيه فتوى بتسمح بالشتيمه وقتها و طلعت لها فتوى معدله لغتها , جاوبنى و حياتك و انا ها ادافع عنك و عن وجهة نظرك .

ها أقول ايه , ربنا يرحمنا

المفدى

[Tarnema]

المشاركة الأصلية بواسطة elmafdy

حته أخيره يا عزيزى معتز انا ما فهمتهاش و ياريت تشرحها لى كده فى الخباثه من غير ما حد ياخد باله , هو ايه الفرق لما الراجل يشتم سنة 2004 او يشتم سنة 2006 , يعنى هل مثلا الشرع بيحلل الشتيمه فى السنوات الكبيسه و بيحرمها فى السنوات البسيطه , أو مثلا كان فيه فتوى بتسمح بالشتيمه وقتها و طلعت لها فتوى معدله لغتها , جاوبنى و حياتك و انا ها ادافع عنك و عن وجهة نظرك .

ها أقول ايه , ربنا يرحمنا

المفدى

لا بس يمكن الاخ معتز يقصد ان الشتايم بتسقط بالتقادم مثلا؟؟؟

واللات اعلم يا اخوة

اما عن شيخ الازهر الامور جدا فحقيقى مش عارفه انتم مستغربين ليه من امتى كان محترم انتم بتصدقوا اللى بيظهر قدامكم فى التليفزيون يا كفرة!
شيخ الازهر له ملف كامل على عرب تايمز خشوا اتفرجوا بنفسكم
بلا هم من شيخ الازهر لبن لادن يا قلبى لا تحزن كلهم ....... ولا بلاش عيب