عتاب من مسلم الى مسيحى

[zzaghlul]

"1.انت مسيحى اذا انتت قبطى حتى ولو كانت جذورك يونانيه او رومانية فطالما انت ابوك وامك مسيحيين فأنت قبطى وصاحب البلد"
اول القصيدة كفر ...مين قال لك يابني ان الاقباط اصلهم يوناني والا رومي والا عفريت ازرق ....هو العرب عند غزوهم لمصر وجدوها فاضية؟ والا اللي كانوا عايشين فيها يونان وروم بس يعني خلصوا علي المصريين الاصليين يعني؟ احترم عقولنا لنتحاور باحترام ...انا شخصيا عمري ما قلت عن المسلمين المصريين الا انهم مصريين زي المسيحيين المصريين مع اختلاف الديانة فقط فلا تتقول علينا بكلام فارغ ليس عليه دليل .....اما عن الدين الاسلامي ورسوله فهذا موضوع ايمان ...نحن لا نؤمن بهذا الدين ولا رسوله ...وبنحاول نقول لكم اسبابنا واحد اتنين ثلاثة....وانت لو لم تقتنع ما حدش حا يكفرك او يقتلك ويفرض دينه عليك زي ما المسلمين بيعملوا بل مطلوب منهم من دينهم يجرجروا الناس ولو بالسلاسل للاسلام فنحن بنقاوم بالذوق وبفضح حقيقة هذا الدين ورسوله زي ما انتم كده لا تؤمنوا ان السيد المسيح هو الاله الظاهر في الجسد والذي صلب وقام في اليوم الثالث من اجل خلاصنا وخلاصك ايضا واحنا مابنزعلش ولا حا نفرض عليكم ايمان بالعافية ....
مرة اخري بلاش تبدا القصيدة بالكفر ...احنا مصريين منذ الاف السنين رضيت ام ابيت. والسلام.

[Adel Alanbary]

أستاذى الفاضل
1.مقولة ان احنا اصحاب البلد الأصليين وأحنا بس الأقباط دى بسمعها من مسحيين كتير وانا مش معقول قصدت اللى انت فهمته لأنى لن انه عن خلق وآتى بمثله ولكن ماقصدته ان المسحيين والمسلميين اقباط اما اللى بيقول غير كده فمن (المحتمل) وهو لا يعلم يكون له اصول غير مصرية على اعتبار ان مصر وطأ ارضها جنسيات كتير زى امريكا واكيد تزاوجوا منها.

2.مسألة ايمانك او كفرك بسيدنا محمد او بأى نبى اخر او اى قضية مرجعه لك وحق اصيل لك "وقل الحق من ربكم فمن شاء فليؤمن ومن شاء فليكفر..."
3. مفيش حد يقبل انه يتجرجر بالسلاسل علشان يؤمن ولو قبل يبقى اصلا مش مؤمن وعديم الشخصية وانا لما بتكلم معاك دلوقتى مستحيل يكون هدفى انك تخرج من دينك وتيجى عندى وانا واثق واكيد مش ده هدفك امال ايه الهدف

4. الهدف هو اننا بنعامل الصينى وهو مش مسلم ولا مسيحى ولا يهودى ولكن بأحترمه
فأحنا مصريين (مسلم/مسيحى) اولى بذلك ولا يجب ان يجور احد على الآخر- لا تؤمن بسيدنا محمد (ص) ولكن لا تلعنه لأنى مش حقدر ارد نفس الشتيمة لأن ديينا لايسمح بذلك كما قال سيدنا محمد " الدين حسن الخلق- واحسنكم عند الله احسنكم اخلاقا -واثقل شئ فى الميزان حسن الخلق - انما بعثت لأتمم مكارم الأخلاق"هواحنا عندما نجادل بعض بالتى هى احسن حنخسر ايه

5. لو دلوقتى احنا وبنتكلم على النت لو بنت مسيحية او العكس حبت جار ليها واسلمت او اتنصرت وقد حدث ويحدث وسوف يحدث دى تقدر تقول عليها انها اتجرجرت بالسلاسل خليك منطقى شوية فيه واحدة اتنصرت اسمها زينب وسافرت امريكا مقلناش ان اخوانا المسيحيين خطفوها احنا مش فى شيكاغو
والسلام عليكم

[zzaghlul]

يا عزيزي انت باين عليك انسان محترم وانا متفق مع ما تقول .. المشكلة ان الاسلام والقران لا يتفقا معك في رايك فينا بل لعننا لكن مش دي القضية انا مستعد اتعامل معاك حسب كلامك وضميرك ...ايضا المسيحي اللي بيقول انه اصل البلد لا يقصد ان انتا مش مصري واصل البلد ايضا حتي بعد ان اسلم جدودك من زمان مهما كان السبب ...لكننا ساعات بنقول كده ردا علي كثير من المصريين المسلمين اللي فاكرين ان الجنسية المصرية عار عليهم وانه بيعتبر نفسه عربي زي النبي العربي يبقي ده شرف عظيم ليه متناسي ان احنا المسيحيين بنتبع السيد المسيح اللي هو يهودي واسرائيلي ولم نتلزق فيهم لاننا كمصريين نفتخر بمصريتنا ولا نتبرا منها ..فارجو ان تكون فهمت ان حكاية احنا اصل البلد وخلافه لا تعدو ان تكون ردا علي المسلمين الجهلة باصلهم وكارهي جنسيتهم باعتبار الاسلام اصبح جنسيتهم مع العروبة ...متفقين اخي العزيز؟

مسألة السلاسل انا ما بقولش لو واحد او واحدة اسلموا برغبتهم وبدون غصب او اكراه او خداع او ترغيب بمال او غيره يبقي اتجرجر بسلاسل انا باقصد الايات القرانية اللي بتنص علي هذا وما اكثرها تلك الايات اللي بتحض علي قتلنا وعلي محاربة الاخر حتي يسلم سواء بمزاجه او بالقوة او حتي القتل ... هذا هو دينك بلا رتوش وعندما اذكر لك هذا انا لا اقصد اهانة لرسولك او لدينك بل هو تقرير للحقيقة ومن كتابكم فلا تلومني ... فانا ساتعامل معك بنية حسنة وكاخ لي لكن لو سالتني عما اعتقده في دينك فتوقع مني الحق حسب مفهومي وايماني ....فلنبتعد عن هذا النقاش طالما انتا تتعامل معي بعدالة ومساواة وبدون تقية والا فلا تلوم الا نفسك اذا غيرت رأك وشفت نفسك الاعلون وخير امة اخرجت للناس والذي منه ...وكما علمنا ربنا والهنا ومخلصنا يسوع المسيح له كل المجد ان نفعل بالاخر ما نحب ان يفعل بنا يعني اعاملك كما اود ان تعاملني انتا قارن هذا بما يقوله دينك وهو العكس تماما فهو ان واحدة بواحدة والبادي اظلم وبكدة العالم يبقي غابة زي ما هو حاصل فعلا في كل الدول الاسلامية .... علي اي حال اهلا بك اخ كريم ومحترم في منتداك ولعلنا نتعلم ثقافة قبول الاخر ونطلب لبلادنا ان تري جميع ابناءها متساوون ولا تفرق علي اساس الدين او خلافه وتكون مصر دولة مدنية لنتقدم جميعا وتصبح مصرنا عظيمة وتاخد مكانها الصحيح بين الامم. سلام.