الأخوان المسلمين يحاصرون كنيسة مار جرجس و الأنبا أنطونيوس بمحرم بك

[COPTIC KNIGHT]

أنا رجعت تاني لقيت عربيات أمن مركزي معرفتش جت منين
اللي فهمته أنها جت من عند ترعة المحمودية و دخلت عبر الشورع العمودية عليها و منها
خرج محمد البدرشيني عضو مجلس شعب صال و جال و قال مش حنسيب حقنا بس أدخلوا جوة المسجد( بدل من أن يطالبهم بالأنصراف )
أول كام عسكري ما نزلزا من أول عربية لقيت كل الناس بتجري في كل حتة من حولي(شعب جبان صحيح) و طبعا لأول مرة في حياتي أجري في مظاهرة أنا ضدها أساسا و الستات حولي تصرخ حيفجروا قنابل مسيلة للدموع المهم مجموع الأصابات (خدش بسيط جدا من اليد اليسري نتيجة خبطة بقطعة حديد أثناء الجري (تعيش و تاخد غيرها يا كوبتك)
المهم اللي أستنتجتهان المسلمين كلهم بيقولوا يلا نفسي
اللي عجبني أن الأقباط بتوع محرم بك جدعان مستخبوش في بيوتهم زي بعض ال... و لا بلاش كل شوية يتجمعوا حول الكنيسة
المظاهرات لسة مستمرة و بناتنا لسة محاصرين داخل الكنيسة
و فيه نسخ مما نشر في الميدان يوزع علي الجماهير مما يزيد من هيجانهم
طبعا كهنة الكنيسة أبونا أنطونيوس فهمي و أبونا أغسطينوس فؤاد و أنا أعرفهم شخصيا و ناس ممتازة جدا و روحانية جدا و برده معلمين في الحق و يوقفوا وقفة رجالة
و الأباء دول غالبا من نصيب كنائس المهجر
سمعت عن أن فيه خادم من كنيسة السيدة العذراء - محرم بك المجاورة للكنيسة تم ضربه و الأعتداء عليه و لكني لست متأكد من هذا الكلام
أنا معجب بشباب أعدادي و ثانوي و جامعة في محرم بك كلهم نزلوا في شجاعة من بيوتهم
واضح جدا من الكلام و الحركات انها لعبة من الأمن
لسببين أولهم ذكره صديق لي عن أعتراض قداسة البابا عن أحداث المنيا الأخيرة(معرفش أيه بالضبط اللي في المنيا)
تاني حاجة عشان تطويق أسامة جادو الأخوانجي في الأنتخابات و يلموا صبيانه بدليل جابوا عضو مجلس الشعب البدرشيني عشان يخطب في المسجد و يحلف بأيماناته أنه لن يسكت عن هذه الأساء في حق الأسلام(عشان يعلي في نظر الناس )
و لسة المظاهرات مستمرة
اللي سمعته أنهم قالوا لو عملوا المظاهرة بعد صلاة الجمعة حيتم فضها قبل صلاة العصر و لذلك فضلوا عملها بعد التراويح عشان يأخذوا راحتهم للفجر
عموما قبل صلاة الفجر الموضوع حينتهي
و الكهنة حتسافر لكن المشكلة اللي قاموا بالتمثيل في المسرحية اللي بتتكلم عن الأرتداد مش محمد مش حيسبوهم في حلهم خصوصوا شكلهم حيتعرف من السي دي اللي مع المسلمين
خلاصة القول ربنا يرحمنا