تم صيانة المنتدي*** لا تغير فى سياسه من سياسات المنتدى اكتب ما تريد لان هذا حقك فى الكتابه عبر عن نفسك هذه ارائك الشخصيه ونحن هنا لاظهارها
جارى تحميل صندوق البحث لمنتدى الاقباط

العودة   منتدي منظمة أقباط الولايات المتحدة > المنتدى العربى > المنتدى العام
التّسجيل الأسئلة الشائعة التقويم جعل جميع المنتديات مقروءة

المنتدى العام يهتم هذا القسم بالأخبار العامه

المشاركة في الموضوع
 
خيارات الموضوع طريقة العرض
  #1  
قديم 06-04-2011
الصورة الرمزية لـ abomeret
abomeret abomeret غير متصل
Moderator
 
تاريخ التّسجيل: Dec 2004
المشاركات: 2,345
abomeret is on a distinguished road
هاتكنن يا ناااااس ..!!

هاتكنن يا ناااااس ..!!

بقلم: د. ياسر يوسف غبريال - الأقباط قادمون

+ بعد ان نجحت الثورة باتت كالطفل الذى وجده الناس على باب ملجأ وكان الكل يتبرأ منه ولما ظهر انه ورث الكثير بات الكل يتخانق عليه .. خاصة اصحاب الفضيلة من اصحاب (الجنة تبدأ من اعتابنا ) وبدا وكأن الثورة التى قام بها الشعب المصرى لم تكن ثورة ولكنها شروة .. والكل يبيع ويتشرى فيها .. ونسى الجميع ان من سقط من الشهداء لم يكن يقول ديانته قبل ان تصيبه الرصاصة ..وان الثورة ابيها الشرعى من قدم دمه لا من باع دمه

+ قال قيادى اخوانى فى المصرى اليوم ان الاخوان لم يشاركوا فى جمعة انقاذ الثورة لانهم كانوا بيحتفلوا بيوم اليتيم وبيرسموا بسمة على وشه .. دلوقت بس فهمت ليه لم يشارك الاخوان فى شرارة الثورة الاولى يوم 25 يناير عشان كانوا بيحتفلوا بعيد الشرطة وكانو بيرسموا بسمة على وشها ...!!

+طيب دلوقت فهمنا انهم لم يشاركوا باقى القوى السياسية جمعة انقاذ الثورة عشان بيحتفلوا بيوم اليتيم .. طيب ليه برضه لم يشاركوا باقى القوى السياسية والثورية رفضهم للترقيع الدستورى فى 19 مارس .. غالبا كانوا بيحتفلوا بيوم الندالة ..

+عندما اغلقتم افواهكم وقت هدم كنيسة الشهيدين بصول فى اطفيح .. فتحتم اعينكم على هدم وحرق المساجد التى بها اضرحة .. لا تعليق ..

+ شيخ ولواء وصول
اما الشيخ فهو حسان وكل شيخ زيه
اما اللواء فهو المسئول عن حكم البلاد والعباد
اما صول فليس شخص او وظيفة بل بلد فى اطفيح واطفيح بلد مصرية فى حلوان وحلوان محافظة تقع داخل الحدود وليس فى طالبان ..بعد اللى شفته فى جلسة الصلح فى صول ادركت ان البلد فى خطر .. هذه رسالة مسجلة .. البلد فى خطر .. وزاد يقينى عندما قال الشيخ حسان .. ( طبقا للشرع فقد قرر الجيش ) .. وكنت اتمنى ان يكون قرار الجيش نابع من القانون .. و ليس من هوى اصحاب الدقون ..

+ يعنى ايه كولا زيرو .. يعنى الجيش يعمل استفتاء على 9 مواد فى التعديل الدستورى ويطلع بعد كدة بيان ب 62 مادة ..

+ يعنى ايه كولا زيرو برضه .. يعنى يوسف زيدان يهين الدين المسيحى ويسخر من عقائده الاساسية وابونا عبد المسيح لما يرد عليه يتحبس ..

+ بعد غزوة الصناديق يوم الاستفتاء اتوقع غزوة الكراسى يوم الانتخابات .. وبعدها مذبحة القلعة ..

+ حد فيكم شاف جلسة العزاء فى الثورة .. الله يرحمها ..
بجد عملولها عزاء ؟
اه وكمان كان العزاء على الهواء مباشرة .. ؟
يا راجل قول كلام غير ده ..
لا فعلا.. لو شفتوا جلسة الحوار الوطنى الاولى بحضور الجمل بعد صدور البيان الدستورى تحس ان الاعلان ده هو الرصاصة التى قضت على الثورة .. اما يوم الحكم بالاعدام فكان يوم 19 مارس .. يوم الترقيع الدستورى .. الذى قسم مصر الى فسطاط الايمان وفسطاط الكفار .. وكانت جلسة الحوار الوطنى جلسة عزاء للترحم على الثورة ولاعزاء للشباب ..

+ اهم حاجة فى الاعلان الدستورى انه خلا المادة بتاعة الشريعة الاسلامية هى المادة التانية من مواده .. احسن حاجة .. عشان اخوتنا المجاهدين والسلفيين والاخوان والزمر والجماعات الاسلامية وحزب الوسط والعمل والقرضاوى والشيخ حسان والعوا والازهر .. كل دول كانوا متربصين لو المادة دى اللى هى فوق دستورية اتحركت قيد انملة من مكانها كانت مصر شهدت وفرة فى الدم البشرى .. عشان كان هيبقى للركب .. نموت نموت وتحيا المادة التانية ..

+ كان غريبا ان لا يتضمن الاعلان الدستورى مادة عن استعادة كاميليا المسيحية من يد المسيحيين ..!! صدقونى كل شوية اقول طب ما تطلع تانى .. بس المشكلة مش فى طلوعها .. المشكلة ان ده تفتيش فى قلوب الناس وبكرة يقولوا فلان مسلم ويطلع ينفى .. وفلان ملحد ويطلع ينفى .. وربما تطور الامر لاقامة الحد .. حد الردة ..ويجيبوا اتنين شهود يقولوا .. لقد كان يصلى ويزكى ويصوم رمضان .. وانتوا عارفين اننا بنصوم رمضان اجبارى .. طيب ايه الحل ؟؟ الحل فى دولة يحكمها قانون .. لان كاميليا واحدة لا تكفى ..

+ شددت القوات المسلحة عقوبة الاغتصاب والتحرش الجنسى .. فماذا عن عقوبة التحرش بوطن كامل لاغتصابه ؟

+ مصر بلد الوحدة الوطنية فعلا .. عاش الهلال مع الصليب فى زنزانة واحد .. قال ايه ابونا بتاع اسيوط تم قتله بغرض السرقة واللى رتب للموضوع الخدامة المسيحية بتاعته واللى نفذ كدة تلات فلاحين مسلمين وضربوا ابونا كل الطعنات دى عشان يسرقوا .. تقريبا منها سرقة ومنها ثواب .. مش قسيس ****** .. دى الجريمة اللى وحدت عنصرى الامة .. بس سؤال لشرطة الامة .. هو يعنى مش كان ممكن الاخراج يبقى احلى من كدة .. كنتوا تستعينوا بخالد يوسف .. اصل الخدامة ممكن تسرق البيت كله وابونا مش موجود وتهرب ولا من شاف ولا من درى .. لازم القتل يعنى وكل الطعنات دى .. معقول .. المفروض التلفيق بعد 25 يناير غير التلفيق قبل 25 يناير .. عيشوا اللحظة بقى !

+ قال الشيخ على جمعة ان المادة الثانية فوق دستورية .. ماشى مفهمومة دى .. لكن قال بعد ذلك ان المادة الثانية مادة كينونة .. من ساعة ما قريت كدة وانا هاتكنن يا ناااس .. قصدى هاتجنن ومش فاهم يعنى ايه كينونة دى ؟
__________________
(( افتحي يا كنيسه زراعك لكل متنصر جذبه المسيح اليه .. احتضنيه و اعترفي به فهو ابن لك و انت ام له ))

((فأنت الصدر الحنون له في محيط المخاطر و الكراهيه و الظلم و الارهاب الذي يتربص به ))
الرد مع إقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع
طريقة العرض

قوانين المشاركة
You may not post new threads
You may not post replies
You may not post attachments
You may not edit your posts

BB code is متاح
كود [IMG] متاح
كود HTML غير متاح

الإنتقال السريع


جميع الأوقات بتوقيت امريكا. الساعة الآن » 07:55 AM.


Powered by: vBulletin Version 3.8.6
Copyright ©2000 - 2024, Jelsoft Enterprises Ltd.

تـعـريب » منتدي الاقباط