الجحش قال للحمار
 

[b][color="blue"]أخر إبداعات أحمد فؤاد نجم..الجحش قال للحمار.. و موش محتاج أشرح لكم مين الجحش و الحمار .. ماقول الا " وشهد شاهد من أهله"[/color]

[center]الجحش قال للحمار *** يابا اديني الحنطور
يابا إنت سـنّك كبر *** و وَجَب عليّا الدور
......
كَــحّ الحمــــار كَـحة *** فزعِت لها الركاب
مش يابني بالصحة *** ده كل شئ بحساب
و ســـــواقة الحنطور *** محتاجة حدّ حكيم
و إنت عينيك فارغة *** همّك على البرسيم
قوللي تسوق إزاي *** و التبن مالي عينيك
ده حتى حبل اللجام *** واسع يا إبني عليك
إعقل و بطّل طمع *** لا تســخّن الركاب
ماتجيش يا واد جنبهم *** لا تبقى ليلة هباب
دول صنف ناس جبّار *** قادر مالوهش أمان
يبان عليهم وَهَــن *** لكنهم فرســـــــــان
..............
يابا دا نومهم تِقِل *** و بقالُه يابا سنين
كل البشر صحصحوا *** و لسه دول نايمين
...................
يا جحش بطّل هبل *** و بلاش تعيش مغرور
رُكابنا مــش أغبيا *** ولا عضمهم مكســور
بُكرة حيصحــــولك *** و يزلزلوا الحنطـــور
و تلاقي في قفاك *** تمانين مليون خازوق محشور[/center][/b]