كيف تفضل الحال فى مصر؟؟

[The_Lonley_Wolf]

المشاركة الأصلية بواسطة elmafdy

اسمح لى يا أخى الحبيب لونلى وولف بمداخله اخرى ارى انها هامه و مكمله لرأيى

بداية انا من الاقباط الذين يحيون داخل مصر و لست من اقباط المهجر , و لكنى كنت و مازلت أرى ان اخوتى فى المهجر هم جزء اصيل من نفس الجسد , همومنا واحده و مشاكلنا واحده , طموحاتنا و أحلامنا واحده , و بالتالى فيجب ان نبقى كما نحن جسد واحد لا يتفرق او يتشتت . . . . . و لكن

فليسمح لى أخوتى فى المهجر ان انبه انظارهم لأمر هام جدا , هو انهم بحكم حياتهم الجديده فى مجتمعات اكثر تحضرا و رقيا و حريه و انفتاح , نسوا الى حد ما الوضع فى مصر , نسوا أن الامر فى مصر مختلف تماما , فأصبحوا ينادون مطالبين بمزيد من الديمقراطيه و الحقوق , بالطبع كلنا لنا نفس المطلب و لكن هذا الطلب يمكن ان يؤتى ثماره اذا طلبته من رئيس امريكا او اى دوله اوروبيه , بينما هنا فى مصر , طلب المزيد من الديمقراطيه , و الالحاح عليه عالميا و داخليا سيؤدى لأمرين كلاهما قد يكون سلبيا , الاول توتر العلاقات مع النظام الحاكم بصوره تعود بالسلب علينا , و الثانى - و هو الاخطر - ان الرضوخ لطلب مزيد من الديمقراطيه يؤدى فورا الى صعود فى اسهم و صلاحيات اخوان الخراب .

انا لا أطلب من اخوتى فى المهجر عدم التدخل لمساعدتنا فى الحصول على مزيد من الصلاحيات , فهم لا يفعلون ذلك الا بدافع الحب و رباط الجسد الواحد بيننا , خاصة و انهم لن يستفيدوا شيئا بعد ان حققوا نجاحات و استقروا فى اوطانهم الجديده .
كل ما اطلبه منهم ان يقيسوا الامور بمقاييس ما يحدث هنا داخل مصر , و ليس بمقاييس امريكا و اوروبا .
و لذلك فأنا اعجب جدا بما يفعله مايكل منير من حوار مع النظام الحاكم و مقابلات و مفاوضات , بدلا من التشهير و العداوه مع النظام و الذين لن يجديا فى شئ .

ارجو ان يتسع صدركم لمداخله ثالثه

المفدى

شكرا اخ المفدى ده بس من ذوقك

المشاركتين بتوعك وصفوا الحال و الحل للأقباط بالداخل و الخارج ببراعة

انا بس مش متفق معاك فى نقطة مايكل منير لانه عمل بلبلة مالهاش لازمة بالزيارة
الزيارة ليها فوائد انما ضررها كان اكبر من فوائدها

ثم ان النظام المصرى *** للامريكان فليه يضيع وقته فى التفاوض مع ال*** رغم انه يقيم فى منزل واحد مع السيد؟؟؟

اللى يتفاوض مع النظام المصرى قبطى من أقباط الداخل اذا حب النظام يتفاوض
و اقباط الخارج مهمتهم أمريكا و المجتمع الدولى بما يتوافر لهم من ادوات فى ظل مناخ صحيح كمناخ الغرب

عاوز اقول كمان ان من خلال اللى اتعاملت معاهم من اقباط المهجر انا مش عاوز أعمم لكن انا بتكلم من خلال اللى اتعاملت معاهم:
اذا كان اقباط المهجر لما كانوا فى مصر سلبيين قيراط فهما لما بيبقوا فى المهجر بيبقوا سلبيين 24 قيراط
بيتشغلوا فى المجتمع الجديد و متطالباته و كمان بيجيلهم زى ازمة هوية و بينفصلوا رويدا رويدا عن الهوية القبطية و بتبقى عندهم هوية جديدة حسب المجتمع اللى عايشين فيه
و اذا ربنا كرمهم و عملوا حاجة فتلاقيهم بعدها بشوية يتخانقوا و يضربوا فى بعض و يعود الوضع الى ماأسوأ مما كان عليه

مستنيين مشاركتك التالتة يامعلم