الكنيسة بين الدين والسياسة

هذه ليست ارائى اكرر ليست ارائى
بل اراء بعض الناس فى منتديات اخرى حبيت اكتبهالكم

*انا نفسى أفهم لية التهجم الفظيع على أبونا ذكريا بطرس من الكنيسة!
*المفروض ان الكنيسة تقف بجانب ابونا ذكريا مش تتهجم علية.يعنى اية ان بعض المسؤلين فى الكنيسة وبعض الافراد يقولوا ان ابونا ذكريا بيقوم الدنيا علينا! هو لما واحد يخرج الحق وينور العقول من الظلام الى فيها يبقى بيعمل مشكلة!
انا عن نفسى استفدت جدا من المواضيع الى طرحها أبونا ذكريا
فى حاجات كتير كنت بسأل نفسى فيها (هى دى صح ولا غلط) وابونا كشف كل شىء بكل امانة منه
هى فين الكنيسة القبطية دلوقتى من زمان ..لما كانتت الكنيسة بتتحمل الاهوال علشان تظهر الحقيقة مهما دفعت من دم ابنائها وخدامها.هو بيبشر الناس وبيبين الحقائق لا اكثر ولا اقل ..هو فين التبشر بالمسيح فى العالم العربى!
دا احنا اقلية بلنسبة للمسلمين .واقلية بالنسبة لباقى الطوائف المسيحية .فين التعاليم المسيحية الى جعلت أطفال فى سن 10 سنين و12سنة يستشهدوا على اسم المسيح لانهم رضعوا التعاليم المسيحية وهم صغار
..لما المسلمين يتكلموا عنه ماشى لانه بيظهر الحقيقة الى بيخبوها عن الناس ..لكن لما المسيحيين ينقضوا الكلام الى بيقولة ابونا ذكريا دى مشكلة فى حد ذاتها..لما يقولوا ان البابا شلح ابونا ذكريا وطردة خارج مصر وكلام كتير بيتقال عنه..دا يخلى الناس لا تثق فيه ولا فى كلامة ابدا على الرغم من انه كلام صح ....
__________________
{كراع صالح سعيت فى طلب الضال..كأب حقيقى تعبت معى أنا الذى سقطت }


بيس
اعتقد ان رأى الشعب المسيحى هذا نوع من الضعف او الهروب لما سوف يلاقونه كرد فعل على تأيده
و السبب فى هذا ضعف الايمان
فانا ارى اليوم ان كثير من المسيحيين فقط اسما و لا يفقهوا شيء عن المسيحية



amitabh
مشرف منتدى الكمبيوتر و الانترنت و (الفنان المطحون اخيرا)
للاسف المسيحيين يستحملوا فقط انهم يسمعوا الشعراوى و شرائط الميكروباصات
لكن حد مننا يحاول يرد يبقى بيعمل ثورة
لما ابونا زكريا هو اللى بيقوم الدنيا
امال خطب الجمعة اللى بتقول للمسلمين على الملاء (لا تقربوا ال***** ولا تعاملوهم)هذا جيد؟
شرائط الكاسيت التى تباع فى المساجد (قسيس اسلم و غيرها) و 100% منها كذب



mena_hot
قداسه البابا شينوتي الثالث يجب ان يغير منهجه ومنهج الكنيسه القبطيه في عده مواقف .... ويجب ان يشجع ويقوي امثال ابونا ذكريا بطرس ............. وان لم يفعل هذا او ظل يتعرض لابونا ذكريا ومن شابهه .... سيجد نفسه بصلي في الكائدرائيه لوحدوا .............

على فكره انا متحامل بعض الشيئ على الراعي الكبير ..... لغيرتي ولاني اسمع العديد من الناس غير راضيين عن اعمال سيدنا البابا ..... وخصوصا عندما يتكلم بالسياسه ....

يجب ان يعرف البابا ان مؤيدي ابونا ذكريا بطرس هم ليسوا فقط من الاقباط بل من جميع الطوائف المسيحيه .... وان شعبيته بدأت تزداد ..... وان كل ما يقال في حقه كلمه باطله ان كان من تشليح ثوب او الى اخره .... احبه الشعب اكثر واكثر ...... لانه يتكلم بحق وبضمير وليس كما باقي الكهنه للاسف ..... والذين فضلوا التوجهن والخوف والشهره على اكتاف الشعب القبطي ......

ليوصل جميع المقربين من قداسته :
اننا مع ابونا ذكريا بطرس وضد تشليحه للثوب والتعرض له ..... وان اصريتم على التعرض له فستخسرون ثقت الناس الذين احبوكوا وطاعوكوا طوال كل السنين .............

ارجوا من المقربين ان يوصلوا هذه الرساله بإسمي وبإسم كل مؤييد للاب الاب ذكريا بطرس


sokrat
عضو مبتدىء تاريخ التّسجيل: May 2005
المشاركات: 1
الاخوه الاعذاء
بالحقيقه كنت سعيدا بدخولي الي هذا المنتدي الرائع ولفت نظري هذا الموضوع الهام والشيق
وارجو ان تستمعوا الي في اول مشاركه لي في هذا المندي

اولا لنكن عارفين ان ابونا زكريا بطرس انسان رائع ولاقي الكثير من التعب والالام خلال حياته وخلال اعتقالاته
واعرف احد الكهنه الذين كان معتقلا معه في اوائل الثمانينيات وكان يصفه بالمناضل
بالفعل هذا الرجل رائع

ثانيا : لا تصدقوا كل ما يقال عنه او عن تطاول او صراع بينه وبين الكنيسه وارجوا ان تنتبهوا لهذا
ايها الاخوه ان غايه الشيطان ان يضرب خدمه هذا الرجل الرائع
فنجد المسلمين مثلا يصفونه بصفات غير اخلاقيه وانه وانه ولا يستطيعون الرد علي ما يقول
وفيذات الوقت الشيطان في حاله هيجان بالنسبه لاولاد المسيح فلابد من حكمه في القياده كي نمشي في كافه الطرق
ثالثا: ان من يتهمون البابا بسؤ التصرف وانه بعدائه لابونا زكريا سوف ينفض الناس عنه اقول لهم يا اخوتي كان بالاولي لابونا زكريا ذاته ان ينفض عن الكنيسه الارثوذكسيه ذاتها
لا يا اخوتي لا نجعل الغضب يعمي اعيننا فنفعل مثلما فعل الاخرون باشتقاقهم عن الكنيسه وانكروا كل صله لهم بالكهنوت كي يعيشوا حسب شهواتهم
ان الكنيسه الارثوذكسيه هي بيتي وبيتك وبالاولي لجميعنا ان ندافع عنها ونحميها لا ان ننفض عنها كما هدد البعض
علينا ان نتروي في اتخاز القرارات التي نراها صالحه
علينا كما ذكر بعض الاخوة العقلاء ان نلتزم بديننا اولا ونظهره بين الناس باعمالنا

[SIZE="5"] lion
مشرف وما بيحبش يزعل حد

الحقيقة الواحد سعيد بمستوى النقاش فى هذا الموضوع لانة الحقيقة بيعبر عن فكر شباب واعى ومثقف ومتنوع النظريات

ويارب بكون كل الشباب زيكم

بالنسبة لموضوع ابونا دة موضع كبير وتفاصيلة كتيرة ولية شق روحى واخر سياسى واخر امنى لكن فى حقائق لازم نفهنها

1- ان سيدنا البابا رجل ليس له مثيل فى هذا الزمن وربنا يديلو الصحة وطولة العمر واحنا مش هانعرف امتى اللا بعدين
سيدنا البابا رجل عقلانى روحانى حكيم جدا قائد حازم ويعرف مالذى يفعلة بالظبط وتاكدوا انة عمرة ما هايعمل حاجة تزعل ربنا

2- ابونا بطرس رجل كاهن ارثوذكسى حتى هذة اللحظةولم ولن يترك كهنوتة
وبالنسبة لاسلوبة فتاكدوا ان نظرياتكم سليمة وانا معاكم ولكن تاكدوا ان كل واحد ولية اداواتة اللى بيصيد بيها وبينجح بيها



gorg
صديق المنتدى

يا جماعة انا عاوز اقول حاجة ......... و ده رايي احنا ليه بصينا علي ابونا زكريا هو صح ان احنا نفرح ان في واحد منا بيدافع علي الايمان المسيحي و الكنيسة بس في حاجة انا عاوز اقولها زي ما في ابونا زكريا بره مصر في ابونا مكاري جوه مصر يعني ربنا مش سايب كنيسته و كمان البابا شنودة محدش يقدر ينكر حكمته في قيادة الكنيسة و كمان عاوز اقولكم حاجة ايام البابا كيرلس كان ماشي و راعي الكنيسة كويس جدا و بالرغم من كده برضه طلع ناس و مننا احنا يهاجموه ...... يعني اللي عاوز اقوله اننا لو كل واحد عمل الشئ الصح السليم كشخص مسيحي مش حيكون في ابونا زكريا واحد بس و الدليل حيكون اسلوب حياتنا ....... بس كمان لازم ناخد بلنا من نقطة ان احنا بنخاف ليه علشان معندناش ثقة ولا ايمان ........ و في حاجة كمان انا مش بشجع التعصب يعني لازم ناخد بالنا ان في جماعة بتكون عاوزة تسير الفتن من جوه الكنيسة و من خارجها مش علشان مصلحة الكنيسة لا علشان مصلحتها الشخصية ....... معلش طولت عليكم بس فعلا الموضوع هام

rafik samy


الراجل ده تحفة
و بجد بيعمل شغل حلو قوى
فى حاجات كلنا بنواجهها كل يوم و مش بنعرف نرد عليها.. هو بيقولها بمنتهى السلاسه و بوضوح من غير خوف و لا شك
حتى هما نفسهم مش بيقدروا يرضوا عليها فكل اللى بيعملوه أنهم يشتموا..
أنا شخصيا أعرف واحد كان متعصب جدا للإسلام و ماكانش بيفوت مناسبة إلا لازم يقول أصل ال***** دول كفرة.. لكنه كان قريب منى
ففى يوم كدة قالى هو صحيح فى برنامج بييجى على الدش بتاع قسيس مصرى بيشتم فى الإسلام.. فقولتله لا.. هو مش بيشتم.. هو بيسأل و مستنى حد يجوبه.. تعرف أنت تجاوبه.. فقالى بمنتهى الفخر أنه دارس فالقرآن و الإنجيل و يقدر يرد على أى سؤال...
و فعلا أتفقنا أننا نتفرج على البرنامج مع بعض... و كان قاعد يتريأ لغاية ما أبتدى البرنامج.. و قعد يتريأ على تخن أبونا زكريا و أن سبب التخن ده هو الفلوس اللى أمريكا و إسرائيل بتصرفها عليه علشان يضرب فى الإسلام.. و كلام من ده
لكن لما أبتدى يسمع.. لائيته مركز قوى و لما كنت بحاول أكلمه كان بيسكتنى و جاب ورقة و قلم و قعد يكتب اسامى الكتب اللى أبونا زكريا بيقرا منها و يسمع.. و راح جاب القرآن.. و بقى يطلع الآيات.. كانت الحلقة دى بتتكلم على أخطاء القرآن النحوية.. و على فكرة صحبى ده أزهرى و بيعرف فى اللغة العربية كويس..
المهم.. فضل على الحال ده لغاية أخر البرنامج.. و بعد البرنامج.. متكلمش خالص.. لكن سألنى عن مواعيد البرنامج فقلتله..
و بعد كدة بقى بيتفرج على الحلاقات لوحده.. و أخر حاجة هو قالهالى مين يعرف.. أنتوا ولا أحنا اللى صح..
أنا واثق تماما أن أن صحبى ده إيمانه بالإسلام أتهز.. و بدء يفكر و يحاول يشوف بعين تانيه غير اللى هو أتعود يبص بيها لأمور دينه..
و هو طلب منى نسخة من الإنجيل .. و طبعا أدتهاله علشان بجد حسيت أنه عايز يفهم..

مالناش دعوة أبونا زكريا جنس مليته إيه .. أوسوزوكسى، كاتوليك، بروتستنت.. المهم أنه بيفكر و بيوصلاللى هو عايزه.. و القصد كلام ربنا فالآخر.
أنا بحترم الراجل ده و يا رب تحفظه من أجل رفع أسمك.

bondoqa



علي فكرة يا بيس انا اعتقد ان البابا شنودة لة وجهه نظر معينة في انة يخلي ابونا زكريا خارج مصر علشان لما يطلبوا منة ان يوقفة عما يفعلة يرد بكل بساطة انا ماليش سلطة علية انا مشيتة من الكنيسة ومن مصر وبكدة يقدر ابونا زكريا يستمر . اما موقف الشعب المسيحي فهو فية تسرع وعدم وعي كافي يا ريت يفكروا كويس قبل ما يحكمواالموقف دة فكرني بحكاية عن الآنبا مكاري اسقف سينا المتنيح انة في احد زيارات السيد رئيس الجمهورية لسيناء لافتتاح احد المشاريع القومية انتهز الانبا مكاري الفرصة وقال انة قدم اكتر من خمس طلبات للدولة لبناء كنايس في سيناء واوضح لية تاريخ كل طلب بالمستندات ودة طبعا كان موقف محرج جدا للريس فامر في الحال بالاستجابة للطلبات دي بالموافقة تفتكري كان رد فعل مسيحين سيناء اية ؟؟؟
عملوا تجمهر في المقر في سينا و استنكروا اللي عملة الانبا مكاري بحجة ان دة هايقلب الدنيا عليهم لكن الانبا مكاري رد بكل بساطة انتوا زعلانين طب انا لما اقف قدام المسيح يوم الدين ويسألني اقولة اية وفعلا اقتنع الناس ان مينفعش نجامل اي انسان مهما كان مركزة او نخاف منة علي حساب المسيح
الحكاية انا سمعتها من التلميذ الخاص بالانبا مكاري وهى حقيقية 100%

spider_arch


لقد قرأت أكثر من مشاركة فى الموضوع بالإضافة إلى أن هذا الموضوع ناقشته مع أصدقائى منذ فترة

و للأسف نحن فى عالمنا العربى تعودنا سواء بتأثير المجتمع أو الثقافة الإسلامية أن عندما نتحاور ونتناقش يتحول الحوار من أنك تناقش فكر إلى أنك تناقش شخص
بمعنى أنه فى رأيى لو إفترضنا أن أبونا ذكريا مشلوح وإنسان سئ السمعة و.....إلخ
كل هذا لا يمس مصداقية فكره بشئ

أرجو من الجميع أن نناقش ما يقوله أبونا ذكريا بطرس دون النظر إلى شخصه

بالمناسبة : دى أول مشاركة ليا

تحياتى وتقديرى

طيب ممكن اقول كلمة في الموضوع ياجماعة؟
أولا ابونا زكريا مش ذكريا
ثانيا ابونا زكريا لم يتم تجريده من رتبة الكهنوت
ثالثا ابونا زكريا اختار الخروج لامريكا وترك انجلترا حتي لا يحرج الكنيسة وسيدنا البابا مع الحكومة
رابعا الموضوع ده في منتهي الذكاء من سيدنا البابا لان ابونا زكريا يعظ في التليفزيون ودخل كل بيت في مصر ومازال يعمد كل المتنصرين ويناولهم... يعني لسه يعمل ويخلص في كل يوم نفوس للربايه رايكم بقي؟

amilfakhry


يا أخواتى أعذروا قداسة البابا للأسباب الاتيه:-

1- لو البابا شجع أبونا زكريا بكلمتين هيكون أول الضحايا هم الاقباط الغلابه هتهيج عليهم ال**** والجهلاء اللى هايقولوا شوفوا أتباع شنوده والقسيس المارق زكريا بطرس اللى بيهاجموا الاسلام ونبيه وتقوم القومه من اللى يسوى وما يسواش وتبقى فتنه والضحايا كالعاده معروفين.... ولاأنتوا مش فاكرين موضوع سلمان رشدى أهو لايقرب لنا ولانقربله وشوفوا الماااسى اللى كانت بتحصل فى الصعيد والافتراء على المسيحيين الغلابه والبنات فى الشوارع !!!!!! لازم يكون الراعى الكبير اللى كلامه بيتعد عليه حكيم ولا أنتوا مش معايا!!!
لو راجعتوا الذاى أبونا زكربا خرج من المعتقل هتعرفوا أن سيدنا البابا خرجوا بطريقه حكيمه بكلمتين وبس قالهم أنتوا هاتعملوا منه بطل فسابوه ولولا كده ما كان هيخرج ولا يسافر بره مصر ويطلع الحاجات الحلوة اللى بنسمعها منه دى فالبابا بيفوت الفرصه على ال**** أنهم يأذوأى حد من الأقباط على الفاضى والمليان.......

2- هناك من المسلمين المتطرفين من يقسمون أهل الكتاب وطبعأ ألأقباط منهم الى محاربين للأسلام وغير محاربين أفكار على الموضه
وطبعأ أللى بيحاولوا يفهموا منهم عارفين أن الاقباط غير الأمريكان غير الأنجليز والفرنسيز وبالتالى أحنا فى نظر الجماعه دوول لحد دلوقتى
غير محاربين وده تطور كبير ولا عاوزينهم يفكرؤا زى أيام الجماعه اللى فى المعتقلات دلوقتى وسيدنا البابا راجل مثقف وعارف هو بيخاطب ميت والمجتمع فيه أيه والناس كلها عارفه كده دا أحنا ماصدقنا أن فى ناس ليها وجهة النظر دى وكله بأمر اللة....

3-أنتوا فاهميين ألأستشهاد والشهاده للمسيح تكون الذاى يعنى عاوزين الكهنه يطلعوا فى الشوارع ويتكلموا زى أبونا زكريا ويبقوا مستفزين للناس وبس !!!!!! أنا لاأعترض على أبونا زكريا ولابقول أنه مستفز بالعكس الراجل بيقول اللى على راسه بطحه يحسس عليهاواللى مش عاجبه يرد عليا أنما أحنا من غير المنطقى نقول أونتكلم ألأ إذا حد طلب مننا أنه يفهم حقيقه وضعه وما يعتقده مش نرمى نفسنا فى التهلكه وبس على الفاضى والمليان....ماشى الشهاده لها أكليل جذاب والتاريخ يشهد بس أنتوا عاوزين البابا يقول يلاااااا أستشهاد زي يالاااااااا
نبيبسى ولاأيه فين الحكمه.....
لكن فى حاجه أنا اللى يتعرض لأيمانى أرد عليه بس بحكمه ...ومن غير خوف هو الخوف أن اللى بيرد مايكنش زى أبونا زكريا ياريت نتعلم منه حاجه.....
وبعدين دلوقتى اللى عاوز يبشر يدور على الخراف الضاله أولا ......
ولا أنا عندى فكره حلوة ما ننتبه لأولادنا الصغيرين ونعلمهم الأيمان السليم وفى الحاله دى هيبقوا كلهم زى ألبابا وزى أبونا زكريا فى المنطق والحجه طيب ده ربنا سخر ثقافة بولس اليونانيه وغيرها فى التبشير بالمسيحيه



godcanendit
عضو نشيط جدا
[ هذة اول مشاركه لي وهذا بامانه اول موضوع ادخل عليه في المنتدي بامانه قرات كل المشاركات كنت عايز اقتبس جزء من مشاركه اي عضو لكن عندما قرات المشاركات كنت هاخدهم كلهم اقتباس



بالنسبه للاخوه الذين يهاجمون ابونا زكريا بطرس ويقولون انه بروتستانتي هل حتي لو هو كان ملحد يغير من معني كلامه؟؟؟؟؟؟؟؟؟؟؟؟؟؟؟؟
URL=http://www.fatherzakaria.com/]موقع ابونا زكريا[/url]



من يمجدون قداسه البابا ويفعلون مثل الكنيسة الكاثوليكية في العصور الوسطي وصاروا يساوا كلام البابا بكلام الانجيل هل وصلت كنائسكم خطاب الانتخابات الذي يطلب فيه البابا من كل مسيحي مصري ان ينتخب مبارك؟؟؟؟
اعرف تاريخ مصر
الي من يقولوا عيشوا في سلام ارجوا منهم ترك سيارتهم ومدارس اللغات الانجيليه والفرنسسكانية والالمانية والجامعة الامريكية وكل الاماكن اللتي يزيد فيها عدد المسحيين عن 100%و التي يروا فيها الدنيا بنظارة وردية ويخرجوا سيرا علي الاقدام لمدرسة حكومي التي تجد بها من 1 الي 10 طلبة فقط وكيفية التعامل معهم من زملاهم ومدرسيهم وقولوا لنا كيف نعيش في سلام؟؟؟؟؟؟؟؟؟؟؟
اسف علي الاطالة وشكرا لسعة صدوركم

سلام ربي وفاديا ومخلصي يسوع المسيح معكم
ربنا يبارك حياتكم ويحميكم من الذئاب الخاطفة