حتي لا نقع في نفس الدائرة المغلقة!!!

[Mrs 2ana 7or]

لكن بحذر من التدويل دون العمل الداخلي لأنه لن ينفع دون نقل صورة الغضب القبطي. اتمني ان اخوتنا في مصر يعرفوا الاقباط ما الذي يحدث لأن المرعب ان اقباط مصر لا يعرفون شئ عن ما يحدث من حرب طائفية علينا و عليه يجب كسر حاجز الاعلام الحكومي صاحب السياسة التعتيمية. صدقوني معظم اصدقائي في مصر لم يعرفوا ماذا حدث الا مني بالذات ان مواقع الاقباط معظمها لا يعمل في مصر.

الحقيقه انا موافقاك على كلامك بس نفسى اعرف ليه الخوف من تدويل القضيه يا نبيل ؟؟؟
اعتقد اننا اعتمادنا على الاقباط فى مصر لازم وضرورى بس مننساش انهم فى النهايه لا حول ولا قوة اتحركوا طب وبعدين اعتصموا واتظاهروا برده وبعدين الحكومه فى مصر ماشيه بنظام اعملوا اللى تعملوة وهى بتعمل اللى عاوزاه يعنى لو مافيش تدويل وفضايح للحكومه يبقى اكنك يا بو زيد ما غزيت
الدول حولنا فى المنطقه قضايا الاقليات فيها او المسيحين بصفه عامه مخدتش بعد ايجابى الا مع التدويل واقرب مثال العراق لولا القضيه اتدخلت امريكا فيها مكانش وصل رئيس دوله كردى للمركز ده ولا الشيعه وصلوا للى فيه ده
لبنان لولا تدخل امريكا مكانش حصلت التطورات الرهيبه وخروج سوريا بالسرعه دى حتى لو خروج غير كامل
هدفى ان التدويل هو سمعه الدوله واى شيئ يصيب سمعه مصر الحكومه حتعمله الف الف حساب يبقى الخطين لازم يكونوا فى توازى وليس بحذر بل نسعى وبالضرورة للتدويل باى طريقه
شيئ تانى وهو الاعلام ... الاعلام من رايى هو السلاح الاقوى لان مصر والتعتيم اللى فيها ده سببه التعتيم الاعلامى الحكومى والحمد لله الفضائيات فتحت لينا طاقه نتنفس منها بس السؤال ............امتى يكون لينا قناه اعلاميه قبطيه تنقل مشاكلنا واللى بيحصل فى مصر اولا للناس جوه مصر اللى منهم كتير مش بيدرى باى شيئ وللناس بره ونفضح ممارسات الحكومه الاسلاميه المصريه المتخلفه
الاعلام ورقه لازم نلعب بيها صح وهى الوسيله الاولى لتدويل القضيه القبطيه
وبالاعلام حنقدر نعرف الناس جوا مصر حقوقهم اللى مش دريانين عنها اى شيئ والاعلام هو اللى حيعرف الناس برده فى مصر اللى بيحصل فى المحافظه اللى جنبهم
هل يعقل انى اكون اخر الدنيا اعرف اللى بيحصل فى صعيد مصر واهلى فى القاهرة ميعرفوش اى شيئ ؟؟؟
يبقى لو عاوزين اقباط الداخل يتحركوا كلهم لازم توصلهم المعلومه صح بدون تعتيم او تزييف ونفس الوقت ندول القضيه ونفضح الحكومه المصريه
وقتها يمكن نبدا نلاقى رد على مطالبنا

بدءوا حملة في جميع المنتديات المصرية علي النت لازم الشعب يعرف ماذا يحدث و متخافوش من اللي هيتريق و اللي هيشتم افتكروا ان فيه ناس ماتت عشنا افتكروا ان لو متكلمناش مش هنعيش كلنا فلو هنموت نموت و احنا بندافع عن شئ مش علي الفاضي.

المطلوب مواجهة الموقف بكرامة و احنا واثقين من حقنا.

تحياتي و كلي امل انكم تستطيعوا تحريك الشباب في مصر الامتحانات خلصت و هتلاقوا شباب

موافقاك الف فى الميه

[bolbol]

مدام انا حر انا لا انكر اهمية العمل الخارجي ولا اهمية التدويل لكن العمل الداخلي ذو اهمية غير محدودة تعريف المجتمع بمجمله بظلم الدولة و ضعفها و تأمر المتأسلمين هيبرر العمل الخارجي و التدويل. هيعرف المواطن بمدي المشكلة هيتفهم ليه الاقباط بيتواصلوا مع العالم من اجل الحقوق المسلوبة.

الاقباط و بالذات اقباط المهجر تم اتهامهم بالتأمر و خلق الاكاذيب لأن الاقباط في الداخل معزولين بالأعلام و بخطاب الكنيسة السلمي ذيادة عن اللزوم. لازم يحصل تحرك من الداخل لمساعدة اقباط المهجر.

اذا عرف المسلم قبل المسيحي حقيقة الامور هيتفهم ليه الاقباط لجؤوا الي المجتمع الدولي. التعتيم الاعلامي خطر
لأنه بيسهل اتهام النشطين بالخيانة و العمالة.

و هنكون واهين لو اعتقدنا ان رجال الاعمال الاقباط الموجودين في الداخل ممكن يساعدونا في عمل قناة تليفزيونية للتواصل مع الداخل. لكنها فكرة جيدة صعبة التنفيذ.

اقترح عمل منظمة من الداخل تكون كلها علمانيين لا للأكليروس للمساعدة علي تحريك الاقباط. اعتقد ان ده حل كويس و الخريطة السياسية لمصر حاليا هتتحمل منظمة تهتم بالعمل الميداني لتوطين قضيتنا و اجتذاب رموز من المجتمع ذات طبيعة
كاريزماتيكية. و الشباب موجود و اعتقد ساعتها هيكون الامر احسن لأن المنظمة بعد تسجيلها قانونيا ممكن تقوم بالتحري عن مشاكلنا.

عايز اعرف رأيكم في الاقتراح!

سلام!