وزارة الخاريجية تسفه مناقشة الملف القبطي في الامم المتحدة

[mrenie]

أحب اوضح نقطه مهمه جداً

الاقباط فى الداخل للأسف بسبب وعيهم الضئيل و أنشغالهم عن القضيه مش عارفين حاجه و المشكله ان الوسيلهالاقرب ليهم هو بالتاكيد التليفزيون المصرى (المعتوه) و اللي لو فرد مساحه للاقباط انهم بيتكلمو او (قال يعنى بيتكلمو) بيكونو اقباط عملاء للنظام و خونه لشعبهم زى كباب حله و خسران فوزى و غيرهم و اللى كتير من الاقباط ما يعرفوش غيرهم و بالتالى بيصدقوهم و كله تمام يا معلم و السلام على الوحده الوطنيه الجميله قوى خالص جداً.....

السؤال اللى بيطرح نفسه ؟؟

أقباط الخارج فين هما ؟؟؟ مش موجودين غير على الانترنت و الاقمار الصناعيه ..
لازم الناس اللى بره تيجى و تقابل الناس اللى جوا ..لازم اللى بره ييجى و يحصل زيارات و عقد مؤتمرات و اجتماعات فى الكنيسه هنا فى "مصر" من قبل اسماء من أقباط المهجر علشان الناس تعرفهم و تعرف أقباط المهجراللى فى الخارج دوول مين.. محدش يعرف كتير عن مايكل منير مثلا و عدلى ابادير .. فين الكوناكت المباشر..الناس فى مصر منهم كتير حتى مسمعش قبل كده عن اقباط المهجر من نفس مصادرهم .. كتير ما بيسمعوش الا من الاخبار افى التليفزيون امنيل المصرى ده و اللى الموضوع كله منحصر فى نقطه واحده انه الاقباط فى الخارج دول عصابه من مجرد خونه و ناس مش عايزه الخير لمصر.. و كلام التليفزيون او الاخبار مافيش مره يجيب السيره الا و معاها نظريه المؤامره .. كده الناس هتعرف الحقيقه منين طالما التليفزيون المؤرف ده مسيطر..

و لما مايكل منير زار مصر مره واحده .. الدنيا قامت و مقعدتشى...

الناس اللى بره لازم تيجى جوه و تقابل الناس مباشرة هنا هتكتمل الدائره . الوسائل عن بعد دى مش مجديه و ناس كتير معندهاش الامكانيه الماديه و لا الفكريه للوصول مثلا للمنتدى ده او موقع الاقباط متحدون او قنوات فضائيه .. الناس اللى تعرفه هى الكنيسه و الاجتماعات و الخدمه..

ياريت اكون وضحت نقطه مهمه جدا لسبب عدم التواصل الكامل بين الداخل و الخارج


الرب يكلل تعب كل مسيحي ان كان بره او جوه مصر فى صالح هذا الشعب المطحون