بعد موت ياسر عرفات... حماس تقود الفلسطينيين إلى الهلاك (مدموج )

[The_Lonley_Wolf]

http://news.bbc.co.uk/hi/arabic/middle_east_news/newsid_4887000/4887674.stm

ياسلام كده بقى استحكمت حلقاتها فعلا كندا و اميركا و الأتحاد الاوروبى و خزانة السلطة فتح أشتطها
ياترى هاتفرج ازاى؟؟
هايشحتوا من مصر و روسيا الفقرانيين ولا هاياخدوا من أيران اللى بتصرف كل تعريفه على استعدادات الحرب القادمة مع اميركا؟؟ أو ممكن يفرضوا اتاوة على الشعب الفلسطينى يدفعوا بيها مرتباتهم
نسى رجال حماس المجاهدين ان من يمتلك موارده هو فقط من له الحق فى ان يكون سيد قراره

[The_Lonley_Wolf]

الاخ الوزير لما زنقته الست جيزيل خورى من كام يوم فى برنامجها "بالعربى" على العربية حول تصريحاته هو و حركته المتضاربة فتارة يقولوا انهم لا يتعاملوا مع "دولة الكيان الصهيونى" و تارة اخرى يقولوا انهم على أستعداد للعيش فى سلام ووئام مع دول الجوار و قد ذكر نصا فى رسالته الى كوفى عنان "العيش مع الجيران فى الاراضى المقدسة بسلام"
فكما تساءلت جيزيل تراه من يقصد بالجيران فى الاراضى المقدسة؟؟ مش معقول يقصد منغوليا مثلا
لكن هو كان واضح انه مزنوق و خبته خيبه لدرجة انه طلع برد مضحك اوى و قال انه يقصد الجيران فى القدس الشرقية يعنى من الاخر عاوز يقول انه هايعيش فى سلام مع الشعب الفلسطينى الظاهر ان الاخ اسرائيلى و احنا مش واخدين بالنا

المهم فى مسلسل التنازلات الحماسية التى من الاجدر حاليا ان تغير اسمها من "حماس" الى "انبطاح"
طالعنى هذا الخبر اليوم :
http://www.alarabiya.net/Articles/2006/04/09/22713.htm

و هو خبر زادنى تفاؤلا فيما يخص تحقيق أبادة للأرهاب و الارهابيين فها هى منظمة من اكبر منظمات الارهاب فى الشرق الأوسط تنبطح كل يوم زيادة عن اللى قبله و تتخلى شيىء بشىء عن افعالها الاجرامية الارهابية
كما يدل على ايدولوجية الارهاب التعبانة