من يوافق على توريث مصر لجمال مبارك ؟

[BAVLY]

المشاركة الأصلية بواسطة nosha

أعتقد إن الحل الوحيد هو المعارضة ، و الحكومة عارفة كدة كويس عشان كدة بتحاول تقمع المعارضة و تضعفها ،

لكن الحقيقة اللى ساعد على كدة مش الحكومة بس ، لكن احنا كمان ساعدنا بسلبيتنا و ضعفنا ،

إحنا مش قليلين إحنا كتير جدا و نقدر نأثر ،

لازم نتفق على حزب معين و نسانده كلنا ، أنا ما عنديش فكرة جامدة عن الأحزاب لكن إيه رأيكم فى
حزب التجمع ؟ أعتقد إنه من أفضل الأحزاب اللى أسمع عنها لكن ما عنديش فكرة كاملة عن الحزب إلا من كلام د / رفعت السعيد فى التليفزيون و الصحف و الحاجات دى كلها .
يا ريت لو حد عنده معلومات عن موضوع الأحزاب دة يتكلم ، ممكن نختار حزب و نسانده إحنا الأقباط ، و معانا شوية المسلمين العقلاء ( لازم نلحقهم لأنهم فى تناقص ) و نكون قوة تالتة تظهر على الساحة بدل ما نبقى بين مطرقة الإخوان و سندان الحزب الوطنى .

إيه رأيكم ؟
يا ريت اللى عنده أى تعليق أو تصحيح لوجهة نظرى يقول ، أصل أنا ما عنديش فكرة جامدة عن السياسة .

تحياتى ،
نوشا

طبعا أنا سعيد جدا بالرأى ده لأنى أعتبره رأى مناسب جدا وحل قد يصلح من واقعنا حتى لا ننتظر وإيدنا على خدنا ونقول ياترى دول هايعملو فينا إيه؟ ودول ناويين لنا على إيه؟ لكن لو بصينا للأحزاب اللى ممكن ننضم ليها هنلاقى إن كل الأحزاب الموجودة فى مصر حاليا هى أحزاب مروضة حكوميا وخصوصا القديم منها مثل حزب التجمع الذى لم ينجح رئيسه الأستاذ / رفعت السعيد سوى فى الظهور من خلال وسائل الإعلام دون أن يهاجم أو يهادن فهو يخشى بطش الحكومة به فقد يجد نفسه يوما دون مقعده على عرش حزبه ثم أن حزب التجمع من الأحزاب الذى أسسها السادات بقرار حكومى تجميلا للوجه الديمقراطى لمصر وكان يضم الشيوعيين والناصريين مقابل الإخوان المسلميين وتزعم هو(السادات) حزب الوسط حتى يطحن الشيوعيين والإخوان بعضهم ويكون هو ماسكا العصا من الوسط (سياسة فرق تسد) ولكن الذى حدث أن تحالف الشيوعيين (حزب التجمع اليسارى ) مع الإخوان (اليمينيين) وأشعلوها نار فى كرسى السادات وبعد أن ترأس مبارك مصر إنضم الإخوان إلى حزب التجمع لقترة ثم حزب العمل من أجل أن يكون عنهم ممثلين فى البرلمان من خلال هذه الأحزاب 0 ثم يأتى دور حزب الوفد الذى ترأسه لفترة كبيرة نعمان جمعة ونعمان جمعة يكفى أن نقول عنه أنه محامى يوسف والى وزير الزراعة السابق المتهم بسرطنة 19 مليون مصرى فهل هذا شخص محل ثقة فى أنه معارض أم أنه موضوع لمجرد الديكور الحكومى ؟ والرئيس الحالى الذى ترأس حزب الوفد بعد إنقلاب شنه على نعمان جمعة هو محمود أباظة شقيق وزير الزراعة الحالى ولا تسألونى ماسر إرتباط حزب الوفد بوزرارة الزراعة؟ فأنا عن نفسى مشتاق أعرف 0 ويبقى أمامنا حزب ناشئ وليد ولكنه ولد قويا وأثر جدا على الساحة السياسية منذ مولده لم يهادن ولم يداهن وإرتفع بصرخة كل المصريين إلى عنان المعارضة مما قاد حسنى مبارك أن يلفق لرئيس هذا الحزب تهمة القاصى والدانى يعرفون تماما أنه برئ منها وهى تهمة تزوير توكيلات الحزب وبرغم من ذلك فالحزب صامد يقاوم ويحتاج مساندتنا كلنا له وأن نقف خلفه ونتوغل فيه ليكون هو صوتنا إنه حزب ( الغد)الليبرالى وأنا عن نفسى عضو فيه بعد أن وجدت أنه ليبرالى أى علمانى وذلك من خلال قرائتى لبرنامج الحزب وعلى فكرة كثير جدا من قياداته مسيحيين لذلك أعتقد أنه الحزب الوحيد الذى يستحق مساندتنا

لكم شكرى ومحبتى
بافلى