حوار مع أحد كبار الأساقفة عن هذا المنتدى - للحذف؟

[bemoi]

أبو الولد هو الوحيد اللى ليه الحق انه يعمل اللى هو عايزه فيه.
دعوة للتفكير: الخالق هو الأب - البشرية هى الابن
اذن الخالق يؤدب البشرية و ليس من ينوب عنه

غير ان موضوع الضرب عشان الولد يذاكر فكرة تربوية خاطئة و بامكانكم الرجوع الى أساتذة علم النفس اللى هيقولولكم أن الولد لو أحس بحب الأهل الشديد هيعمل أى حاجة هما عايزينها, و الضرب ليس الا وسيلة للترويع تخلق معتقدات و أفكار خاطئة لدى الأولاد خاصة فى سن المراهقة مما يؤدى الى الانحراف و التدخين فى أغلب الأحوال.
رجاء عدم الرد على موضوع عقاب الأولاد لغير الدارسين.

بصراحة أنا مستغرب من ردود أفعالكم. ازاى بنستخدم الكتاب المقدس كدة؟؟

[PeterAbailard]

المشاركة الأصلية بواسطة bemoi

أبو الولد هو الوحيد اللى ليه الحق انه يعمل اللى هو عايزه فيه.
دعوة للتفكير: الخالق هو الأب - البشرية هى الابن
اذن الخالق يؤدب البشرية و ليس من ينوب عنه

غير ان موضوع الضرب عشان الولد يذاكر فكرة تربوية خاطئة و بامكانكم الرجوع الى أساتذة علم النفس اللى هيقولولكم أن الولد لو أحس بحب الأهل الشديد هيعمل أى حاجة هما عايزينها, و الضرب ليس الا وسيلة للترويع تخلق معتقدات و أفكار خاطئة لدى الأولاد خاصة فى سن المراهقة مما يؤدى الى الانحراف و التدخين فى أغلب الأحوال.
رجاء عدم الرد على موضوع عقاب الأولاد لغير الدارسين.

بصراحة أنا مستغرب من ردود أفعالكم. ازاى بنستخدم الكتاب المقدس كدة؟؟

أعتقد إنه لو أجتمع العالم كله وقالوا أمرا مخالف لما أعلنه الله فهم على خطأ والله على صواب
ام 19 :18 ادّب ابنك لان فيه رجاء ولكن على اماتته لا تحمل نفسك.
ام 22 :15 الجهالة مرتبطة بقلب الولد.عصا التأديب تبعدها عنه.
ام 23: 13 لا تمنع التأديب عن الولد لانك ان ضربته بعصا لا يموت.
ام 23: 14 تضربه انت بعصا فتنقذ نفسه من الهاوية.
ام 29: 15 العصا والتوبيخ يعطيان حكمة والصبي المطلق الى هواه يخجل امه.
ام 29: 17 ادّب ابنك فيريحك ويعطي نفسك لذّات

[bemoi]

برافو.

و لو شاطر قول بقى المقصود من الأعداد دى. و أكيد مش هتقول معناها الحرفى علشان واضح أنك دارس. فالعصا هنا لا تعنى عصا. و لا ايه؟

[bemoi]

ده غير طبعاً ان كلنا متفقين ان الأعداد دى موجهة لأبو الولد. صح؟؟؟

خلينا فى الموضوع أحسن يا ناس. بلاش المواضيع الجانبية دى كلها.

[kotomoto]

المشاركة الأصلية بواسطة bemoi

برافو.

و لو شاطر قول بقى المقصود من الأعداد دى. و أكيد مش هتقول معناها الحرفى علشان واضح أنك دارس. فالعصا هنا لا تعنى عصا. و لا ايه؟

وليه من أساسه نتناقش مع شخص كذاب؟؟؟؟؟
انت ما كانش عندك الشجاعه تدخل بدينك, و اتبعت اسلوب التقيه بتاعك, يبقى احنا من حقنا برضه ما نتكلمش مع شخص جبان كده,
و يا أخى لو انت مصر انك مسيحى, روح بقى لكبير الأساقفه اللى انت بتقول قابلته و طبعتله الورق من المنتدى هنا, و اتناقش معاه براحتك
لكن لو بقيت شجاع و اتكلمت بصراحه زى ما فيه ناس مسملين كتير فى المنتدى, هتلاقى الكل يرد عليك, لكن طالما بتكذب, يبقى الله يسهللك فى حته تانيه

[bemoi]

المشاركة الأصلية بواسطة kotomoto

وليه من أساسه نتناقش مع شخص كذاب؟؟؟؟؟
انت ما كانش عندك الشجاعه تدخل بدينك, و اتبعت اسلوب التقيه بتاعك, يبقى احنا من حقنا برضه ما نتكلمش مع شخص جبان كده,
و يا أخى لو انت مصر انك مسيحى, روح بقى لكبير الأساقفه اللى انت بتقول قابلته و طبعتله الورق من المنتدى هنا, و اتناقش معاه براحتك
لكن لو بقيت شجاع و اتكلمت بصراحه زى ما فيه ناس مسملين كتير فى المنتدى, هتلاقى الكل يرد عليك, لكن طالما بتكذب, يبقى الله يسهللك فى حته تانيه

ممكن أعرف ليه مش مصدقين انى مسيحى؟؟ هو شرط على اللى يبقى مسيحى ما يحترمش المسلمين؟
عم فهمى الكهربائى لم يؤذنى فى شئ و فضل البواب كل ما يشوفنى يقوللى "ازيك يا بنى؟" و الدكتور أحمد عادل يكن لى كل الاحترام فى الشغل هو و كل مكتبه من مسلمين و غريب النجار المسئول عن ترخيصات المرور يعاملنى بكل تقدير عندما أتقدم لشكوى للمرور و النقيب محمد درويش ساعدنى بدون أى مقابل لما كان عندى مشاكل مع السجل المدنى و غيرهم كثيرين جداً

زى ما فيه مسلمين وحشين. فيه مسلمين كويسين
و زى ما فيه مسيحيين كويسين. فيه برضه مسيحيين وحشين

محدش معصوم من الخطأ. و كونى انى أكن الاحترام لخليقة اللـه لا يعنى انى منحرف أو منشق عن الكنيسة. فالاحترام هو أساس الكنيسة. و جميع الوصايا العشر أساسها هو الاحترام.
أنا مسيحى و فخور انى مسيحى.

[kotomoto]

المشاركة الأصلية بواسطة bemoi

ممكن أعرف ليه مش مصدقين انى مسيحى؟؟ هو شرط على اللى يبقى مسيحى ما يحترمش المسلمين؟
عم فهمى الكهربائى لم يؤذنى فى شئ و فضل البواب كل ما يشوفنى يقوللى "ازيك يا بنى؟" و الدكتور أحمد عادل يكن لى كل الاحترام فى الشغل هو و كل مكتبه من مسلمين و غريب النجار المسئول عن ترخيصات المرور يعاملنى بكل تقدير عندما أتقدم لشكوى للمرور و النقيب محمد درويش ساعدنى بدون أى مقابل لما كان عندى مشاكل مع السجل المدنى و غيرهم كثيرين جداً

زى ما فيه مسلمين وحشين. فيه مسلمين كويسين
و زى ما فيه مسيحيين كويسين. فيه برضه مسيحيين وحشين

محدش معصوم من الخطأ. و كونى انى أكن الاحترام لخليقة اللـه لا يعنى انى منحرف أو منشق عن الكنيسة. فالاحترام هو أساس الكنيسة. و جميع الوصايا العشر أساسها هو الاحترام.
أنا مسيحى و فخور انى مسيحى.

احنا مش مصدقين انك مسيحى لأنك مسلم !! وهات عيل مسيحى من مدارس الأحد ( لو تعرفها أساسا ) هيقولك " عمو الشيخ أهوه "
و مين قاللك ان احنا مش بنحترم المسلمين؟؟؟؟؟
و كلامك ده هو اللى بيأكدلنا انك مسلم تقيه, لأنك داخل بفكره واحده و بتحاول تنشرها بين الأعضاء

و بعدين يا عم الشيخ, ممكن تدينا لينكات المقالات اللى انت طبعتها من المنتدى هنا و وريتها - لكبير الأساقفه - اللى انت روحتله ده , و أبدى إستياءه و امتعض؟؟؟؟

ممكن؟؟ ولا ديه كمان فيها إهانه للمسلمين؟؟؟؟؟؟؟؟؟

[موسي الأسود]

احبائي واخوتي وزملائي اهلا بكم جميعا
الزميل طارح الموضوع

اريد ان اعلم اخي ما عقوبة الكذب في الاسلام و في المسيحية لنقرر ما عقوبة الكاذب صاحب التقية الحلال شرعا في الاسلام .


طبعا حيلة الزملاء في توجيه الاسئلة اليك فاشلة بسبب انتشار المواقع التي تقتبس منها اجابة الأسئلة الموجهة اليك .

ولكن بما انك ترعرعت في الوسط الكنسي و بين المدراس و الجمعيات التي ذكرتها سابقا وطلبت منا التحقق منها .
ولكنك مازلت متخبطا تماما كاكذوبة القس الذي اسلم والذي عينه البابا رئيسا لجمعية خلاص النفوس الارثوذكسية .

لذلك فسوف اوجه اليك سؤالا واحدا بما انك استاذ ومعلم بالكنيسة و قضيت سنة باحدي المعاهد كما ذكرت .
ماهو ختام الثيؤطكيات الواطس التي تقال في صباح يوم الاثنين من البصخة المقدسة .

السؤال سهل جدا و اي طفل سيجيب عليه لآنه يحفظه من نعومة اظفاره كقانون الايمان بالضبط .

منتظر اجابتك في ذلك لتكتب لنا النص .
وعندئذ سنواصل الحوار لنجيبك بين الفرق بين القس و الاسق وكبير الاساقفة ابو شرطة .



انا لي مقولة مشهورة في المنتدي اود ان اكررها هنا
حتي في كذبكم مفضوحين .

[MARK_9]

أخى الحبيب بموا
أرجوا أنك ما تزعلش من أخواتك وتستحملهم وربنا هيعوضك على هذا
وأوجه كلامى للأخوة الأحباء الذين أشتركوا فى هذه المناقشة "أحنا ليه مش بنصدق ودايما بنشك فى الناس" أنا حاسس أن "بموا" مش كذاب
ولو كذاب "الأنبا بموا" هيخلص حقه منه
ومعلش يا "بموا" علشان تعرفهم أنك مسيحى والمحبة المسيحية ملية قلبك لأخوانك المسيحين والمسلمين قلهم رأيك بصراحة وباختصار وبرد مباشر فى الموضوع التالى:

"هل تعتقد أن الأسلام ديانة سماوية؟"

"هل تقبل الاهانات والبذاءات التى يشملها القرأن والعظات فى الجوامع والبرامج الاذاعية والTV الموجهة للديانة المسيحية والمسيحيين؟"

وتقبل محبتى لك سواء كنت مسيحى أو مسلم فنحن كلنا أولاد أدم وحواء

[bemoi]

أنا اللى أعرفه يا جماعة ان الوحيد اللى من حقه يدخل ملكوت السموات هو من آمن بسيدنا و مخلصنا يسوع المسيح. اكتفى بهذا الرد طالباً من ادارة المنتدى الغاء هذا الموضوع لما أثار من جدال و نقاش خارج صلب الموضوع فحتى الآن لا أجد رداً واحداً على ما قلت.

المحبة لا تسقط أبداً

موسى الأسود: أنا طبعاً ما أعرفش ايه هو الثيؤطكيات الواطس و لا عمرى سمعت عنه و مش ده اللى هيقول لو كنت مسيحى و لا لأ. و عايز أقولك ان حضور القداس و حفظ الانجيل عن ظهر قلب مش ده اللى بيخلينا مسيحيون و انما العمل بكلمة الله هى اللى بتخلينا مسيحيين بجد. و لما بعلم الولاد فأنا بعيد عن كل ما هو لاهوتى كنسى و للتوضيح يعنى ممكن نتكلم فى مواضيع زى : المبادرة بالاستلطاف. الروح الرسولية. صلاة التقدمة المعاشة. الصلاة الشخصية. مراجعة الحياة. الاختلافات و قبول الآخر. المجتمعات فى حياتى. دوائر العلاقات. كيف أكون انسان مسيحى فعال فى مجتمعى.
هدف الكشافة (أحد أنشطتى): تكوين مواطن مسيحى صالح.
هدف نشاط أغصان الكرمة لسنة 2006: نكشف عن أساساتنا. فنبنى حجراً بحجر... سيصير البناء عظيماً
و اكتفى بأن أقول انى بأسيب الكلام اللى زى "ختام الثيؤطكيات الواطس" للى بيعرفوا فيه أحسن ما أفتى أنا.

Mark: بجد أشكرك فأنت أول رد عاقل أحصل عليه. فلم أجد سوى ردود الاساءة و التكذيب.أكيد أنا مش زعلان من حد. فأنا معرفش اللى فى قلوبهم عشان أزعل منهم. أنا بس مستغرب من ردود الأفعال.

أنا مش مسلم لكن احترم الاسلام؟ ليه؟ لأن ربنا هو اللى خلق المسلمين و كل بنى آدم فيهم روح اللـه حتى لو كانوا بيعبدوا تمثال بطوط و ده اللى بيميز الانسان عن الحيوان ان ربنا نفخ فى آدم فصار انساناً و انما الحيوان "كن, فكان" و احترم جميع الديانات و المعتقدات البشرية حتى لو كانت غريبة على البعض. ليه؟ لأن ربنا وحده هو اللى يقول مين فيهم صح و مين غلط. و مادام عايشين وسطينا و بيشوفوا نفس السما اللى احنا بنشوفها اذن فيستحقون كل الاحترام و التقدير لأن عين الرب عليهم. هو عارف كل واحد فيهم. عدد شعر راسهم عاددها. و عارف بداية و نهاية كل واحد. و هو الوحيد اللى يقدر يعرف قلوبنا فيها ايه.

و طبعاً لا أقبل الاهانات و الاساءات فكثير من الجهلة يستخدمون القرآن فقط لتبرير أعمال العنف التى يقومون بها (كما يفعل بعض الأعضاء الذين ردوا علىً لكن المرة دى من الانجيل للأسف) و لا أقبل ان يسئ أحد الى ديانتى لدرجة ان مفيش حاجة تستفزنى غير سب الأديان و اتذكر المرة الوحيدة التى تشاجرت فى الشارع كانت مع أحد الأشخاص اللى شافنا خارجين من الكنيسة فشتم. و بعد الكلام معه وجدته اليوم التالى منتظرنى فى نفس المكان ليعتذر لى. فروح الله وصلته و كلامى أثر فى نفسه.
و أعتقد ان الاهانات التى بتتقال فى الاذاعة و التلفزيون كلها من ناس فاضيين عايزين يعملوا ضجة. و أكيد الانجيل ما علمناش نرد الاهانة باهانة و انما نصلى بكل تواضع و خشوع من أجل ان يضع الله فى قلوبنا روحه القدوس لنحس بالسلام الداخلى لكى نتعامل مع المجتمع الخارجى بمحبة الآب اللى لوحدها كافية انها تصد عنا كل شر. و عايز أقول أن مش كل المسلمين كدة. كل واحد فينا ما يقدرش ينكر وجود واحد على الأقل مسلم فى حياته.

كل اللى كنت باطلبه مش انكم ما تقولوش رأيكم عن الاسلام انما تقولوا رأيكم بمحبة و اتزان. يعنى فعلاً انا قريت شتايم فى المنتدى ده من المسيحيين ما كنتش أتخيل أصلاً أنها موجودة.

يا جماعة غيروا على مسيحيتنا. احنا نور العالم. احنا اللى شايلين المسئولية الخطيرة دى فى مجتمعنا و لازم نبان بمظهر مشرف يليق بيسوع له كل المجد.

آمين ان يكون كلامى وصل.