تهنئه قلبيه للجميع بمناسبه اعياد الميلاد وعيد راس السنه الميلاديه ( مدموج )

[menaa2005]

ابتدى انا بقى مادام مفيش حد غير اخويا الحبيب ذهبى الفهم عايز يهنينا بالاعياد
كل سنة وانتم بألف خير وسعادة
السنة اللى فاتت ديه كانت سنة عادية خالص كانت الاخفاقات اكتر من النجاح مش عارف ليه يمكن علشان حاجات كتير مااخدتهاش بجدية او الظروف كانت مش هى . بس اكيد فيه شوية احلام لا مش احلام هى امنيات اتحققت يعنى خلصت ورق لجامعة محترمة فى بلد انا عايش فيها ، وابتديت اتعمق واعرف حاجات كتير عن قضيتنا القبطية وابتديت الحمد لله ادخل المنتدى ده واقرفكم فيه وديه طبعا احسن حاجة لأن انا غلس قوى .
واللى اثر فى حياتى السنة اللى فاتت هى الاحداث اللى حصلت لينا كأقباط واهمها قتل الشهيد هانى واختطاف منى يعقوب .
احزانى اللى كانت السنة اللى فاتت كان اهمها البعد شوية عن ربنا ده على المستوى الشخصى اما على مستوى بلدنا الحبيبة مصر فأى خبر كنت بأسمعه عنها كان بيحزنى كتير لأنه بيكون يا إضطهاد اقباط او كبر شوكة الاخوان يا انتهاك لحقوق الانسان اما عن الاقباط فهو اللى بيصيبنى بالحزن هو السلبية من ناس كتير مش عايزة حقها ومستنياه يجيى مع الصبر وبقالها 1400 سنة ، ماعلينا علشان مانقلبهاش غم .
اما الافراح فكانت قليلة شوية ولكنها جميلة بالذات لأن مصر ابتدوا الناس يتكلموا ويقولوا لأ ابتدوا شباب الاقباط يقفوا بشجاعة زى ماحصل فى احداث 45 ويرفضوا الظلم ، كل ديه حاجات مفرحة قوى .
اما امنياتى فهى لكل واحد فى البشرية يعيش بسلام ان الحب يملأ قلوبنا، ان اخواتنا فى الوطن ربنا يهديهم ، ان المسيحى يبقى ليه صوت قوى وان منتداانا ده يبقى وسيلة حلوة علشان نتبادل افكارنا ونتناقش فيها ويبقى احسن منتدى على النت كله .
واخيرا اقول للمشرفين ومجموعة الادارة كل سنة وانت ماشيين فى الخدمة بنعمة المسيح ومحبته وكل سنة وكل عضو يبقى فى حضن رب المجد يسوع وربنا يحافظ عليكم.
بس خلاص

heart heart heart