هل انتم مصريين حقا ؟؟؟؟!!!!

[kamal_gehiny]

براحة شوية يا اخواني الأقباط وكفاية تعصب اعمي لن يجدي ولن يفيد
هنسلم بكلامكم وبالذات كلام الأخت برنسيسة اسكندرية
عدد سكان مصر كام ؟؟ حوالي 75 مليون او اكتر والأغلبية طبعا مسلمة
هنفرض ان عدد المسلمين 50 مليون فقط (رغم انهم اكثر من ذلك بكثير )وعدد المسيحيين 25 مليون (رغم انهم اقل من ذلك بكثير )
كام واحد من المسلمين هجم على كنيسة او خطف بنت مسيحية او حرق ممتلكات مسيحيين او عمل وسوى في المسحيين كام واحد ؟؟؟؟ مليون مسلم مثلا ارهابي
خليهم 2 مليون طيب من كام ؟ من 50 مليون يعني نسبة لا تذكر
والتطرف والتعصب والارهاب موجود في كل الأديان وليس حكرا على المسلمين
انا اعترف ان فيه جماعات ارهابية منسوبة للاسلام بتقتل وتخطف وتحرق المسيحيين
وكمان جماعة الاخوان التي بتستخدم الدين للحصول على السلطة
طيب والحل ايه عشان ننقذ بلدنا من الارهابيين ومدعي التدين ؟
الحل من وجهة نظركم هو شتيمة الاسلام وسب محمد وصحابته واستخدام احاديث ملفقة لتشويه صورة الاسلام والكلام الخايب عن بول البعير لأن عيب الكلام ده
صدقوني انتم كدا بتعقدوا المشكلة ومش بتحلوها
هنفضل نشتم ببعض ونعاير بعض ونستخدم احط الألفاظ ومحمد والمسيح ابرياء من كل هذا
قال محمد عليه الصلاة والسلام (ليس المسلم بلعانا او فحاشا) وهذا يمنعني ان ارد عليكم بنفس الألفاظ كما اود منك ان تنفذوا تعاليم المسيح الذي يدعوا للمحبة والتسامح
اذا كان هناك ظلم واضطهاد للاقباط هذا موجود فعلا كما ان هناك ظلم على كافة الشعب المصري (مسلمين ومسيحيين) بسبب استبداد السلطة الحاكمة
فهيا بنا نواجه مشكلات بلدنا مصر الغالية بالتوحد والعقل والحكمة وليس ان نفضل نلعن ونسب بعضنا البعض
صدقوني لازم نتكاتف كلنا مسلمين ومسيحيين لنصرة بلدنا وتخليصها من الفساد والاستبداد
صدقوني كراهيتنا لبعض عمرها ما هتحل مشاكلنا
اي فتنة هتحصل هتضرنا كلنا مسلميين ومسحيين
يا جماعة كفاية شتيمة في الاسلام ونبيه واهله ريحوا انفسكم وخلينا نحل مشاكل مصر
مصر بتاعتنا كلنا مسلمين ومسيحيين
اوعو تصدقوا ان امريكا بتحبكم وخايفة عليكيم
امريكا اهم حاجة عندها نهب الثروات ومساندة اسرائيل
وفي حرب لبنان الأخيرة قتل الكثيرين والرصاص لا يفرق بين مسيحي ومسلم
واخيرا ارجوا منك ان تأخذوا كلامي بالعقل والمنطق بعيدا عن التعصب والشتيمة
واعلموا اننا كلنا بلد واحد ووطن واحد وهو مصر
وسيبنا من امريكا الصهيونية والسعودية الوهابية
مصر اعظم واطهر منهم هما الاتنين ولا هتنفعنا امريكا ولا السعودية
وختما تحياتي لكم جميعا يا اهلى الاقباط يا شركائي في وطني
ويسقط الارهاب والتعصب والتطرف وتحيا مصر خالدة ابد الدهر
مع تحياتي
مصري للأبد