امن الدولة .. الى كل ناشط قبطى

[abomeret]

الحبيب مينا
لى تجربة واحدة مع أمن الدولة وكانت بخصوص العمل والدين وخلافى مع أحد الزملاء.
اولا:جالى إستدعاء للحضور أمام الضابط المسئول لتانى يوم فى العمل الساعة 9 مساء.
ثانيا: ذهبت فى الميعاد بالضبط وخذوا بطاقتى وموبايلى على البوابة الأولى والنظرات كانت نارية.
ثالثا: دخلت الإستراحة(ممنوع التدخين فيها) وفوجئت بالزملاء المنتظرين كتير وكلهم بذقون طويلة.
رابعا:لاأنكر الرعب اللى حصللى ومكنتش عارف بالضبط انا مطلوب لية وانتظرت اكثر من ساعة ونصف انظر حولى وصامت وكذلك جميع الموجودين صامتين(رهبة المكان)
خامسا:تم إستدعائى وحطولى بتاعة على القميص مكتوب بها (زائر) ودخل معايا عسكرى مدنى.
سادسا: دخلت على الضابط(مكتب فخم-تليفزيون-قنوات فضائية-إنارة نوعا ما خافتة).
سابعا:تحدث معى الضابط بمنتهى الأدب والذوق وفوجئت بة يعرف كل حاجة عنى حتى سفرى للخارج من 30 سنة وسألنى عن عملى وظروفة والمدير العام بتاعى وكنت كل شوية أسألة هو انا هنا لية ياباشا مايردش.بس بصراحة أنا حسيت براحة معاة وإعجاب بأسلوبة.
وكنت عاوز أدخل الحمام.ضرب الجرس وطلب من الجندى إصطحابى للحمام وإنتظارى لإعادتى.
ثامنا: استمرت الجلسة حوالى ساعة ونصف وإنصرفت على انة سيلقانى مرة أخرى.
ذهبت المنزل لقيت المدام والأولاد ميتين من الرعب وواقين بالبلكونة.
ربنا مايوريكم ويحافظ عليكم.