|
أنا متعاطف مع صديقتك جدا بس و أنا باقرا القصة إستغربت إن فيه عرسان بييجولها و بعدين لما يعرفوا حكاية شعرها يمشوا!!! أمال هم كانوا شايفينها متنكرة و الا شايفين فيها إيه علشان ييجى يخطبوها و بعدين تفاجأهم حكاية شعرها؟؟
هى بتلبس باروكة؟؟ و لو الباروكة حلت لها مشاكل الحياة العادية و بتخرج و الناس بتشوفها و بتعجب بيها لدرجة إنهم يخطبوها ليه ما تفضلش لابسة الباروكة لحد ما ربنا يبعت لها إنسان يحبها من أجل ذاتها و ساعتها مش هتهمه حكاية شعرها طالما إنها بالباروكة شكلها عادى - لأنها حتى لو زرعت الشعر هتفضل برضه البنت اللى ما عندهاش شعر و اللى على راسها ده عملية زرع!!
أنا بأقول الكلام ده لأنى كان معى فى العمل رجلين أغنياء و الإتنين كانوا وسيمين جدا إلا إنهم كانوا شباب و إبتدوا يصلعوا و طلعت فى دماغهم و راحوا عملوا زرع شعر واحد فى فرنسا و التانى فى أمريكا و للأسف شكلهم بعد الشعر بقى قبيح جدا و الصراحة الشعر المزروع ده عامل كأن حد نسى على راسهم مقشة طول ما إنت باصص لهم تبقى عايز تضحك
أنا آسف مش عايز أعقد الأمور بس أعتقد إن لو صديقتك ربنا مديها نعمة الصحة يعنى حكاية الشعر دى مش نتيجة لمرض عضوى آخر قاسى يبقى تشكره علي الصحة و تحاول تبص للحياة من منظور مختلف و هنا يجب أن أضيف أن الأصدقاء عادة بيبقى عليهم واجب كبير فى الحالات دى لتوجيه الصديق اللى عنده مشكلة من هذا النوع لأساليب أخرى للإستمتاع بالحياة و زيادة ثقته فى نفسه و توجيه نظره إلى نعم أخرى أعطاه لها الله و طالما ما عندهاش مشكلة غير حكاية الزواج دى قوليلها إن فيه بنات قمرات و ما بيتجوزوش و بنات وحشة و بتتزوج - يعنى المسألة مش كلها فى المظهر الخارجى و هى لسه صغيرة و ربنا أكيد هيبعت اللى يقدرها من أجل ذاتها
|
31-05-2003
مواضيع مشابهة
النمط المتطور