سوروس ودو سوتو وغالي

[El-Basha]

منور يا أستاذنا الخواجه بموضوعاتك الحلوه

بصفه عامه 80% من التعاملات التجاريه اليوميه بين الأفراد في مصر يعتمد علي النظام النقدي " Cash " وذلك لأنعدام الثقه في معظم الأصول غير النقديه... وفي ظل الأوضاع العالميه الحاليه ... وأرتفاع أسعار الأقتراض العالميه سيولد أزمه سيوله عالميه وستكون مضاعفه للدول التي تعتمد بشكل مباشر علي Cash Economy الأقتصاد النقدي ...ذي ماكان عليه الوضع الأقتصادي في مصر أواخر التسعنيات "أزمه السيوله"... هذا بالأضافه لهبوط عائدات قناه السويس نتيجه حاله الكساد الأقتصاد في العالم وخصوصا أمريكا والصين ... للأسف فيه خطوره كبيره علي الأقتصاد المصري من التخلف والتعقيدات الحكوميه في تسجيل الملكيات ذي ما وضحت الدراسه.... وده بسبب الفساد الحكومي وتفشي الرشوه والمحسوبيه ...الناتج من تعقد القوانين و تضارب الأختصاصات بين كل الأدارات الحكوميه .... ."أعمي يقود عميان"

المقال ده بيفكرني بتجربه شخصيه لما حبيت أستثمار شويه فلوس في قاهره المعز ... في مشروع مطعم ... وطبعا مش حتكلم عن الروتين والتعقيد المقصود و الرشوه علي البلديه والصحه والتموين و الشرطه و كل من هب ودب حتي عسكري المرور... لكن ما أدهشني هوه ...الموافقات والتصريح تخرج بصوره مؤقته ولفتره محدده .... لتعيد نفس الرشه كل شويه ... وطبعا أي محاوله للأقتراض بضمان الأصل "المطعم" كانت تفشل بسبب أستحاله تقنين الوضع القانوني ...للأصل ففي كل مره نحتاج لقرض لعمل تعديلات أو توسيعات كنا نعتمد علي زياده عدد الشركاء أو رفع نصيب الشركاء لتمويل التوسعات أو تجديد الأصل و بالتالي تعقيدات في تسجيلات الشهر العقاري و مصاريف محامين ألخ ألخ... المهم" رضينا بالهم .... بس الهم مرضيش بينا" .....فجاءه يتغير رئيس الحي... فتتغير شله الحراميه وبين يوم وليله أصبحنا مخالفين وما أنطبق علينا أنطبق علي 40 مطعم في نفس المنطقه وتم الغلق بالضبه والمفتاح ....وضاعت الجرشنات يا ولداه... بعد سنين من العمل ....ومن ساعتها توبه من أستثمار في بلد البلطجه و الحراميه ... ياتري كم شركه أجنبيه مرت بنفس التجربه دي .. ??