ما هي الليبراليه؟؟......(مدموج)

[iwcab]

سلام يامقدس : إعرف المسيح
الموضوع الآخر عن الناس اللى بيعتقدوا إن مافيش فى الدنيا مشكلة إلا الإسلام ، والموضوع الجديد عن المشكلة التانية وهى العلمانية ، اللى هيه الإهتمام بما يرى وإنكار ما لا يرى وعدم الإهتمام به بالمرة ، وإعتبار الدين إنه مهزلة ( الدين الحقيقى الصحيح ) وزائدة دودية ، والموضوع مش عاوز زعل ولا حاجة ، الموضوع نقاش ، واللى مايطاوعكش طاوعه

[knowjesus_knowlove]

واللى مايطاوعكش طاوعه ده إسمه حربنة أو تلون يعنى شغل حربايات أو حرباءات أو حرابى جمع حرباء أو حرباية وأنا لست بحرباية ياحاج يوساب


كل مواضيعك تدور حول هذا الفهم الخاطئ للعلمانية واللى مش مصدقنى يراجع كل مشاركاتك

[iwcab]

الموضوع مش الفهم الغلط للعلمانية لكن الفهم الغلط للدين ، الكنيسة الغربية الكاتوليكية طبقت القانون الموسوى وليس قانون المسيح ، وبعدين مافيش ناس نثق أنهم أمناء يدرسوا التاريخ الغربى ويدونا تقارير سليمة عن الحقيقة .. ما نسمعه هو من طرف العلمانيين أو من طرف المسلمين وبالتالى مانقدرش نثق فيما نقرأه أو نسمعه لأنه ممكن يكون دعايات

[ABDELMESSIH67]

عزيزي يوساب

أسمح لي أضم صوتي لصوت أخونا أعرف المسيح , كل ما تعرضه عبارة عن نقد
للمادية و الوجودية و الفكر الألحادي و لا علاقة له بالعلمانية كما شرحناها
بأستفاضة لك , و لم يكن من داع لفتح موضوع آخر مماثل للموضوع الذي ناقشناك فيه
عزيزي لا داعي للتشتيت و أتمنى من الأدارة ضم هذا الموضوع الى موضوعك
الآخر بدلا من أزدحام المنتدى بعناوين كثيرة مترابطة

ولك السلام و التحية
عبد المسيح

[para`o]

أهلا ياعم يوساب
ليك وحشة من المنتديات القديمة
أريد أن أسألك يايوساب
أيهما أفضل دولة دينية على غرار الدولة الأسلامية أو دولة روما فى العصور الوسطى
أم دولة علمانية لكل فرد الحق فى ممارساته الدينية

[para`o]

لماذا دوما نخاف من العلمانية ونصفها بالأنحلال والألحاد
هل لأننا لا نثق فى قوة ديننا او بمعنى أصح لا نثق بقوة كنيستنا
أن كنيستنا تستطيع ان تعمق الأيمان فى قلوب البشر بحيث لا تنجرف فى تيار الخلاعة التى تتهم بها العلمانية
أيهما افضل يايوساب ان يصنع الأنسان الفضيلة مجبرا أم يختار صنع الفضيلة بأرادتة

[iwcab]

الدولة المسيحية لا تجبر الناس على إتباع دينها لكن تتبنى المبادىء المسيحية زى الصدق الأمانة الخدمة المحبة ، فبدل المجتمع مايبقى فاضى وبدون مثل أعلى .. المسيحية توفر معنى للحياة وفيها المسيح هو المثل الأعلى
لو وثقنا فى العلمانية يبقى إحنا لا نثق فى المسيحية لإن المسيحية فيها مبادىء جيدة تخدم المجتمع وتجعل له هدفاً إلهياً وإنسانياً