حوار حول المنتدى......(مدموج)

سلام الله عليكم ورحمة الله وبركاته

اولا أنا كما فهمتم طبعا (مسلم محمدي ارهابي وكل يوم على الفطار بقتل 20 واحد ولو صاحي مزرجن ممكن اقتل اكتر من كدا)

تمام ؟


دا عشان اوفر هذا الكلام من ان يشغل مساحة كبيرة من مداخلات حضراتكم ولكي لا نرهق سيرفر المنتدى


ثانيا :

دلوقت المنتدى دا بيعمل ايه بالزبط ؟

هل هو لشتيمة المسلمين؟

لو كدا طيب خلوا اسمه منتدى شتيمة الاسلام و رسول الله محمد صلى الله عليه وسلم

-لا يا عم اتش احنا ما بنشتمش حد وبنارك لاعنينا ونصلي من أجل اعدائنا واللي يرفض الدعوة بنسيبه ونروح

مش شايف حاجة من الكلام دا بس ماشي


دلوقت انتو بتشتمو المسلمين هنا وفي نفس الوقت بتقولو عاوزين نعمل حوار

طيب ازاي ؟

لازم نحدد

هل هو منتدى لشتم الاديان ام لحوار الاديان

هل هو لمقارعة الحجة بالحجة ؟ والعقل بالعقل ؟

ام هي مسابقة لأطول لسان ؟ ومين اللي بيعرف يشتم أحسن ؟


انا متأكد ان مستحيل اي حد هنا يعترف بمنطق التاني

يعني لو المسلم اقنعك بمنطقه هتقوله يا اما متغيرش الموضوع او الكلام دا تروح تقوله في المراحيض او روح اشرب بول البعير

وهكذا


يا جماعة مادام انتم مقتنعين تماما بالعقيدة القبطية


واحنا مقتنعين تماما بالعقيدة الاسلامية (الوحشة الكخة بتاعة الارهاب)


خلاص كل واحد ينام على الجمب اللي يريحه


وبلاها نادية وخد سوسو


*يا عم اتش بس في ناس مسلمين غلابة لازم نعرفهم الدين بتاعهم انه وحش وكخة

-يا عم انتوا مش بتقولو العربان دول مش بيقتنعوا ؟
خلاص يا عم سيبونا احنا عاجبنا الدين بتاعنا بارهابه بسلاطاته ببابا غنوجه


ولو في حد مسلم عاوز يتجه لأي دين تاني هتلاقيه جاي بنفسه لرجل الدين الاخر ايا كان وبيسأله


لكن تأكدوا مليون % ان الكلام الموجود هنا بيؤدي لزيادة الكراهية

ولن يؤدي لان يخرج مسلم عن اسلامه

وربنا يهدي كل الناس

وبلاها نادية وخد سوسو


سلام يا شباب