نفسى حزينة حتى الموت

[zaky samier]

شكرا لاهتمامك الزائد و لكن الرجاء المساعدة فى نشر الموضوع لعل اجد حلاً بدلاً من الدمار الكلى .... و انا لازلت اصلى قبل ان يفوت الاوان

[sky]

يا استاذ زكي ارجوك لا تيأس

تقدر تقوللي انت فين من ايوب .. اللي ضاعت كل اموالة وماتوا اولاده ومرض بأمراض بشعة

ولكنه كان شاكر الله ... اوعي تفكر ان الله مش شايفك او مش حاسس بيك

هو عارف كل شئ بتمر بيه وطالما هو شايفك لازم تتطمن

تقدر تقوللي انت ممكن تعيش أد ايه في الحياة دي ... كام سنة ... 50 سنة كمان او 60 او حتي 100

هل يا تري علشان السنين القصيرة دي مهما ان طالت تدمر حياتك اللي هي ابدية .. يعني مئات والافات السنين اللي من غير نهاية ؟!!!

انا حاسة بيك وبأحساس الذل والعجز والظلم ... انا اتعرضت لظلم برضه في الميراث ومن اقرب الناس واللي المفروض انهم هما اكتر ناس لازم يحافظوا عليا وعارفة طعم الظلم وحش أد ايه ...وخصوصا لما تشوف اللي ظلمك وهو بيتمتع بحقك واللي كان ممكن يغيرلك حياتك 360 درجة .. لكن برضه مش هي دي النهاية

صدقني راحة البال احسن من اي فلوس ... مش معني كده انك تتنازل عن حقك .. لكن نصيحة ومعرفش اذا كانت صح ولا غلط ... حاول تساومهم علي أد ما تقدر وتخلص بنفسك من الموضوع ده

مش عارفة اقولك غير كده ... لكن انت ممكن بالمبلغ اللي تاخده واللي هو اقل من حقك وبمجهودك تكبره وربنا يباركلك فيه

وافتكر الاية اللي بتقول ( نحن عبيده نقوم ونبني )

حاول معاهم وساوم واعرف انك مش لوحدك في الهم ده .. لكن صدقني انا شفت ناس كتير ضاعت حقوقهم واتظلموا لكن مفكروش يدمروا نفسهم

يمكن كلامي يكون سلبي ... لكن احنا هنقول ايه في ظلم البلد دي والفساد اللي ماليها

ربنا يحافظ عليك ويحميك من اي شر ويكون وياك

واتشفع بالعدرا ومارمينا واطلب من قلبك ,, وياريت تطمنا عليك وعلي اخبارك من وقت للتاني

سلام

[garang]

يا اخي لاني مجرب دا كويس جدا انا عاذرك وباصلي عشانك
علي اي حال انا مربت بهذا مباشرة مثلك وكان عندي بيت في شارع مهم جدا بيت قديم وكان عندي ساكن مسلم واخر مسيحي طلعوا عيني وعملوا البدع واستصدروا قرار ازالة للدور العلوي اللي انا ساكن فية وللاسف المسيحي القريب لي كان يستقوي بالمسلم ضدي
وسافرت الي بلد عربي ولا ادري حتي الان ماذا حدث الا ان الرب اخافهم واخذ المسلم مبلغ من المال وخرج وبعدها اعطيت المسيحي مبلغ اخر وخرج وعملت اكبر مشروع في حياتي وعمارة كبيرة واعطيت اخواتي حقوقهم
اما مصيبتي فكانت في المسيحيين واخواتي انفسهم ولكن شكرا للرب النفوس هدات وكل واحد خد حقة ومبسوطين
انا صبرت ولو فرض اية اللي حصل ها يكون اية؟؟
بعدها كانت مشاكل ايضا مع مسلمين وتركت مصر واين ما بنيتة الان
لا شئ
لم اخذ شئ معي ولكن الرب انصنفي في اولادي في اعلا مراكز لاي مهاجر وشكرا للرب
لا اريد الا ان ارب يباركهم ويسترها معي الي يوم الاقية
صدقني الرب سوف يبارك بيتك للابد
لا لن اوعظك لان الوعظ لا معني لة لانسان يشعر بظلم
فقط اقول لك انت لا تعرف المستقبل لكن يسوع يعرفة اكثر منك اطلب الرب بشدة
اطلبة بقوة اصرخ لة
اصرخ ليسوع بقوتك وبلك ما فيك صلي وحدك ودع دموعك تشكو للرب
وسوف يعولك ويجعل اعدائك تحت قديمك
مرة اخري انت لا تعرف ما في غدك واترك الغد للرب

[zaky samier]

ايها السادة الافاضل اشكر اهتمامكم /
و لكن ما لا تعلموه اننى هارب من منزلى من اكثر من شهر اتلقى تهديدات بالقتل و الحرق و اذية الاهل .. لذا ابتعدت عنهم تماماً هارب ... متنقل من مكان لاخر .. و لكنى مراقب مع كل هذا ... يا سادة من امامكم ليس بشاب بصحة جيدة اصابتنى جلطة فى المخ الشهر السابق نقلت على اثرها الى المستشفى غير السكر العالى باستمرار ... و حاليا خالى الادويه مستنى اى حد من اللى كلمتهم ... اننى انتظر الموت لذا ... صليت .. صرخت .. اقد تدمرت حياتى ما بن ليلة و ضحاها يا سادة ... فانا من اكلمكم كان على وشك السفر الى انجلترا لنشر اول روايه له وافق عليها احدى دور النشر المشهورة و لكن انقلب المعبد عليه فجاة .. مطارداً من محافظة الى الاخرى ... لا يعلم شئ عن اخته و جده و جدته ... فابى و امى متوفيين منذ زمن بعيد و اصبح كل همى تامين العائلة اهم ما املك فى الحياة ... و لن اكذب عليكم اننى اردت الحياة و لكن الحياة لم تريدنى .. الجميع ضدى ... ليس الموضوع ارث الان او حتى مسلميين و مسيحيين انه قتل يا حضرات
تصفية ذاتيه فكيف يجرؤ *** مسيحى على تهديد عرش الفساد لن يعيش هو او اى من اهل بيته او حتى المحامى ... صلوا الى روحى لكى ترقد بسلام