عاجل.. 15 يوما حبس لمبارك

[net_man]

قرار النيابة :

بمجرد الاعلان عن خبر حبس الرئيس المخلوع حسني مبارك ونجليه علاء وجمال انطلقت التعليقات وردود الافعال على موقعي التواصل الاجتماعي الفيس بوك وتويتر وان كانت تحمل الكثير من الفرحة العارمة والسخرية والشماتة للكثير من المعلقين .

واليكم بعضا من تلك التعليقات :

** الشعب المصري ميمتش الشعب المصري العظيم تحيا مصر الحرة المجد للشهداء الحرية للمصرين.. مبارك اتحبس.. مبارك اتحبس .. مبارك اتحبس

** قبل أشهر قليلة كان هذا الخبر مجرد حلم من أحلامنا: حبس مبارك ونجليه على ذمة التحقيق

** زي ما قال الريس .. سجن طرة كويس !

** في السنة اللي قالوا جمال يبقي الريس...حبسناه هو وابوه...الشعب المصري...ام الاجنبي

** هو ليه كل إلي إتقبض عليهم و اتحقق معاهم و اتحبسوا لغاية دلوقتى رجالة؟ هو مكنش فى ستات فاسدة ولا ايه؟

** بورتو طره زنزانة عالمية على ارض مصرية

** لن يضيع حق ابدا وراءه 85 مليوووون مطالب

** تخيلوا ياجماعة أن ده أول مرة يتم فيه التحقيق مع حاكم مصر وكمان أيه يطلع قرار بحبسه منذ توحيد الفرعون مينا للقطرين من ألاف السنين

** محدش ينسى ان ماما سوزان لازم هى كمان تروح سجن النساء وبيقولوا بيتحقق معاها هى كمان دلوقتى واحتمال تتحبس هى كمان

** يا حلاوتك يا مصر و انتي حرة من غير مبارك و شلته

** تخيلوا بقى يا ثوار لو كنت سمعتوا لي كلام حكومة شفيق او سمعتوا كلام الاستقرار و الهبل ده !!! الحمد لله

** تحيا الثوره يحيا العدل يحيا العدل و تحيا مصر حره


** حد معاه عنوان لومان شرم انتركوننتنتال عشان نبعت عيش وحلاوة لثلاثي مبارك؟

** بورتو طره .. زنزانة عالمية ع ارض مصرية ... احجز مقعدك ياحرامي مع برنامج صباح الخير يا جريمة

** حد يبعت طلبية حلاوة طحينية البوادي على طرة ... أصلها بتفرش في الرغيف

** لقد هرمنا من أجل هذه اللحظة التاريخية .... نصبغ بقى اشمعتى هو

** علومة : حبس الرئيس السابق محمد حسني مبارك كان فريدا من نوعه فهو اول رئيس في تاريخ مصر يتم حبسه في قضايا فساد وقتل متظاهرين

** وسمعني كمان مره سلام مبارك : احلي من الشرف مفيش...حسني افندي..انا..اه

** قلبي عندك يا أم علاء ياختي، بكره نجوزك سيد سيده وتبقي ولية مصر الأولى تاني