طلب مساعدة

[Rania Fawzi]

المشاركة الأصلية بواسطة el chife

الله يحمى شعبة بقوة صليبة
مانوع المساعدة لمد يد العون !

يمكن اكون اتجرئت اني كتبت بس صدقوني انا متنصرة جديد وخايفة ومش عارفة اعمل اية تقدروا تدلوني على الصح وتوفروا لي حماية لانهم لو عرفوا ممكن يقتلوني
وازاي اتأكد ان اللي بيكلمني مسيحي صادق
شكرا لاهتمامكم وسرعة ردكم واستجابتكم

[el chife]

وازاى نعرف ان حضرتك صادقة فى انك متنصرة
عموما ربنا يكون معاكى لو دة صحيح وهو اللى يدافع عنك كما دافع عن الكثير من اخوتنا المتنصرين والذين أمنوا برب المجد دون خوف أو نخوع
ثقى ان يد الله لن تتركك فليس لدينا سلاح الا الايمان والصليب الذى يحرق كل مخططات الشيطان وتذكرى هذا النص (الرب يدافع عنكم وانتم صامتون)

[Rania Fawzi]

المشاركة الأصلية بواسطة el chife

وازاى نعرف ان حضرتك صادقة فى انك متنصرة
عموما ربنا يكون معاكى لو دة صحيح وهو اللى يدافع عنك كما دافع عن الكثير من اخوتنا المتنصرين والذين أمنوا برب المجد دون خوف أو نخوع
ثقى ان يد الله لن تتركك فليس لدينا سلاح الا الايمان والصليب الذى يحرق كل مخططات الشيطان وتذكرى هذا النص (الرب يدافع عنكم وانتم صامتون)

معاك حق من فين تعرف وتتأكد اني مسيحية مليون بالمية مش عارفة اية الدليل الصادق اللي ممكن اقدمه يمكن بيوم اقف ادامك واقول لك انا رانيا فوزي والرب باركني وحفظني
شكرا للاهتمام

[الحمامة الحسنة]

الأخت الفاضلة هل هذا إسمك الحقيقي أم إسم مستعار لعضويتك؟
عموماً المسيح هو إللى بيحمي أولاده
ويقول لنا كل يوم( لاتخافوا)
لأننا محمولين على الأذرع الأبدية
ومحفوظين في حدقة عينيه ومنقوشين على كفه
ثقي أنه ليس هناك أحد يستطيع حمايتك إلا رب المجد وحده

[Rania Fawzi]

المشاركة الأصلية بواسطة الحمامة الحسنة

الأخت الفاضلة هل هذا إسمك الحقيقي أم إسم مستعار لعضويتك؟
عموماً المسيح هو إللى بيحمي أولاده
ويقول لنا كل يوم( لاتخافوا)
لأننا محمولين على الأذرع الأبدية
ومحفوظين في حدقة عينيه ومنقوشين على كفه
ثقي أنه ليس هناك أحد يستطيع حمايتك إلا رب المجد وحده

رانيا مستعار انما اسم ابويا مش متغير حقيقي مليون بالمية ومصدقكي ان اللي بيحميني وحيحمني حتى من نفسي رب المجد شكرا للاهتمام

[الحمامة الحسنة]

المشاركة الأصلية بواسطة rania fawzi

رانيا مستعار انما اسم ابويا مش متغير حقيقي مليون بالمية ومصدقكي ان اللي بيحميني وحيحمني حتى من نفسي رب المجد شكرا للاهتمام

رجاء محبة عدم كتابة أي بيانات شخصية عنكِ
ولو حتي لأي إنسان يطلب منكِ بياناتك
ربنا يحافظ عليكِ ويبارك حياتك
ويحفظك من كل شر
أتمني إنكِ تستمري وتتواصلي معنا
لنطمئن دايماً عليكِ حبيبتي

[zzaghlul]

بصي يا اخت رانيا ....كل المتنصرين بيعانوا وربنا دايما بيتمجد فيهم طالما هم عارفين ثمن اتباع السيد المسيح له المجد وهو الام وصليب حتي الموت اذا كان دي ارادته كنا حدث مع اخت لينا اسمها مادلين اللي اهلها قتلوها في الاسكندرية ...
عموما اقصي ما يستطيع اي مسيحي ان يفعله لاجلك هو اسداء النصح بانك تكوني حكيمة يعني زي الاخت الحمامة الحسنة قالت لا تعطي ببياناتك لاي انسان اطلاقا وخليكي حذرة في كلامك مع اي حد خصوصا في الانترنت لانك لا تعلمي حقيقة المحاور علي الطرف الاخر ....بل اقدر اقوللك اكتر من كدة اذا كنتي محجبة استمري في لبس الحجاب والمسيحية في قلبك بشرط ان لا تنكري المسيح اذا سألك احد لكن تجنبي الوصول لنقطة السؤال الان الي ان يدبر لكي الرب المكان الامن يعني باختصار تاني كوني حكيمة وذكية في كل تصرفاتك ولا تتعجلي المواجهة الي ان يريد الرب.
الرب يسوع المسيح له المجد يحرسك واعلمي ان احنا ليس من حقنا ان احنا نشكك فيكي الي ان يثبت العكس وعليه بنهدي ليكي النصيحة باعتبارك صادقة في كلامك.

[Rania Fawzi]

المشاركة الأصلية بواسطة الحمامة الحسنة

رجاء محبة عدم كتابة أي بيانات شخصية عنكِ
ولو حتي لأي إنسان يطلب منكِ بياناتك
ربنا يحافظ عليكِ ويبارك حياتك
ويحفظك من كل شر
أتمني إنكِ تستمري وتتواصلي معنا
لنطمئن دايماً عليكِ حبيبتي

ثقتي كبيرة بحماية الرب لاتباعه وحفظهم وعمري بمشيئة الرب ما حاصاب باذي لاني مع الرب حاميني
شكرا لنصيحتك واهتمامك