طلب مساعدة

[Rania Fawzi]

اول حاجة عندي مشكلة ومشكلة كبيرة في النت كل ما ادخل او افتح صفحة يرد انه التشخيص مشكلة في الاتصال ويطلعني برة فدة مش هروب من اي
حارد وحأكد للكل اني كنت مسلمة ومتشددة وبقسوة واعتذر للاخ الذي وعدته اني ردي سيكون عن طريق رسالته المهم
ايوة ياخ بيدو انا كنت مسلمة وبصلي الفجر حاضر صيف او شتاء من وانا عمري 8 سنين وباقول في اول الوضوء اللهم اغفر لي ذنبي وبارك لي في رزقي ووسع لي في داري وحافظة كتير من القرآن ولما انزل سلم او اطلع ااقول " سبحان الله والحمد لله ولا اله الا الله والله اكبر طول طلوعي او نزولي وانا طالعة من باب البيت باقول سبحان الله والحمد لله ولا اله الا الله اللهم اني اعوذ بك ان ازل او ازل او اضل او اضل " وكل كلمة من كلامي بيكون قبلها بسم الله ما شاء الله وماشية بسنة محمد " كمل انت " ولابسة الساعة في ايدي اليمين من اول ثانية لبستها عشان اخلاف اليهود والنصارى وكنت بكره اسم مسيحي وياويله وسواد ليله اللي يقرب او يناقشني والكل يشهد لي
لغايت ما عملت عملية وكان هناك خطأ طبي وفضلت انزف من الجرح لمدة شهر والكل قال نهايتي قربت وخلاص واستعدي للموت وكنت مستعدة له من الحديث من احب لقاء الله احب الله لقاءه ومن كره لقاء الله كره الله لقائه
بس جات جارتي " بامناسبة هيا ماتت من سنة تقريباً " وهي مسيحية واتألمت وكنت بضحك بس لقيتها بتدعي الرب يسوع المسيح وبتبكي وبتطلب شفائي وكانت اول واحدة تبكي ادامي وبعدين حطت ايديها مكان الجرح وقالت لي نامي وبكرة حتصحي ولا كأنه فيكي حاجة قلت لها اكيد حاموت قالت لي انا طلبت يسوع وطلبت انه يشفيكي ويمد ايده وصليبه ليكي وحتشوفي وبكرة حتجيني وافكرك وروحت هيا ونمت بس شفت في نومي ابويا الله يرحمه ويقدس روحه جاني ومعاه كيس وحضني قلت له جاي تأخدني قال لا جاي لك اهديك وادلك انتي انظلمت كتير " فيه موضوع طبعاً لا مجال لذكره "ودلوقتي حابب ارفع عنك الظلم دة ياهدى لانه اسمي الحقيقي قال لي انا بطلب منك تؤمني بالرب يسوع المسيح لانه خلاصك في الايمان بيه ولو قدرت ارجع مرة تانية للدنيا حاؤمن بيه وبرضوة والدتك حتؤمن بيه اومني بالرب يسوع المسيح وعطاني الكيس بس كله نور كانت صورة يسوع وكأنها كانت بتكلمني وتأمرني ولقيت نفسي على بحر قال لي الرب يسوع المسيح دة نهر الحياة لازم تعبريه وخلص منامي
صحيت وانا جوايا قرار اني اؤمن برسالة عيسى بس خفت احكي لحد المنام اللي شوفته لاني عارفة
الكلام والنتايج وبدأ ايماني بالرب يسوع المسيح
هيا دي حكايتي وكنت بانطق الشهادتين وبصلى وباصوم رمضان وعاشقة للشيخ متولى الشعراوي واحاديثه وحروف كلامه واتمنيت احج بس ظروفي آخرت الحج وانا واحدة مش واحد ومحدش كان له يد في ايماني الا صحبتي اللي ماتت ورؤية ابويا
مش عارفة لية عاملينها قضية والاخوة المسيحين ماكانوش مصدقني وجيت حضرتك دلوقتي بتكذبني
انا من وانا صغيرة مابكذبش وكان بيعجبني في المسيحين صدقهم
بعتقد دلوقتي آن الآوان ان قصة تنصيري تنقفل وادور على حل اتعمد واعلن ايماني المسيحي
وفرصة ارد على الاخت اللي كانت بتسألني عن الصلاة باصلي في اودتي لان نبي المسلمين كان بيقول صلاة المرأة في حجرتها فمن لحظة ايماني بالرب يسوع المسيح وتركت الصلاة بقفل باب اودتي وكأني بصلى ومحدش في البيت يعرف حاجة لغايت دلوقتي
ايماني بالرب يسوع المسيح بدأ من يوم رؤية ابويا من فترة مش امبارح ولا النهاردة وبشكر الرب اللي ساعدني ومد ايديه واحتوني كابنة له
وباقول للاخ بيدو في اية قرانية بتقول انك لا تهدي من احببت وفعلا الرب يسوع من حبه ليا هداني
بشكر كل اللي اهتم ورد
ومستعدة لمناقشتك يااخ بيدو مش ضعف لاني واثقة من كل حرف وكلمة باقولها