طلب مساعدة

[zzaghlul]

الاخت العزيزة رانيا
يا سيدتي العزيزة لا تلقي بالا الي اي تشكيك من اي انسان لا تضيعي وقتك التمين بردود لن تفرق لان اللي فاكر انك مسيحيية وبتعملي تمثيلية مش حايغير رايه وسوف يجد في كل رد منك دليل علي وجهة نظره وكذلك المسيحي اذا كان مصاب بمرض التشكيك مش حايصدق حتي لو شافك بتتعمدي ... والحقيقة انا لي علاقة مع كتيرين من "المنتصرين" علي الشيطان وللاسف اغلب مشاكلهم من المسيحيين بالميلاد اللي زيي واسف لان احنا كثيرا ما نكون عثرة للخوة المنتصرين زيك واكبر مثال مشهور جدا هي الاخت نجلاء الامام برغم شجاعتها الا ان اول من رفضوها وشككوا فيها وياما قالوا عليها عميلة الامن المصري هم المسيحيين وتقدري تسألي عليها احد الاخوة في البالتوك اللي قرر ما يجيبش سيرتها بل اتخانق معاها وعمل لها بان وربما يطردك لو جيبتي سرتها يعني العن من اللي بيعمله المسلمين وايضا تجربة شخصية شفتها بنفسي من اكتر من 10 سنوات عندما زارتنا اكتر شهرة بين المنتصرين ومن اي مسلم امن بشخص يسوع المسيح له المجد السيدة العظيمة ناهد متولي مش عارف لو انتي عارفة الاسامي دي والا لا ..الاخت ناهد زارت كنيستنا في وقتها وكانت حاتتكلم عن اختبارها بعد الكنيسة في جلسة ودية مع شعب الكنيسة ولاحظت ان اغلب شعب الكنيسة يتجنب الاحتكاك المباشر كانهم خايفين ان حد بيراقبهم وعايزين يؤكدوا للمراقبين انهم مالهمش دعوة بيها ..علي الاقل ده اللي انا حاسيته ووقتها زعلت جدا من هذا الموقف وانتقدته بسخرية بعد ان رحلت عن الكنيسة ..فيا عزيزتي رانيا ما تتضايقيش من حد هنا سواء قاصدين يشككوا او عايزين يعرفوا الحقيقة وانا لا واعظ ولا عيره لكن حا اقولك خلي عينك علي الرب يسوع وانتي لن تحتاجي لاي مساعدة من احد ....يسوع فقط اللي حايعرفك الايمان المسيحي ولا انتي محتاجة لتفسيرات او مشايخ "او قساوسة" لشرح المسيحية ... اطلبي منه وهو يجيبك .. ومتزعليش منا لو ظهرنا مقصرين وانتي هنا ممكن تفضفضي وتتكلمي معانا لكن انتبهي لنفسك اعملي اللي عليكي وربنا حا يعمل اللي عليه ويحافظ عليكي ... انا رجعت من السفر والحمد لله ونفسي اتكلم معاكي بالصوت لو الظروف تسمح لك .... انا ما اقدرش اتكلم الان مثلا لكن بعد 3 -4 ساعات ممكن او لو عرفتيني امتي بالضبط اقدر ارتب لهذا او طبعا لو شفتك في البالتوك حسب مواعيدك وبراحتك .... الي الاخوة في المنتدي بالراحة شوية علي اختنا رانيا بلاش نتسبب لها في عثرة وشكرا.