ذبح اسرة مسيحية في شبرا الخيمة

[amoni]

اهلا بناس عزبة الملاك فى المنوفية سلملى على بيشوا

يااستاذ انا اكتر واحدة عارفةاية اللى بيحصل فى شبين الكوم اكتر بلد للاضطهاد و خاصةللبنات
داانتم بتقفوا اودام كنيسة مار جرجس وتعاكسوا ولو البت ما سلمتش بتسموها كافرة و ترموها بالطوب

و قدام الاستاد الجمهورية تقفوا ****** لو واحد عاكس بنت مسلمة لكن لو لابسة صليب يبقى حلال انتم ******

[masree2]

الله يسامحك . أنت شتمتينى لكن أنا مش هرد عليكى لأنى أتبع كلام سيدنا عيسى كما أتبع
كلام سيدنا محمد . لأنى أؤمن بألاثنين . وحقى سوف آخذه ان شاء الله فى يوم الدين

[sammy]

القصة اللى هاحكيها لكم جى حقيقية... مرة زمان عام 1980 فى عز الجماعات الإسلامية وسلطانها كان واحد قريبى بيبنى عمارتين فى منطقة شعبية فى محرم بك... وبعدين الإمام بتاع الجامع خطب وقوم المسملين ومعاهم حوالى ثلاثين من الجماعات الإسلامية ومشوا بمظاهرة يطلع ألف يكبروا ويهللوا ويقوللوا الطرد للكفرة الحرق للكفرة... صاحبنا كان معاه أخوه ومراته وأربع من عياله... طلعوا فوق سطوخ العمارة وخلعوا البلاط وهات ياحدف بلاط على اللى يقرب من باب العمارة... ساعتين ثلاثة ماخدوش معاهم حق ولا باطل واللى اتعور اتعور لغاية ما البوليس لقى إن مافيش حاجة انتهت بسرعة زى ماكن متوقع فتدخل وانتهت المشكلة وعملواجلسة صلح بين قريبى وشيخ الجامع أظن برضه دفع مبلغ لكن مش كبير وهكذا انتصر الحق مع بعض القوة لكن لو كان عمل قطة وخاف وجرى كان زمانه هو وعياله وعمارته فى خبر كان.... نعم الحق من غير قوة مادية تحميه لا يساوى... وإما أن تدافع عن حقك بالقوة أو اللى مش عايز يتستحسن يلبس طرحة....

[knowjesus_knowlove]

المشاركة الأصلية بواسطة masree2

الله يسامحك . أنت شتمتينى لكن أنا مش هرد عليكى لأنى أتبع كلام سيدنا عيسى كما أتبع
كلام سيدنا محمد . لأنى أؤمن بألاثنين . وحقى سوف آخذه ان شاء الله فى يوم الدين

إنت مسلم خرع ليه كده ياجدع إنت؟؟؟؟؟؟
{ ولا تهنوا ولا تحزنوا وانتم الاعلون ان كنتم مؤمنين}
هل كفرت بإسلامك ياخرع أم أنك لاتعرف عنه شيئا؟؟؟؟
إقرأ مافى توقيعى فربما تفهم إسلامك

[nony]

مفيد فوزى معاة حق

--------------------------------------------------------------------------------

وفاء قسطنطين زوجة الكاهن وبنات الفيوم تريزا وماريان، وأخريات قادمات، وكلما من علينا الله عز وجل بنعمة استقرار الوطن، فإن هذا العبث في الأديان قائم والهدف ان 'توغر' الصدور أي تمتلئ بسموم الغضب. عرفنا وجربنا هذا من أيام فتنة الزاوية الحمرا. فكرت لحظة ان أتعرض للموضوع في حديث المدينة ولكني بتأمل هادئ اكتشفت أني سأعطي الموضوع 'مساحة اهتمام' لا يستحقها مادام تحت سماء عمق علاقات بين جيران طنط أوجيني وعائلة عصام بك ومادام أطفال عم حنا يلعبون الحجلة مع أطفال أحمد فندي عبدالشافي. ولو علم المفسدون عمق هذه السبيكة من الحب والود والتآخي وان كل إنسان هو مصري في خانة الديانة.. فسوف يتراجعون مائة مرة قبل دس أنوفهم بفرقعات فردية مفتعلة! فمصر 'وطن' يسكننا
(منقول من جريدة اخبار اليوم)
الصبر ياجماعة مسلمين اية اللى دبحو اسرة بالكامل الصبر دى جريمة كبيرة اصبرو
وبعدين انا اتصلت باقاربى اللى فى الفيوم مافيش اى حاجة حصلت
فى ناس بتكدب علشان تولع النار
يا ريت تعملو شىء ايجابى انا عن نفسى هاكتب لكل وسائل الاعلام هاعمل شىء مفيد بدل الولولةزولعلمكم انا ليا صحاب مسلمين كتير انا وغيرى
ومش وحوش دول ناس عاديين بلاش نولع النار ز مافيش داعى امريكا اللى بنستنجد بيها عملت اية لمسحيين العراق (حرمتهم من الانتخابات )

[BAVLY]

اولا اشكرك اخى الحبيب يوساب(يوسف) لأطرائك على كلماتى التى عبرت بها فقط عن احساس داخلى لذلك لا اعتبرها شعرا وعلى فكرة اسم يوساب محبب جدا لقلبى فالأنبا \يوساب الأبح. شفيعى لذلك فاسم ابنى الوحيد هو يوساب اما من ناحية اسم بافلىفهو الترجمة القبطية لاسم بولا. واليك مثال\فعندما نقول(بنيوت اثؤاب افا بافلى )ترجمتها(ابينا القديس انبا بولا)واخيرا اود ان اعلمك اننى حاصل على درجة الشموسية ايبوذياكون .......ومن يفتخر فليفتخر بالرب.******واخيرا تقبل محبتى وتحياتى

[iwcab]

ماهو إسم يوساب هو القراءة الأصلية لإسم : يوسف اللى بينطقوه دلوقتى يوسيف
فبه قراءة قديمة ( الأصلية ) زى تاوضروس بينطقوها دلوقتى ثيئوذوروس ، وفيه دميانة بينطقوها دلوقتى تيميانى وشانودى بينطقوها دلوقتى شينوتى وكل ده تحريف وتخريف ( وربنا يشفى اللغة القبطية من اللفظ الحديث )

عم بافلي
الإسم الأصلي للأنبا بولا هو بَولا
اللي حصل انه من متين سنة تم تغيير طريقة نطق الحروف القبطي فتغير اللفظ
لكن مازلنا نحتفظ بالنطق الأصلي للأسماء
أبانوب ، دميانة ، فيلوتاوس ، شينودي ... إلخ
أظن انها شينودي يا أخ يوساب ، مش هي اختصار لـ ( شيري ابنودي ) اي ابن الله؟
طالما انت بتحب الأنبا يوساب الأبح اسقف جرجا ، خد دي مني يا أخ بافلي
http://www.islameyat.com/arabic/derasat/almonazarah.htm
سلام ومحبة ربنا معاكم

[صائد الذباب]

يا جماعة ...الواد بتاع رسالة ألحقونا دة

اللى قال يوم الجمعة بعد صلاة الظهر ...المسلمين هيعملوا غزوة على الكنيسة فى الفيوم

هو راح فين ...أية الاخبار؟؟؟ النهاردة الاحد ولا حس ولاخبر؟؟؟

وكمان موضوع الاسرة بتاعة شبرا الخيمة ..هم اصلاً مسيحين والا مسلمين ...ولو مسيحين أنتم متأكدين أنهم أنقتلوا بسبب الدين؟؟؟...مش عارف أقولكم أية...خيبتنا قوية قوى...وقلبى وجعنى من أفعلنا الصغيرة دة....دة حتى بتوع أمريكا الاسرة المقتولة ...طلع القاتل مش مسلم...بجد كدة يبقى حرام عليكم تدوخونا وراكم ...علشان مواضيع فشنك...نسيب هم البلد والسرقة والاضطهاد الحقيقى ونمسك فى العيب شيطانية وتهم فارغة...وياريت محدش يحاول يتفزلك معايا ويرد على كلامى دة ...لانة هو دة اللى أنا شفتة طوال الايام الماضية
وكمان موضوع البنتين اللى انخطفوا دة.......

متجروش ورا كل ما حد يقول حاجة ....تصدقوا على طول....البلد مش ناقصة

البنتين دول عايزين تربية من الاول وجديد....علشان أكيد أنتم عرفتم أنهم راحوا برجليهم ومحدش ضغط عليهم

كفاية بقى نحط راسنا فى الرمل ونقول خطفوهم......كفاية بقى ندبح نفسنا بسكينة تلمة وبأيدنا أحنا

اضطهاد فى مصر...فية اضطهاد فى كل حتة فى مصر.... مش... الفيوم والا الصعيد....كفاية الاضطهاد بيبدء مع ميلاد اى طفل مسلم

الاهل برضعوا الطفل كرة وحقد على اى انسان غير مسلم...فأحنا مش محتاجين قصص ولا أمثلة على وجود الهم اللى عايشين فية ليل ونهار

وحتى موضوع وفاء...والا بلاش

ربنا يستر الجميع

سلام الرب معكم

الصياد....محارب الفساد ...فى عرض وطول البلاد