ألاشرار ومملكة الآقباط

[صائد الذباب]

فض الوزير سامى رسالة عصابة الاشرار أو ما يقولون عنهم أنهم أشرار وبدء فى قرائتها بصوت مرتفع حتى يسمع كل أعضاء المجلس نص هذا الخطاب

الوزير سامى : من أعضاء ثوار العلمانية الجديدة نطلب منكم عدم البحث عن قاضى القضاة أو التفتيش عن أماكننا ...نحن ليس لنا مطالب....بل لقد خطفنا قاضى القضاة المدعوا يوساب لمحاكمتة على كل جرائمة التى أقترفها فى حق أحلامنا وفى حق أحلام جميع رعايا الاقباط...ولسوف نحاكمة محاكمة عادلة ......وسوف نبعث اليكم بقرار هيئة المحكمة فى وقت قريب

أمضاء
ثوار العلمانية الجديدة


صمت كل من كان يسمع هذا الكلام الذى قرأة عليهم الوزير سامى ...وكان أول من قطع الصمت هو الوزير سويرس الذى قال لسامى : أنا شايف كدة حضرتك مبسوط قوى من الجواب دة وناقص تتحزم وترقص؟؟!!

نظر لة سامى نظرة يتطاير منها الشرر ثم رد علية فى حدة : ياسلام على نظرتك اللى متخيبش...أيية ياوزير سويرس أنت عايز محزنة وتشبع فيها لطم؟؟؟...طب وأنا هفرح فى القاضى لية ؟؟ والا يكنش أنا من أفراد العصابة دة ومعرفش ؟؟

ضحك سويرس فى تهكم واضح ثم قام من موضعة رافعاً يدة فى وجة الوزير سامى قائلاً لة : ياوزير ...كلنا هنا عارفين الخصومة والحروب المستترة بينك وبين القاضى المخطوف وأذاى أنت حاولت أكثر من مرة تخلعة من كرسى القضاء ...فامش بعيد يكون ليك يد فى موضوع خطفة .......

شاطت أعصاب الوزير سامى وفى لحظة واحدة أخرج سيفة فى وجة سويرس الذى ما أن رأى هذا الفعل من الوزير سامى حتى أخرج هو الاخر سيفة البتار من مكمنة وهم كل صاحب بصاحبة لولا تدخل الوزير عبد المسيح والادمن والادمن 1 لحدث ما لا تحمد عقباة

رفع الادمن صوتة وهو ينهر المتقاتلان قائلاً : أية دة أنتم أتجننتم ؟؟؟...أول مرة أشوف الكلام دة فى مجلس الوزراء....حرام حرام ...البلد هضيع بعميلكم دة ...عايزين نشوف هنعمل أية فى المصيبة اللى أحنا أتحطينا فيها..

أرتفعت حواجب الوزير عبد المسيح بشدة وهو يتسائل قائلاً : يعنى أية المصيبة فى خطف القاضى ؟؟..أية البلد هتقع لو مش موجود القاضى ؟؟؟عايزين نفهم أية الموضوع

رد الادمن 1 قائلاً : أنتم مش حاسيين بالخطر اللى أحنا فية ....القاضى يوساب مكنش قاضى وبس...كان كل أسرار المملكة وحسابتها وكل أحصائيات حتى أحصائيات المواليد وألارقام السرية لخزائن المملكة هو الوحيد بعد الوالى اللى يعرفها ....دة حتى فية حاجات مش ممكن تفتح من الخزائن دة الا ببصمة صوتة ....يعنى من الاخر كدة القاضى لو مرجعش خلال 24 ساعة أقتصاد المملكة هيقع ...اللى أنخطف دة أكبر بكتير من قاضى ...اللى أنخطف دة هو العقل المفكر اللى قامت عليها المملكة بعد ما حربنا سنين طويلة علشان ناخد حريتنا وتكون لينا بلد ...أحنا الاقباط...وطبعاً من ساعة ما بقى لينا الحق نقيم بلد أستطاع القاضى يوساب بعبقريتة انة ينظم كل شىء وكان أول وطن تحكمة المسيحية القبطية....وطبعاً بعد ما أنفصل عننا مجموعة العلمانيين اللى أكيد هما اللى خطفوا
القاضى...

ورجع الصمت يطبق على المجلس من جديد


*******************************

وفى نفس الوقت كان الناس يتداولون موضوع القاضى فى كل مكان من المملكة ...ففى سوق المملكة قال مواطن يسمى يوسف لاخر يدعى جوزيف : اية موضوع القاضى دة ..بجد القاضى يوساب انخطف امبارح ؟؟؟؟

تلفت جوزيف بخوف قائلاً ليوسف : وطى صوتك شوية ...انت اية متهور كدة على طول ...ايوة ياسيدى انخطف ...يارب مايرجع تانى ...بركاتك ياعدرا...

ضحك يوسف قائلاً لصديقة جوزيف : ياة دة انت كنت مخنوق للدرجة دى من القاضى؟؟

رد جوزيف : مش انا بس دة البلد كلها ...ياراجل انشاللة ماتعود ايامة ...هو كان فية حد يقدر يمشى فى الشوارع يوم الاحد الا بعد القداس فى كنيسة المملكة ...وكمان حاطط بصاصين جوة الكنيسة علشان يعرف مين اللى امة داعية علية ومحضرش القداس ..تبقة ليلة اهلة اسود من قرن الخروب...

يعنى بالزمة مرواح الكنيسة بالعفية ...فين ايام ما كنا عايشين فى مملكة النيل ..المملكة الام..وكنا برحتنا نروح منروحش محدش كان بيحسبنا

رد يوسف : بس ربنا هيحسبنا ياعم جوزيف على اهملنا فى مسحيتنا

رد جوزيف بحدة قائلاً : ربنا ..ايوة ربنا مش القاضى ..والقوانين ..ياراجل دة لولة انى عيب اقولها ..كنت قولتلك انا كرهت مرواحى للكنيسة بالطريقة دة ..تقدر تقوللى ...لية الحكومة بتاعتنا حشرة نفسها فى العبادة بين الانسان وربة ؟؟

رد يوسف : علشان احنا مملكة دينية ..المملكة القبطية

***********************************************

أنتظرونا مع الجديد غداً من أحداث القصة

تحياتى