هل من مسلم يستطيع الرد

المشاركة الأصلية بواسطة elmafdy

رجاء هام

الى جميع الاخوه الشتامين , يرجى الحفاظ على هذا المنتدى راقيا خاليا من أى شتائم , و من يريد ان يشتم فلينتقل الى اى منتدى أخر .

و شكرا

المفدى

الاخ الفاضل المفدى

ازى كنت ترى انى وجهت شتيمة لأحد فأرجو ان تبلغ المشرفين فورا ليقوموا بحذف كلامى لأنك صاحب الموضوع و ده من حقك.

تحياتى

[Mena0064]

الأخ هانى سمير، واضح إنك زعلان من المنتديات الإسلامية من النوع إياه، كلنا عارفين بوجودها و رائحتها العفنة فى وضوح الشمس. السؤال هنا هو هل ترضى يبقى منتدى الأقباط زيها؟
الأخ المفدى، أتفق معاك، أنا يمكن بس علشان ميولى سياسية دايما أحول الموضوع لسياسة بس أنت معاك حق أى موضوع ممكن النقاش فية طالــــــــــما إن المتحاورين عندهم القدرة على النقاش بإسلوب مقبول و تقبل الإختلاف.
الأخ غلباوى، على قد ما أنا متفق معاك فى نقط كتير على قد ما أنا مستغرب من إنك مش واخد بالك من تجاوزات المسلمين فى مصر ضد الأقباط. أنا لية عندك طلب، حط نفسك مكان المسيحيين لمدة شهر واحد و كل ما تمشى فى الشارع أو تفتح التليفزبون عد كدة كام حاجة ممكن تضايق الإنسان المسيحى و كام حاجة تبسطة. لاحظ كدة التعليقات على اللى لابسين صليب أو الكلام اللى بنسمعة فى خطب الجمعة أو الشرايط إياها، مش ممكن تقدر كم الشد العصبى و الكبت اللى بتسببة الحاجات دى.

[QUOTE=Mena0064]الأخ هانى سمير، واضح إنك زعلان من المنتديات الإسلامية من النوع إياه، كلنا عارفين بوجودها و رائحتها العفنة فى وضوح الشمس. السؤال هنا هو هل ترضى يبقى منتدى الأقباط زيها؟
QUOTE]

طبعا لأ و مليون لأ يا مينا لأن اسلوبنا لازم يكون مختلف عن اسلوبهم تماما و ياما ناس كتير اتكلمت فى الموضوع ده و لو عاوزين نقول الحق اللى بيعمل الكلام ده ميزيدوش على عدد اصابع الايد و الباقى كلهم ناس فى منتهى الاحترام لكن الاخ اياه عمال يعمم و رديت عليه من قبل فى النقطة دية لكن طبعا سكت و مردش و الشئ المستفز انه عاوز يربط الكلام اللى بيتقال فى منتدى على النت زيه زى اى منتدى تانى بحقوق المسيحيين فى مصر و ده كلام فى منتهى الغرابة و الاستفزاز.

وانا على اتم استعداد يا مفتى للحوار الناضج المهذب ...

ولكن ارجو تجاهل اي اسلوب ساخر او شتائم او اي نوع من ازدراء الاديان الذي يحدث وبكثرة من اعضاء معرفون بالاسم وانت تعرف ذلك

[elmafdy]

اخى الحبيب هانى
لم أكن اقصدك مطلقا حينما تحدثت عن الاخوه الشتامين , و اسف اذا كنت فهمت ذلك , كل ما فى الامر اننى خشيت ان تبدأ الشتائم و التهم من الطرفين و يفقد المنتدى قيمته و الهدف منه , و اعتقد انك تتفق معى فى الرأى , و بالطبع يشرفنى و يشرف المنتدى ان تشارك فيه بأرائك و اضافاتك التى طالما اعجبت بها يا عزيزى .

و الرب يبارك و يهدى الجميع

المفدى

[elmafdy]

العزيز جدا غلاباوى
أولا تحيه طيبه لك و لنبدأ حوارنا الراقى الذى أثق انه سيقرب بيننا كأصدقاء , و أسمح لى أن ارتب حوارى فى بعض نقاط سيكون عليك يا عزيزى ان تجينى عليها بنفس الترتيب :

1- فنتعرف فى حدود المسموح : انا المفدى - مهندس - من القاهره - عمرى حوالى 35 سنه , أحب مصر بكل ما فيها و رغم كل ما فيها.

2- الديانه : أنا مسيحى أزعم أننى متدين فاهم لروح الديانه المسيحيه و التى تنص على محبة الجميع حتى من يكنون لى الكراهيه و الشر , لا اهدف لأى مناصب أو مراكز او ثروه على الارض , كفايه بس اربى العيال

3- اسمح لى كمسيحى ان أوضح لك موقفنا كطرف من طرفى الامه تجاه الطرف الاخر حتى و ان كان سلبى , فنحن كمسيحيين فى مصر يجمعنا جميعا موقف واحد هو :
أولا : نحن لا نؤمن ان الاسلام ديانه سماويه و لا نعترف به , اسف فى كلامى هذا و لكن لكى نحل اى مشاكل داخليه بينا كوطن واحد يجب ان نتصارح بالحقائق لنفرق بين الصح و الغلط , خاصة و اننى اعرف انكم ايضا لا تؤمنون بنا و تعتبروننا كفار محرفين .
ثانيا : ايضا داخل كل المسيحيين فى مصر قناعه ان مصر هى وطننا و ان الاسلام دخلها بالحرب و القتل و سفك الدماء و بالتالى بداخلهم قناعه اننا تحت احتلال و ان المسلمين غزاه احتلوا البلد و ظلمونا , اعتذر مره أخرى خاصة اذا كان الكلام حاد , و عموما انا موقفى الشخصى مختلف نوعا ما و سأخبرك به لاحقا .
ثالثا : لأجل ما سبق أصبح المسيحيين سلبيين مبتعدين عن كل امور الحياه العامه فى مصر , خاصة و أن من يريد منا ان يدخل فى سلك المناصب العامه أصبح مطالب ان ينافق المسلمين طوال الوقت او يخفى ديانته كأنها عوره و أعتقد ان اغلب المسيحيين يرون ذلك عار و نفاق .
رابعا : رغم كل ذلك اعتقد ان كل المسيحيين يحبون مصر جدا و لا يتنكرون لها ابدا .

ذلك هو موقفنا كمسيحيين نحيا داخل هذه البلد و أود ان تعرفنى موقف المسلمين منا و من البلد بنفس الصراحه و بدون قلق ان يساء الفهم .

عندى الكثير لأتحدث فيه و لكن حتى لا يكون الحوار من طرف واحد , اكتفى بتلك النقط و انتظر منك الرد الذى نعرف به بعض اكثر لننتقل لنقط اخرى فى حوارنا
و اهلا بأى مشارك فى الحوار من الطرفين

و الرب يبارك و يهدى الجميع

المفدى

الاخ العزيز المفدي .. تحية طيبة وبعد ...
طبعا انا سعيد انى بلتقي بشخص هنا في المنتدي بيحاول يكون موضوعي ومهذب ومتحضر في الاسلوب .. لان زي ما انت عارف هو دة السبيل الوحيد لوجود حوار او تحاور بيننا .. وأؤكد للجميع ان الحوار رغم انه بينى وبينى المفدي الا انني ارحب بالنقاش الهادئ الهادف من جميع الاطراف ... واعتقد ان لكلانا ( انا والمفدي ) كامل الحق في تجاهل السباب او البذائات او اساليب المراوغة والسخرية المعهودة في بعض الأفات الموجودة بالمنتدي ... وذلك بتجاهلهم تماما كانهم لم يكتبوا شيئا ....
بخصوصي

1- انا غلاباوي ( لا اعتقد ان الاسم سيشكل اي عائق ولا احب الكذب او ادعاء اي اسم ) تعديت الان عقدي الثالث من العمر ( يعنى مش مجرد مراهق بيدخل يتكلم وخلاص بدافع العصبية ) .. واعمل بالقطاع العام ............................

2- مش هقولك انا مصري حتى النخاع او لو لم اكن مصريا لوددت ان اكون مصريا .. ومصر هي امي نيلها هو دمي ... الخ .. بس انا اتولدتفي مصر وعشت في مصر وللعلم زرت بلاد كتيرة جدا وبدون تحيز ملقتش زي الانسان المصري في كل شيء .. يمكن فقير يمكن في بعض الاحيان تعييس لكنه متفرد بأشياء كتييرة اوي عن اي حد في العالم
اما موضوع انا مصري واعتز بعروبتى والقومية العربية والحاجات دي كلها فصدقنى انا اللى بيربطنى بالعرب هو دينى ولغتى العربية ليس الا ... ما دون ذلك بصنفهم تحت مرتبة
( العرب جرب .. وشوية محدثين نعمة ) ليس الا ومش عايز اقولك موقفي العدائي دة لية لانه ظاهر للعيان وقمة السلبية العربية في حل مشاكلهم هي اللى خلت الكل يبص لهم النظرة دي ومايبقاش ليهم قيمة .... مش هطول عليك بس انا فعلا مصري ابا عن جد وبعتز بمصريتى جدا جدا .. وأرفض اي تقسيم عنصري غبي يحاول يشير ان مسلمين مصر مجرد غزاة قدموا من الجزيرة العربية ... لان زي ما جه من الجزيرة العربية جه تجار وشعوب من جميع انحاء العالم واستوطنوا بمصر .. والكلام دة مش كلامي لدرجة انهم وصفوا مصر بالبوتقة اللى بتنصهر فيها شعوب العالم ... ايجاز لكل الكلام دة انا مصري

3- ديانتى والحمد لله الاسلام .. وباكد في اول الحديث زي ما أكدت قبل كدة انى لا بدقن ولا زبيبة ولا جلابية قصيرة .. ولا بتاع قال الله ولا قال الرسول (صلي الله علية وسلم ) .. وبرضة مش مسلم من اياهم اللى مسلم بالبطاقة وبس ,, انا شخص عادي جدا بتكلم عادي جدا ولا بحاول أأسلم حد او اعمل تقية زي ما بتقولوا .. اللي عايز يسلم يسلم واللى مش عايز براحتة ... كل واحدة مسؤول عن نفسة ومصيرة كل شيء قدام الانسان واضح وحتى لو شيء غامض عندة عقلة يفكر بيه ويستدل بيه وقلبة يحس بيه ويعرف بيه ... يعنى لما اتكلم معاك مش هشتغل معاك كلام قص ولزق لان كلام مش كلامي مضمنش ببساطة انه يكون خالي من الاخطاء لاننا كلنا بشر ....انا بتكلم بلسانى لسان المواطن العادي اللى بيوزن الامور صح ...ومعندوش ادنى كراهيية لأي حد حوالية الا للي يأذيه او يظلمه ...

بالمناسبة انا متربي على التسامح بين الناس وان ربنا اللى بيحاسب الكل في الاخر مش مجرد مسلم يدخل الجنة او مسيحي يدخل النار او الكلام دة .. وعشان الامر يكون واضح متربي وجيران بيتنا الباب في الباب مسيحين واكتر من الاهل وبناكل سوا ونخرج سوا وبنشارك بعض في كل حاجة ولحد النهاردة ,,, ولحد ماا اموت هتفضل علاقتنا بيهم كويسة جدا على اساس احترام متبادل وتقدير ..


4- موقفي من الدين المسيحي ., انا عمري ما حسيت في لحظة ان دين المسيحية مش دين او انه شيء عبثي او انى احاول اشتمة او اعامل في نظاق عملي اي حد على الاساس دة .. وحتى لو كنت كدة فا دينى الاسلامي بيحضنى على احترام الاديان السماوية ومنها المسيحية يعنى بحترم المسيحية والسيد المسيح وبوقرة .,. اما كون التوقير دة بيختلف بينا على اساس انه رسول الله ... وانكم تقدسونة كأله او انكم لا تعترفون بما تسمونه عيسى .. فكل ذلك بالنسبة لي لا يمثل اي شيء ... انا بحترم الدين وبحترم سيدنا عيسى علية السلام مهما كان موقفكم من الاسلام .ومش هنكر ان فيه في مصر اضطهاد الى حد ما لكن سكوتكم دة اللى خلا الحكام يعتبروكم شيء مهمش . يعنى للاسف انتوا اللى جبتوه لنفسكم وغصب عنى يا عزيزي لكن المنطق بيقول ازاي اجري وادور لك على حقك اذا كنت انت نفسك مش بتطالب بيه ؟ .... وللاسف الاضطهاد دة حاليا مش ليكم بس لا دة للشعب المصري بالكامل لكن انتوا بتحسوا بيه اكتر لانه ظلم على ظلم .. اما موضوع الغزاة المسلمين والكلام الساذج دة كلة بالنسبة لية ميساويش تمن الحبر اللى اتكتب بيه ... حتى الفتوحات الاسلامية بعد فتح مصر استمرت الفتوحات لليبيا وشمال افريقيا حتى اسبنيا .. يعنى الجيش مقعدش وبللط في مصر انما استمر في فتوحاته.. ومش هنكر ان في ناس منة استقروا في مصر او في قبائل نزحت على مصر زي القبائل اللى استوطنت الشرقية مثلا .. ولحد النهاردة بتلاقي الشراقوه ليهم بعض العادات والتقاليد العربية القديمة ..مازالت حتى اليوم ...

معلش طولت عليك .. انما ما تنساش ان اسمي غلابااااوي ..
ههههههههههههههههههه

مع تحياتي لك