عزيزى يوساب، مش عارف أختلف معاك فين ولا فين...بمحبة طبعا. كل إللى أفدر أقولةإن الهنا خلق الإنسان مخير حتى إذا إختار أن يبعد عنه و إذا ما كانش البنى آدم إختار الطريق الضيق بقلبة فإنت هتخلى ربنا يبقى زى الدواء المر فى حلقة. فى الواقع أن رأيى إن أمريكا هى فى الحقيقة متحفظة و محتاجة زقة كمان فى التفكير الليبرالى علشان توصل مثلا لمستوى الدول الإسكندنافية اللى أنا معجب جدا بنظامها الإجتماعى و السياسى عموما.
عزيزى سيجنال، القوة الشرائية للفرد(PPP) فى الصين هى 5600 دولار مقارنة بأمريكا 40100 و لو أخذت فى الحسبان معدل نمو إقتصاد البلدين هتلاقى المسافة بتضيق كل سنة بقدر مش قليل.
إقتباس:
|
المشاركة الأصلية بواسطة signal_II
الصين فى المجالات الحيوية وسيبك من البزازة والساعة والحاجات الهايفة اللى بتصنعها ولا حاجة خالص
اين الصين من صناعة الطائرات او حتى السيارات ؟؟؟؟
|
كتير من شركات صناعة السيارات اليابانية نقلت أو بتنقل مصانعها للصين للإستفادة من التكاليف المنخفضة حتى البى إم دبليو النهارة ليها مصانع فى الصين. الصين لا تزال فى مشوار إحتلال مكان فى الصناعات التقنية الحديثة HiTech لكن دى مسألة وقت و مع تدفق الإستثمار المخيف للصين لا يتوقع أحد إن الإنتظار هيطول، و لو أخدت بالك هتلاقى حاليا و فى إزدياد مستمر إن صناعات "الحاجات الهايفة" على حد تعبيرك هتتركز أكتر فى دول جنوب شرق آسيا و أمريكا الجنوبية لملئ الفراغ اللى هتخلقة الصين لما تهتم بالصناعات الأحدث اللى هتلائم إمكانيتها.
النتيجة إن العالم عن قريب هيتحول لأربع أقطاب متوازنة هى أمريكا و أوروبا و اليابان و الصين لكن لا تستهين بالصين.
العزيز غلباوى، أنا مش من محبى بوش لــــــــكن إضعاف اللوبى اليهودى لن يحدث بالصراخ و العويل، لازم دول الشرق الأوسط تتبنى مبادئ مشابهة لأمريكا مثل الديمقراطة و الشفافية بالإضافة لكدة لازم يكون فبة لوبى من أبناء الشرق الأوسط يوازن اللوبى اليهودى. أنا مش هدخل فى تفاصيل صعوبة حدوث هذا لأن دة موضوع لوحدة من دكتاتورية لتفشى الفساد لإضطهاد الأقليات للجماعات الدينية...من الآخر كدة إللى مش عايز يلعب لعبة أمريكا يدور على حد تانى يلعب معاة، إسرائيل ذكية و بتلعب اللعبة بمهارة فائقة و من الطبيعى إن أهدافهم تتقاطع. أما دول الشرق الأوسط عايزة تفرض قوانينها على لعبة لا تجيدها فمن الطبيعة إنها تاخد كارت أحمر، دى لعب محتاجة عقل و صبر لكن شغل الدراع و الصويت لن يضر إلا مصدرة.
عزيزى عنتر، كلام بسبط و فى مقتل! الديمقراطية أثبتت نجاحها الغير قابل للشك و ييجى واحد زى رامة يمدح فى صدام، ترد علية إزاى ده!؟
06-06-2005
النمط المتطور