إقتباس:
|
المشاركة الأصلية بواسطة signal_II
العزيز مينا
معدل النمو دا مش مقياس حقيقى .. لاسباب كتيرة اهمها انه مابيقس باسعار الصرف السارية (الحالية )
الصين معرضة خلال ال 25 سنة القادمة لاختلالات فى التركبية الديمغرافية لهجرة سكان الاقاليم الفقيرة الى الاقاليم الحيوية والغنية وهناك احتمالات انها ستفشل كل العملية
الى جانب المسلمين وحروبهم المخفية الانفصالية ودولهم اللى يحاولون انهم يعملوها بالرغم من النغنغة اللى فيها والسماح لهم باكثر من طفل
الصين حاجة هشة داخلية من شباب الجامعة اللى مستنى فرصة للحرية للفقراء لفروق المستويات الحالية ..
اما حكاية نقل التصنيع للصين فدى لان الصانع دائما يريد اكبر مكسب واقل خسارة
ايدى عاملة فى صناعات كثيفة رخيصة فلم لا ؟
لكن هل لدى الصين علامة واحدة تجارية من صتعها تستحق الاحترام .. ؟
حتى الشركات اليابانية معرضة بين لحظة واخرى للانسحاب بمشروعاتها من الصين للخلافات بين البلدين
كل مصانع الصين مصانع تجميع للمنتجات العالمية للتصدير بهدف اكبر ربح ومواجهة الطلب على اغنياء الحقبة الشيوعية الى جانب بالطبع تغذية هونج كونج بهذة المنتجات
لااظن ان الصين ستتخلى عن الصناعات الهايفة لانها تعرف جيدا مدى قوتها بالسوق العالمية
فمن الممكن الا تشترى طائرة الا انك ستشترى بزازة قميص حاجات هايفة
اما حكاية ايران عايشة مرتاحة فدى بجد نكتة وياما هنشوف الغلب مع غلباوى
|
مش عايز أنحرف عن الموضوع الرئيسى لكن أنا مش فاهم كلامك عن معدل النمو! الأرقام بتقول إن إنتاج الصين 7262 بليون دولار و معدل النمو 9.1% و الإستثمار3340 بليون دولار، يعنى إستمرارية النمو مضمونة لمدة طويلة هل تظن 3340 بليون دولار لبناء مصانع لعب الأطفال؟ بالمقارنة إنتاج أميركا 11750 بليون دولار و معدل النمو 4.4% و الإستثمار1844 بليون دولاريعنى أقل بكثير. العملة الصينية مثبتة أمام الدولار و لو تم تعويمها هتذيد عن قيمتها المثبتة.
التغيير الديموغرافى هو Urbanisation شئ طبيعى فى الدول اللى تزيد فيها الصناعة و الخدمات على حساب الزراعة طبعا مع هذا الكم من الإستثمار المعدل أكبرفى الصين لكنة ليس تهديد أبدا لأن الصين عندها إكتفاء زاتى للمنتجات الزراعية.
الحروب الإنفصالية لن تكون عائق أولا لأنها فى الإقليم الغربى Xinjiang قليل الأهمية بينما معظم النمو فى الشرق بالذات فى Shandong حيث معدل النمو أكثر من 10% للعشر سنوات الماضية على التوالى. ده غير إن الحكومة بتتبع سياسة تهجير المواطنيين لإقليم Xinjiang و Xizang المعروف ب Tibet علشان تخفف من تركيز النزعة الإقليمية و الكيان الإنفصالى فى الإقليمين دول.
الصناعة الصينية لحد النهاردة معتمدة على التمويل و الإستثمار الخارجى لهذا فعلا مفيش ماركات صينية معروفة أما سحب الإستثمار فدة حاجة معرضة ليها دول زى أمريكا و أوربا فقط أما الصين فلها شروط معقدة للإستثمار و حتى الأرباح مش من السهل تاخدها كده كاش بع سنة ولا إثنين و دة لضمان إستقرار الإقتصاد لا تنس إنها دولة مش ديمقراطية.
على كل حال الأيام هتورينا إية اللى هيحصل و أنا عن نفسى مترقب العملاق الصينى بحذر و لهفة فى نفس الوقت.
07-06-2005
النمط الشجري
