|
|||||||
| المنتدى العام يهتم هذا القسم بالأخبار العامه |
 |
|
|
خيارات الموضوع | طريقة العرض |
|
|
|
#1
19-09-2005
|
||||
|
||||
|
إقتباس:
معاك يا ساويرس بس معنى كلامك ان كل مريض بمرض ما انه مش بيتبع المسيح يعنى؟؟ يا ساويرس من يتبع المسيح لا يغرق اكيد بس اللى يتبع بعض الاراء هنا يموت ناقص عمر وحياتك ويارب يسمع منك كلنا محتاجين سلام المسيح جوانا بالذات اللى بيدعوا التحمل ظاهريا بس ومن جواهم نار زى اللى يتبهدل وينهان ويقول للى عمل كده مسامحك زى المسيح مقال وهو جواه غل وكرة ومش طايق نفسه... بس لا لازم يبان طيب وقديس قدام الناس ...السلام يحصل لما الانسان يكون متصالح مع روحه قبل الاخرين واخيرا يا رب يحط سلامه داخل الجميع وانا اولهم 
|
|
#2
19-09-2005
|
|||
|
|||
|
من يوحنا الاصحاح 18
22فَلَمَّا قَالَ يَسُوعُ هَذَا لَطَمَهُ أَحَدُ الْحُرَّاسِ وَقَالَ لَهُ: «أَهكَذَا تُجِيبُ رَئِيسَ الْكَهَنَةِ؟» 23أَجَابَهُ يَسُوعُ: «إِنْ كُنْتُ أَسَأْتُ الْكَلاَمَ فَاشْهَدْ عَلَى الإِسَاءَةِ، أَمَّا إِذَا كُنْتُ أَحْسَنْتُ، فَلِمَاذَا تَضْرِبُنِي؟» 24ثُمَّ أَرْسَلَهُ حَنَّانُ مُقَيَّداً إِلَى قَيَافَا رَئِيسِ الْكَهَنةِ. بتسمي رد السيد المسيح ايه؟ ماشي يمكن مش تذمر بس علي الاقل ما حولش الخد الاخر بل اعترض وبالمناسية المسيح هو الاله المتجسد يعني كان ممكن يحول خده وهو طبعا في موقف القوة لكن لم يفعل علشان يعرفنا ان من حقنا الدفاع عن نفسنا بالطرق المشروعة والتسامح والغفران ده انت حر فيه فيما يخصك انت شخصيا او انا او اي واحد مسيحي ياخد علي قفاه برضاه وهو بيرنم مادام بيعتقد انه بينفذ الوصية حسب مفهومه لكن ليس من حقي ولا من حقك ولا حتي من حق البابا ان يفرط في حقوق الشعب القبطي تحت اي مسمي مهما كان وبلاش تكفرونا بقة شوية شجاعة ياناس المسيحية تقهقرت في مصر بل في كل الشرق التعيس بسبب السياسة الحمقاء دي تحت مسميات دينية شتي احنا يا أخي العزيز ساويرس لا ندعوا للانتقام من احد فقط الدفاع عن انفسنا والا هذا الحق منحته كنيستنا للفلسطينيين وبس كلمة اخيرة لمن قال ان الجنسية الرومانية كانت وزنة في ايد الرسول بولس طيب ما الجنسية الامريكية ةالاسترالية والاوربية وزنات في ايدين المهاجرين طيب ليه الشكوي منا لما بنستخدم هذه الوزنات للحصول علي المساواة والحرية لاخوتنا في مصر اول ناس بيشتكوا ويشككوا في مصريتنا هم اخوتنا في مصر والكنيسة علي رأسهم لما الكنيسة للأسف يتهيألك انها عربية اكتر من العرب ومسلمة اكتر من الاسلام نفسه ولا تنسي فلسطينية اكتر من ياسر عرفات الله ما يرحمه والا اقوللك اللات يرحمه اذا استطاع ارجو الا تغضب مني اخي الحبيب ساويرس انا بس مرارتي اتفقعت وبالمناسبة انا جالي السكر فعلا والبقية تأتي ربنا يرحمنا جميعا
__________________
www.copts.net آخر تعديل بواسطة zzaghlul ، 19-09-2005 الساعة 12:13 PM
|
|
#3
19-09-2005
|
|||
|
|||
هل ياإلهى
إخواتى فى المسيح
بهدوء كدة , يسوع عمل إية فى إلهيكل ؟؟ إذآ فى أشياء وأوقات رب ألمجد لا يقبل تحويل الخد الأخر , ولي حاصلنا وبيحصللنا حاليا لنا وليكنيستنا ولعقيدتنا ولأسمة القدوس لايقل , ولا أنا غلطان؟
|
|
#4
19-09-2005
|
|||
|
|||
|
إقتباس:
ان ما فعله يسوع فى الهيكل كان من اجل مجد الاب ولكن ما ينادى به البعض الان فهو لكرامة الانسان ولا تنسى ايها الحبيب ان كنيستنا لم تقوى وتنمو وتزدهر الا فى عصر الشهداء الذين استشهدوا عوضا عن انكار المسيح ولم يستشهدوا عوضا عن حقوقهم كما يروق للبعض ان يروج فان وصل الامر لاجبارنا على انكار المسيح الهنا فساكون اول الشهداء . السلام والنعمة
|
|
#5
19-09-2005
|
|||
|
|||
|
إقتباس:
امتى نسمي الرد رد ، لما يتناسب مع مكانة وقوة المتكلم يعني ده ما نقدرش نسميه رد ، لأن المسيح ببساطة قادر أن يفني ضاربه ، جسدا ونفسا وروحا ويمحي ذكره للأبد كأنه لم يكن كلام المسيح كان يسعى به لخلاص نفس ضاربه ، وهو يعلم أنه سيضربه ويعلم بضاربه ويعلم كيف يوصل له رسالته لكي يخلصه وسأعطيك موقف مشابه لوقا الاصحاح التاسع 52- و ارسل امام وجهه رسلا فذهبوا و دخلوا قرية للسامريين حتى يعدوا له. 53- فلم يقبلوه لان وجهه كان متجها نحو اورشليم. 54- فلما راى ذلك تلميذاه يعقوب و يوحنا قالا يا رب اتريد ان نقول ان تنزل نار من السماء فتفنيهم كما فعل ايليا ايضا. 55- فالتفت و انتهرهما و قال لستما تعلمان من اي روح انتما. 56- لان ابن الانسان لم يات ليهلك انفس الناس بل ليخلص فمضوا الى قرية اخرى. فابن الانسان كل همه وسعيه ورسالته وتجسده لكي يخلص أنفس الناس فكلام المسيح لضاربه لأجل خلاص نفسه ، ليس لرد عليه أو اعتراض ، لأنه يعلم ما سيكون قبل أن يكون الدفاع عن النفس كويس ، لكن ده اختيار ، والتحمل لأجل المسيح شيء عظيم ، وهذا ايضا اختيار يعني الاتنين صح ومحدش غلط بس امتى صمنا وصلينا عشان حقنا يرجع ونخرج من المحنة؟؟ المشكلة اننا عايزين حقنا من العالم والعالم ما بيديش حاجة كويسة ما تنساش ان كنيستنا نمت وازدهرت بدماء شهدائها ( اللي اخدوا على قفاهم تنفيذا لوصية المسيح ) حكاية ان الانسان يبقى تحت اضطهاد بتبقى فردية وليست عامة ومن حقك تطالب بحقك ومحدش منعك تطالب بحقك عموما أنصحك بقراءة انجيل لوقا الاصحاح الثامن عشر وبالتحديد مثل قاضي الظلم إقتباس:
ان القديس بولس الرسول استخدم حقه القانوني للدفاع عن نفسه ، اذا انت نفسك وقعت تحت اضطهاد ، لن ينكر أحد حقك في الدفاع عن نفسك ، واذا استجار بك أحد لا تتركه بل دافع عنه لكن ما تجمعش الأقباط في خانة واحدة لأن مش كلهم طلبوا الدفاع عنهم يعني دافع عن نفسك وعن من استجار بك ولا تفرض الحماية عن من لم يستجر بك الكنيسة في كل الاحيان بتتصرف بصمت ولكن ليس مكتوم الا ويعلن لدرجة ان فيه ناس لحد النهاردة ما تعرفش اسباب حرمان اوريجانوس وبتتهم الكنيسة بالفساد ، شوف من امتى بقى ثق في القيادة الكنسية لما تتصرف بتتصرف بناءا على معطيات مش عندنا وثق في سماح ربنا وما تنساش ان البابا ارشيلاوس لما حل أريوس كان مدته أقصر مدة جلوس على الكرسي المرقسي أقل من ستة أشهر يعني ربنا ما بيسيبش مخطئ لا تقلق إقتباس:
ربنا يشفيك من كل مرض ويبعد عنك كل شر بشفاعة أم النور وجميع الأجناد السماوية وكل أفراد الكنيسة المنتصرة . آمين. آخر تعديل بواسطة saweres ، 19-09-2005 الساعة 04:43 PM
|
|
#6
19-09-2005
|
|||
|
|||
|
إقتباس:
وفيه أمراض بتيجي بسماح من ربنا كتجربة لكي لا يرتقي الانسان فوق ما ينبغي وفيه أمراض بتيجي بسماح من ربنا للتأديب وفيه أمراض بيسببها الانسان لنفسه ببعده عن الله وانغماسه في العالم ، فبتيجي الأمراض من القلق والتوتر وتعب الأعصاب وبالنسبة للأخيرة المسيح قال تعالوا الي يا جميع المتعبين و الثقيلي الاحمال و انا اريحكم (مت 11 : 28) بعيد عن المسيح فيه تعب وفيه أحمال تقيلة ما نقدرش نشيلها فبنتعب أكتر ، فالحل هو التسليم الكامل للمسيح ، نسير في طوعه وأمره ، فهو القادر أن يحفظ وديعتنا ولن يمسنا شر الا بسماح منه ، واذا سمح فليس لنا مهرب حتى وان اختبئنا في شقوق الأرض واذا لم يسمح بأن يمسنا شر ، فلن يمسنا البتة ، حتى وان نادينا بأعلى صوتنا من سطوح البيوت التسليم للمسيح هو الحل آخر تعديل بواسطة saweres ، 19-09-2005 الساعة 01:27 PM
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
النمط الشجري
