اعتقال الكاتب عبد الكريم نبيل لمجرد ان رأيه لا يتفق مع مزاج المتطرفين

شوفي يا inner انا كلامي ثابت ومش بيتغير وموقفي من الموت واحترام قدسيتة ثابت وعمرة ما هيتغير ... بس كونك لسة جديدة ولسة مفهمتيش اسلوبي في الكتابة ولا في المداخلات يبقي دي مش مشكلتى ابدا .. وممكن تقلبي كدة المنتدي وتحاولي تشوفي مشاركاتي القديمة وانتى تتعلمي ...

اما مداخلاتى اللى زعلت ناس كتيرة ومنهم عزيزي صفنات اللى هاج وماج وفط ونط وعمل فيها فتوة واستعان بقوة اسرائيل رضي الله عنها ..في حمايته ونسي في غمار ذلك كلة حماية الله قبل كل شيء .. عموما الكلام اللي قلتة اكتر من مرة انى مش بهدد لان اللى بيهدد اكيد بيكون بيهدد بشيء او مسنود زي ما بنقول بقوة تعطي له الحق في التهديد والوعيد بل والتنفيذ ايضا ... وكل ذلك للاسف لا يوجد في غلاباوي وحتى ان كان غلاباوي يملك تلك القوة او تلك السلطة فهو لن يهدد ( اللى بيحب يعمل حاجة بيعملها على طول مش بيهدد ) واكبر دليل على كدة ان عبد الكريم اعتقل مباشرة بدون انذار او تهديد او حتى لفت نظر ...

نيجي بقي لنقطة مهمة جدا انا يمكن بقدم قنبلة شديدة التدمير في شكل قطعة شيكولاتة صغيرة جذابة ... اي ببساطة اعرف الواقع المرير الذي نعيشة والفضل لقانون الطواريء بارك الله فية .. ولذلك اعرض تلك الحقائق بصورة سخرية مريرة من ما يحدث واتحدي اي شخص هما ينكر ما قلتة او يفول ان ما قلتة كان جديد علية ولم يسمعه من قبل

رجاء اخير ... من يعتبر ان غلاباوي يهدده او يقوم بارهابة فاحسن له الا يقرأ او يرد على غلاباوي مطلقا حتى يتم شفاء عقلة على خير ...

شكرا