دماء و ذئاب

[elmafdy]

على رأى سليمان نجيب فى أفلام زمان " سبحان الله فى طبع حضراتكم "

انتوا ما تصدقوا أى حاجه و تشبطوا فى بعض , حماده مسلم , حماده مسيحى , حماده يلعب , ما يطلع زى ما يطلع , القيمه فى كلامه فى الاخر , المفروض أن المقبول أو المرفوض كلام او فكر أو رأى , مش انسان , يعنى انا ممكن جدا اقبل كلام انسان مسلم و ما اقبلش رأى أنسان مسيحى , و فى الحالتين أنا بأقبل الانسان نفسه , انا عن نفسى شايف ان الفرق بين دول العالم المتقدمه و دول الغنم اللى زى حالتنا هو فى الكلمه دى بس , قبول أو عدم قبول الاخر , أنا شايف أن دى كلمة السر اللى ممكن ييجى وراها كل تقدم او تأخر , كل مدنيه او جاهليه.

و بعون الله أنا ناوى افتح منتدى جديد متحضر أسمه قبول الاخر.

و أنت يا عم حماده ما تعترف و تقول من الاخر انت مسلم و لا مسيحى و لا بوذى و لا أيه بالظبط علشان تريحهم و نخلص النقار ده , و نبتدى ندور على موضوع غيره نتناقر بخصوصه .

و الرب يبارك و يهدى الجميع

المفدى