ليه حكومة مصر بتعمل كده مع الأقباط؟

[Mena0064]

المشاركة الأصلية بواسطة mena_hot

مع الاسف احنا اللي خلينا الحكومة تعمل كدا مش منها نفسها

احنا اللي عودناها علينا تسرقنا عيني عينك واحنا ساكتين تسلب حقوقنا حق تلو الحق واحنا صامتين تضرب وتعتقل اولادنا وتبارك خطف بلادنا وتسكت علي قتل احبانا واحنا لانقوم بمظاهرة واحد رد شرف عاوزها تعمل ايه يعني كويس انها بتعمل كدا وبس ومش اكتر والصراحة ليها حق تعمل اكتر من كده بكتير

انا في راي السؤال مشي يبقي ليه الحكومة بتعمل كدا في الاقباط ؟
بل ليه الاقباط بيعملوا كده في نفسهم ليه ساكتين علي حقهم وحق اولادهم ليه معتبرين الاهانة وسلب حقوقهم والسلبية حق مكتسب ليهم ليه مش نتحرك ونبقي كلنا يد واحدة قصاد اي معتدي علينا ليه لما يحصل اي تعدي علي كنيسة مش نلاقي ملايين من الاقباط جواها ليه الخوف ولامتي السيد المسيح نفسه قال اعط مال قيصر لقيصر ومال الله لله لازم نفصل الدين عن السياسية اعط الدين حقه والسياسة حقها كفاية خضوع وسلبية ولامبالاه احنا زمان كنا عضمة زرقاء دلوقتي بقينا ايه ؟؟؟ ولا حاجة بقينا مقهورين بس جوانا مش قادرين نتكلم وفاكرين اننا كده بنسامح واتحدي ان كان كل الشعب القبطي بيسامح ومش مقهور من جواه

لازم احنا اللي نقف ونتحرك ونضع حد لتعدي الحكومة علينا با ايدنا

عزيزى مينا، على فكرة إسمك حلو ممكن أستلفة؟

حقيقى يا مينا إنت جبت الديب من ديلة، لكن إجابة تساؤلاتك موجودة فى تاريخ الأقباط. مصر من قبل دخول المسيحية و أهله تحت نير الإحتلال و أظن دة سبب بعض التبلد و لما دخلت المسيحية مصر أصبح التسامح شماعة لتعليل هذة السلبية و أصبح القبط متفرجين و مصر بتتسلم من محتل للى بعدة و بالتدريج مات حلم الإستقلال و بقى شاغلنا هو التأقلم مع المحتل بدل من التخلص منة.
تاريخنا مليان بحلقات التخاذل و التلون بلون المحتل، وحتى الطعن فى الظهر من أجل ثلاثين من الفضة. و زى ما إنت شايف لحد النهاردة الكلام دة مستمر، أخر ثورة حقيقية قام بيها الأقباط هى ثورة البشموريين أظن فى القرن التاسع و من ساعتها لأكتر من الف سنة لم يقدم الأقباط إلا أقل ما يمكن للقضية القبطية، و مصحيناش إلا لما خرجنا برة مصر و شفنا الناس كلها واخدة حقوقها و نحن أهل مصر الأصليين نركب السبنسة. رغم كل دة فية طابور طويل لسة مستعد يبيع و لو حتة بواحدة من الفضة حتى الكنيسة اللى كانت ملجأ و فخر و رمز إنتمائنا لم تخلى من السوس.
بس كل وباء ولة علاج و إحنا بذرة الصحوة القبطية و مش هنسكت إلا لما ناخد كل حقوقنا المنهوبة و زى ما قال موسى لفرعون لما سمح لبنى إسرائيل بالخروج لكن بدون بهائمهم فكان رد موسى...ولا شاه واحدة تبقى.