هل هذا الخبر صحيح؟

[signal_II]

هما كانوا مسلمين على مسيحين على وثنين واغلبيتهم من الجنوب ودارفور
بس ياعم غلاباوى ( والف سلامة عليك )
انا معاك ان الريحة كان سوداء جدا .. وان الاعتصام كان غلط فى مكان زى دا
بس الباشوات المصريين اللى شغالين فى المفوضية باشوات وقرفانين من اللى بيحصل
كنت شفت واحد بيقول قبل الاحداث ( انا مش عارف هما عايزين اية احنا جزء من منظمة دولية محترمة ولا دراسة لكل حالة على حدا )


يعنى شروة واحدة يقولوا اه او لا .. على العموم مصرتحصد بغباء ماصنعة شوية حمير مصريين فى المفوضية .. على فكرة السودانين دول كانوا موافقين يروحوا اى دولة فى العالم ماعدا مصر تفتكر لية؟؟؟؟؟؟؟؟

[elasmar99]

انهم بشر من صنع الخالق الذي خلقنا جميعا احرار. اما عن مطالب هؤلاء المشردين بسبب اهوال الحرب الاهلية التى فرضها عليهم النظام الإسلامي في الخرطوم فلا تصدقون وسائل الإعلان والدعاية الوهابية الكاذبة وخذو المعلومات من مصادر موثوق فيها. اذا اردتم قراءة المزيد فهناك مداخلة لي بتاريخ 29.11.2005 بها عدد من الينكات المفيدة . اليوم السودانيون وغدا الاقباط.

انا مسيحي ادافع عن المظلومين

[elmafdy]

عزيزى غلاباوى

اتفق معك تماما فى رفض ما حدث لهم سواء كانوا مسلمين او مسيحيين و لا يفرق معى على الاطلاق , و لكنى اعرف ان الحكومه المصريه لا تبخل بأى شئ على مسلمى العالم و اسلامه , انا شخصيا كنت افضل ان يكونوا مسلمين حتى تتحلى معهم الحكومه بالصبر و تعاملهم برفق و موده اكثر من ذلك كثيرا , و لك فى الالاف المؤلفه من كل جنسيات العالم و الذين يقطنون فى مدينة البعوث بالعباسيه اسوة حسنه , فهم واكلين شاربين قايمين نايمين دارسين على حساب مصر , و منهم كل الجنسيات و يحملون معهم كل الاوبئه و الامراض و رغم ذلك يلاقون كل انواع الترحاب و التقدير , و الود ود الحكومه لو كل واحد منهم جاب اهله و عشيرته و بلده كلها نصرف عليهم هنا .

عموما انا مش من حقى اتكلم , دى بلدكم وخيراتها خيراتكم و انتوا احرار فيها .

و الرب يباردك و يهدى الجميع

المفدى

[Peace4All]

بغض النظر عن ديانتهم:
فى دولة محترمة تروح تقتل اللاجئن ???
و محافظ الجيزة العبقرى قلك احنا اخذنا اذن الحكومة السودانية....ربنا اعلم بقى كان بيتكلم تحت تاثير مادة مخدرة ولا ايه

[fanous2102]

اولا - نظرا لاننا في موزمبيق عندنا كتير من السودانيين
اللي جم تبع برنامج اللجوء...المعلومه للاخ غلباوي (حمد الله علي سلامتك)
البرنامج قديم جدا و هو تبع الامم المتحده و الناس دي بتقدم طلبات لجؤ علي مايتم
البت في طلبهم و البحث عن تاريخهم اذا ماكانوا مطلوبين في بلادهم تحت جرائم
جنايات او مال عام ....المفروض ان الحكومه المصريه بتقبض من برنامج الامم المتحده
للصرف عليهم لحين البت في امورهم...
ثانيا- اللاجئ بيكون هربان من بلده ازاي ممكن يقدم لجؤ من بلده
فبيكون اللجوء من بلد اخري غير البلد الذي ينتمي اليها مقدم طلب اللجؤ
ثالثا- المحافظ صاحب التصريح الجحشاوي
بيقول الحكومه السودانيه وافقت علي اسثخدام القوه ضد الهاربين و الفارين من النظام الحاكم هناك ده طبيعي من حكومه جحشاويه لكن الحكومه المصريه تقع في هذا المطب الجحشاوي
و ينزلق محافظ بهذا الكلام الحميري
رابعا - تحت اي مسمي من المسميات هل يكون هناك تبرير للحكومه و الشرطه للقتل
يعني 4 الالاف سوداني اتقتل منهم 10 مش ممكن هايكون عنف اكتر من عنف الاخوات
المسلمين بتاع اسكندريه و مات فيها واحد
يعني الحكومه و الشرطه المصريه استخدمت قوه مفرطه في العنف في التعامل مع السودانيين
بغض النظر عن اديانهم ببساطه شديده ممكن مصر ترفع اسمها من البلاد اللي ممكن يقدم منها طلبات اللجوء بس مصر هاتخسر كتير ماديا و عالميا
السؤال
ماالسبب في استخدام عنف بهذا الحجم من ناس عزل

المشاركة الأصلية بواسطة elmafdy

عزيزى غلاباوى

اتفق معك تماما فى رفض ما حدث لهم سواء كانوا مسلمين او مسيحيين و لا يفرق معى على الاطلاق , و لكنى اعرف ان الحكومه المصريه لا تبخل بأى شئ على مسلمى العالم و اسلامه , انا شخصيا كنت افضل ان يكونوا مسلمين حتى تتحلى معهم الحكومه بالصبر و تعاملهم برفق و موده اكثر من ذلك كثيرا , و لك فى الالاف المؤلفه من كل جنسيات العالم و الذين يقطنون فى مدينة البعوث بالعباسيه اسوة حسنه , فهم واكلين شاربين قايمين نايمين دارسين على حساب مصر , و منهم كل الجنسيات و يحملون معهم كل الاوبئه و الامراض و رغم ذلك يلاقون كل انواع الترحاب و التقدير , و الود ود الحكومه لو كل واحد منهم جاب اهله و عشيرته و بلده كلها نصرف عليهم هنا .

عموما انا مش من حقى اتكلم , دى بلدكم وخيراتها خيراتكم و انتوا احرار فيها .

و الرب يباردك و يهدى الجميع

المفدى

دي مش فاهمها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تقصد اية

[elasmar99]

لاجئون من‏33‏ جنسية

مع الأحداث الأخيرة طفت علي السطح قضية اللاجئين في مصر والظروف التي يعيشون فيها في ظل تزايد أعدادهم ونقص الاعتمادات المالية المخصصة للمفوضية لمساعدتهم‏.‏
وكما تقول آنا ليريافرانش ـ الممثل الأقليمي للمفوضية السامية للأمم المتحدة لشئون اللاجئين بالقاهرة ـ فإن مصر التي تستضيف مايقرب من‏70‏ ألف لاجيء فلسطيني تشهد زيادة في أعداد اللاجئين من الجنسيات الأخري وزاد العدد من نحو‏16‏ ألفا في عام‏2003‏ إلي نحو‏21‏ ألفا في العام الحالي‏,‏ وتضيف أمينة القريعي ـ مسئولة الإعلام بالمفوضية ـ إن ملتمسي اللجوء يحصلون علي البطاقة الصفراء التي تتيح لهم التمتع بحماية المفوضية‏,‏ وتعطيهم الحق في الاقامة‏,‏ وإن عدد اللاجئين في مصر بلغ بحلول‏31‏ يوليو الماضي نحو‏21‏ ألف لاجيء‏,‏ وتوضح أن اللاجئين في مصر ينتمون إلي نحو‏33‏ جنسية‏,‏ إضافة إلي‏125‏ لاجئا غير محددي دول المنشأ وتشمل القائمة أفغانستان والجزائر وانجولا وبوروندي والبوسنة وبورما وجمهورية وسط إفريقيا وتشاد والكاميرون والكونجو الديمقراطية وجيبوتي واريتريا وأثيوبيا وقطاع غزة‏(215‏ لاجئا‏)‏ وكوت ديفوار وايران والعراق والكويت‏(9‏ لاجئين‏)‏ وليبيريا وليبيا ونيجيريا وروسيا ورواندا والسعودية‏(‏ لاجيء واحد‏)‏ وسيراليون والصومال‏(354‏ لاجئا‏)‏ وتونس وأوغندا واليمن‏(327‏ لاجئا‏).

اللاجئون السودانيون غاضبون

[elmafdy]

المشاركة الأصلية بواسطة غلاباوي

عموما انا مش من حقى اتكلم , دى بلدكم وخيراتها خيراتكم و انتوا احرار فيها
دي مش فاهمها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تقصد اية

الشرح ببساطه يا عزيزى أننا أقباط مصر سواء رضينا أو رفضنا , يتم تطبيق المبدأ الاسلامى الشهير علينا و هو اننا و املاكنا و كل ما نملك غنيمة لكم , و بالتالى أموالنا التى تستنزف بمليون طريقه مثل الضرائب و الرسوم و غيره و غيره و غيره , من الشرعى و الحلال جدا , بل و المستحب ان تصرف على الاسلام و المسلمين فى كل مكان فى العالم و أهلا بكل مسلمى العالم فى مصر فهم أولى و اقرب لكم من اقباط مصر , و لتبنى باموالنا الاف المساجد داخل و خارج مصر , فى الوقت الذى لا نستطيع فيه بناء كنيسه من اموالنا الخاصه , و لتصرف تلك الملايين لدعم تعليمكم الجامعى أنتم وأولادكم و حتى باقى مسلمى العالم فى جامعة الازهر و غيرها , بينما نحن نعانى لنتعلم على حسابنا و نعانى لنعمل بعد التخرج , اما الحصول على عمل عام او حكومى فهو المستحيل بعينه و يحتاج الكثير من التنازلات .

فهمت بقى انا اقصد ايه لما اقول ان دى بلدكم سواء رضينا او ما رضيناش , سواء بالذوق أو بالجزمه , و اللى يغيظ اكتر يا أخى اننا اقباط مصر ما عندناش دم , رغم كل تلك التفرقه فأحنا برضه بنحب مصر وبنتمنى لها كل الخير سواء عايشين جواها او براها و ما نتأخرش اننا نقدم لها كل حاجه حتى ارواحنا .

بس ها نقول ايه , ما حدش بيهرب من قدره

المفدى