ابن بباوي و خواطره الرمضانية

[COPTIC KNIGHT]

فيه برنامج علي القناة الاولي المصرية اسمه خواطر رمضانية بيجي الساعة تلاتة و نص الفجر
النهاردة استضاف يهوذا الاقباط بن بباوي و كعادة كلامه عن مواقف الاخوة المسلمين معه و الوحدة الوطنية
و باقي الكلام الاهبل اياه و طبعا اللخبطة في تاريخ الاقباط ولكن كان لي 4 ملاحظات علي كوميديا نبيل لوقا بباوي:

1. قال ان عمرو بن العاص نزل علي راس جيشه من الفسطاط للاسكندريه بعد بلاغ من الانبا بنيامين باختفاء راس مار مرقس الرسول و انه امر ب 10000 درهم او دينار من بيت مال المسلمين لدير مار مرقس .. و الحقيقة ان جنود الوالي في تفتيشهم لاحد سفن البندقية وجدوا الراس و اعترف البحارة دون نزول عمرو علي راس جيشه .
يعني البحارة كانوا مستنيين لما سعادته يوصل من الفسطاط و معرفش حكاية العشر تلاف جابها منين.

2. من كتب انجيل مرقس هو بطرس الرسول (عادوها يا جماعة .. اللي خلاه فاكر ان جسد السيدة العذراء لسة موجود بالقدس).

3.ديه بقي اهانة للمسلمين..سعادته قال ان قداسة البابا تعود اقامة موائد الرحمن لشيوخ الازهر و الوزراء في الكاتدرائية ..يا حرام الوزراء المسلمين و شيوخ الازهر مش لاقيين ياكلوا.. البيه مش عارف الفرق بين موائد افطار المحبة و موائد الرحمن للصدقة..

4.سعادة اللوز نبيل قال ان الرسول استقبل وفد من مسيحي نجران استقبلهم في المسجد و لما جاه وقت الصلاة بتاعة المسيحيين سمح لهم بالصلاة .. و قال معلقا ان الرسول مقدرش يستقبلهم في بيته عشان مكنش قد المقام و مينفعش حد يقعد فيه وقال الاسباب انه من الطوب اللبن و ملهوش سقف الي اخره من الهجس ..(ده بيتريق عليكم يا مسلمين.. معلش احنا بنحب نهدي النفوس )

عموما هذا هو بلبل بن بباوي و نقول له رمضان كريم..