المسيحيه .. مصر .. الامل

[الخواجه]

سلام المسيح لجميع الاخوه

بعد كل ما حدث و يحدث في بلدنا المحروسة مصر رائيت انه جيد ان يتم رفع هذا الموضوع لعله يخدم في هذه الايام

[makakola]

فكرتنا بالأيام الخوالي يا خواجة

شكلي حأكتشف إنك أنت المحرك الرئيسي للثورة

[elmafdy]

المشاركة الأصلية بواسطة makakola

فكرتنا بالأيام الخوالي يا خواجة

شكلي حأكتشف إنك أنت المحرك الرئيسي للثورة

أوعى تقول الكلام ده يا مكا

انا بأحب الخواجه جدا , وفى نفس الوقت بأكره الثوره جدا , و لو طلع الخواجه هو اللى وراها ها ابقى مش عارف اعمل ايه ؟؟

أحب الثوره ؟؟ ده مستحيل
و لا أبطل أحب الخواجه ؟؟ ده رابع المستحيلات .

كفايه أنى لسه بأحبك انت و عبد المسيح و اخوتى الاخرين اللى مبسوطين من ثورة الخراب اللى حصلت دى , لكن يطلع حد من اخوتى الاحباء هو اللى عمل الثوره , ساعتها ها تجيبوا لى شيزوفرنيا , و انا مش ناقص أمراض عصبيه و عقد نفسيه , انا أصلا شغال دلوقتى على فيوز واحد , و لو ضرب يبقى عليه العوض .

المفدى

[elmafdy]

أخى الحبيب الى قلبى الخواجه

اتفق معك تماما أننا كحاملين لأسم المسيح يفترض ان نكون صورة له على الارض , و يجب ان نحب الجميع و خاصة الذين يكرهوننا , يجب ان نقابل الشر بخير و الاساءه بأحسان و الكراهيه بحب , و الا فأن قول المسيح " أن احببتم الذين يحبونكم فأى فضل لكم " ينطبق علينا .

لكن الكتاب المقدس يعلمنا أيضا أننا يجب نسالم جميع الناس على قدر طاقتنا , قد تكون طاقتنا قليله و تحملنا ضعيف , اعترف ان طاقات الحب و المسالمه بداخلنا لا تقارن بطاقات الحب عند المسيح و لا الرسل و لا الأباء الأوائل و لا الكنيسه فى عصور الاضطهاد الأولى سواء فى العصور الرومانيه او فى عصور الاسلام الأولى .

و لكنى اعترف مرة أخرى ان تلك هى طاقتنا , و المؤسف ان جو الكراهيه الاسلامى لنا لا يجور على حقوقنا المدنيه الارضيه فحسب , و انما يؤذينا أشد الايذاء فى حياتنا الروحيه أيضا .

فأنا أثق ان هناك من سيتنكر للمسيح فى الايام القادمه خوفا على حياته و حياة أولاده و حرصا على مصالحه و رزقه و أكل عيشه .
و هناك من سيتخذ موقفا معاكسا , بمعنى انه سيتحول من صورة المسيح المحب لشخص ملئ بالكراهيه تجاه هؤلاء الذين يكرهونه و يضطهدونه , و الكارثه لو تطورت تلك الكراهيه لأفعال .
و الاغلبيه الباقيه حتى و ان لم تنجرف لأى من التيارين السابقين فأنها على الاقل ستحيا فى قلق و خوف فاقده للسلام و الأمان و الطمأنينه .

أعرف تماما أن تلك الصوره ليست هى الصوره التى يجب ان نكون عليها كأولاد للمسيح , و لكنى أكرر الاعتراف ان تلك هى طاقة أغلبنا .

و للحديث بقيه

المفدى

[الخواجه]

المشاركة الأصلية بواسطة makakola

فكرتنا بالأيام الخوالي يا خواجة

شكلي حأكتشف إنك أنت المحرك الرئيسي للثورة

محبتي و تقديري لأخوتي الاحباء مكا كولا و المفدي ..

كل يوم يمر علي مصر في هذه المرحلة الحرجه دون ان تخطوا علي طريق الحريه و المساواه و الديمقراطيه

فمصر بكل تأكيد تخسر بصورة فاضحه . ليس هناك اي طريق او بديل او مشروع سوي الدولة المدنية الصريحه

و نحن هنا نعيد و نكرر علي من يهمه الامر و من بكل صدق و اخلاص يريد لمصر التقدم و الاستقرار و الحداثه

اعملوا جميعا ما في وسعكم علي انتشال مصر من مستنقع التطرف و الدولة الدينية فيا اقباط مصر افيقوا و استيقظوا