طلب مساعدة

[Rania Fawzi]

المشاركة الأصلية بواسطة el chife

سلام ونعمة أختنا العزيزة رانيا
استوقفتنى هذا الكلمات المدونة باللون الأحمر برغم إننى استشعر مدى معاناتك والامك
كيف نعطيكى طريقة لدخول الكنيسة والكنيسة مفتوحة أمام الجميع ولاسيما إنك مازلتى مسلمة وتعيشين وسط عائلتك دون إعلان إيمانك الجديد ..كيف يحدث ذلك قبل إعلان إعتناقك المسيحية وبدون خوف..

طيب متوقعني اعيش فين هو ممكن عندنا واحدة تسكن لوحدها وتفتكر نظرة الناس ليها اية واهلي حيسيبوني ياخي الفاضل انا اعيش بمدينة وصغيرة والكل يعرف بعضه تمام المعرفة فكيف اتصرف
شوفى ياأخت رانيا أنا هكلمك بصراحة ..
المسيحية مبنية على الأيمان والكتاب المقدس بيقول :
لو كان لكم إيمان مثل حبة خردل لكنتم تقولون لهذا الجبل: انتقل من هنا إلى هناك فينتقل. ولا يكون شيء غير ممكن لديكم ( مت 17: 20 )حينما فشل التلاميذ في أن يتعاملوا مع الولد الذي به روح أخرس، سألوا الرب: "لماذا لم نقدر نحن أن نُخرجه؟"، كان جواب الرب لهم: "لعدم إيمانكم". ثم استكمل حديثه بالقول: "لو كان لكم إيمان مثل حبة خردل لكنتم تقولون لهذا الجبل انتقل من هنا إلى هناك فينتقل" ( مت 17: 20 ).
ملخص الكلام ياأخت رانيا لو بتحبى المسيح بجد وايمانك قوى إعلنى إيمانك من غير خوف وربنا هيقف جنبك وكمان هتلاقى نفسك بتروحى الكنيسة لوحدك من غير مساعدة أحد والمعروف أن الكنيسة مفتوحة لكل مسيحى
سواء كان عابر جديد أو مسيحى المولد وتأكدى إن إله المسيحية إلة حى هينور بصيرتك ويرشدك للصح .
تحياتى

اكمل ردي عليك انا معتنقة المسيحية وواثقة من عقيدتي وايماني بالرب
بس دخولي الكنسية هنا وفي البلد اللي انا عايشة فيها محال ان لم يكن مستحيل
وحاقول لك موقف حصل معايا انا منقبة وقفت ادام باب الكنيسة وسألت الأمن فيه قسيس
او اي رجل دين جوة سأل المسئول اللي بيقعد عند الباب من جوة وكان رده القساوسة مش بيجيوا بليل الا لو في اجتماع وكان امبارح الثلاثاء ولو حييجي حيكون صدفة ومش قبل الساعة سبعة ونص الكلام دا امبارح اظني معرفش مواعيد الاجتماعات او غيره بس العجيب والاعجب قبل ما اوصل البيت كانوا ولادي جايين في الطريق انتي كنت في الكنيسة رديت لا طبعا مش عاوزة اكمل اية اللي حصل وولادي واحد نقيب شرطة واحد وكيل نيابة والثالث خريج كلية تجارة وبيشتغل محاسب في البترول
بس انا عاوزة اسألك لو انت او اختك جيت في لحظة واعلنتوا اسلامكم قدام اهلكم واصحابكم حيكون رد الفعل اية وخصوصا انك راجل
انا مش بحكي عشان حد يتألم عليا لا انا باقول حقايق اللي وهبت باقي حياتها للرب وخدمته مش حتخاف حاجة بس احنا عندنا سلفيين واخوان ووووو وغيره
يمكن اكون صدعتكم بس باقول حقايق والرب شاهد ووالله العظيم تلاتة اني صادقة في كل حرف
بشكر ردك واهتمامك واسفة للاطالة