ماذا جــرى لرجال الكنيسه !!!

[zoum]

الحقيقة الكل يشيد بادارة كنيسة الاسكندرية للازمة الاخيرة وانها بالفعل قيادات وشعب كانوا جميعا علي مستوي الحدث فبدلا من تحيتهم يجيء احدهم يقولك ما قالوش بسم الاب والابن ليه

مش عارف الواحد يقول ايه

طعنات بعض الاقباط اشد ايلاما من طعنات المسلمين

سلام

[yaweeka]

المشاركة الأصلية بواسطة zoum

الحقيقة الكل يشيد بادارة كنيسة الاسكندرية للازمة الاخيرة وانها بالفعل قيادات وشعب كانوا جميعا علي مستوي الحدث فبدلا من تحيتهم يجيء احدهم يقولك ما قالوش بسم الاب والابن ليه



سلام

وما الخطأ فيما لو استعملوا البسملة المسيحية المعروفة؟
لا أجد المنتقدين للبيان يوزعون الطعنات بل على حق
فأول الرقص حنجلة
والتنازل عن حقوقنا يبدأ بالتنازل عن حقنا فى كتابة البسملة الخاصة بنا

[asuty]

المشاركة الأصلية بواسطة yaweeka

وما الخطأ فيما لو استعملوا البسملة المسيحية المعروفة؟
لا أجد المنتقدين للبيان يوزعون الطعنات بل على حق
فأول الرقص حنجلة
والتنازل عن حقوقنا يبدأ بالتنازل عن حقنا فى كتابة البسملة الخاصة بنا

اليوم يغيروا البسمله وبعدين يكتبوا ايات قرانيه حتى يصلو بان فى وعظهم يستشهدون بايات القران كما فعل قداسة البابا فى افطار رمضان وسلم لى على الطعنات ويريت تسمعنى شويه من تاريخ مملكة النوبه حينما اسلم اسقف النوبه وشعبه

[KARAM]

عدم كتابة البسملة المسيحية في بيان مثل هذا لا هو نفاق ولا ولا تملق لأحد ولا ضعف إيمان لا إنكار للمسيح أمام العالم إنما ببساطة وببساطة جداً هو تطبيق لكلام السيد المسيح
لا تعطوا القدس لل**** و لا تطرحوا درركم قدام الخنازير لئلا تدوسها بارجلها و تلتفت فتمزقكم (مت 7 : )
وهذا البيان ليس لأبناء الكنيسة وإنما موجه للمسلمين شعباً وحكومة ورئيس بمن فيهم ال**** والهمج ألذين ثاروا وقاموا للتخريب والترويع ---إلخ .
وعليه فلا لزوم لتصيد الأخطاء ولا لإلقاء إتهامات بهذه الطريقة وكفانا نحن هجوماً علي الكنيسة وقداسة البابا

[zoum]

المشاركة الأصلية بواسطة yaweeka

وما الخطأ فيما لو استعملوا البسملة المسيحية المعروفة؟
لا أجد المنتقدين للبيان يوزعون الطعنات بل على حق
فأول الرقص حنجلة
والتنازل عن حقوقنا يبدأ بالتنازل عن حقنا فى كتابة البسملة الخاصة بنا

البسملة المذكورة هي بحث عن بداية او بسملة مشتركة وهو بيان موجه للمسلمين

حاجة زي صباح الخير مشترك بين السلام لكم والسلام عليكم

يعني عاجبك كلام اللي بيقول التقية اهم مبدأ من مباديء الكنيسة القبطية

مش عارف حاسس ان الكلام تصيد اخطاء ومفيش اي كلام ايجابي ابدا

يعني يراعوا ان قيادات الكنيسة لسه خارجين من ازمة كبيرة

[asuty]

المشاركة الأصلية بواسطة zoum

البسملة المذكورة هي بحث عن بداية او بسملة مشتركة وهو بيان موجه للمسلمين

حاجة زي صباح الخير مشترك بين السلام لكم والسلام عليكم

وماله لما حتى نلغى الدين المسيحى ونفتش على دين مشترك حتى نرضى المسلميين !!!!!

[zoum]

المشاركة الأصلية بواسطة asuty

وماله لما حتى نلغى الدين المسيحى ونفتش على دين مشترك حتى نرضى المسلميين !!!!!

طيب ما دمت لا تؤمن بالتعايش مع المسلمين ومستعجل اوي علي المذابح والصدام

ما تقولنا كده نعمل ايه طيب وكل تعاملاتنا اليومية مع المسلمين

والصراحة انا باقول صباح الخير وما اقدرش اقول سلام المسيح معاكم للمسلمين

تعال كده معايا وقولها كام مرة كده لكام واحد مسلم واحنا كلنا وراك

ياللا الهمة

[iwcab]

لو قالوا : بسم الآب والإبن .. مش هيقدروا يقولوا : الإله الذى نعبده جميعاً

وبعدين بيان الكنيسة بدايته مايبدأ به البابا كلامه فى لقاءات الوحدة الوطنية

الوحدة الوطنية هى وحدة تذويبية وهى وحدة على مايريده المسلمون فى كل شىء .. سياسة وفكر وكل شىء

ووجهة نظرى أن مايدعى الوحدة الوطنية هى أمر مخالف للمسيحية

[الخواجه]

[QUOTE=iwcab]لو قالوا : بسم الآب والإبن .. مش هيقدروا يقولوا : الإله الذى نعبده جميعاً

وبعدين بيان الكنيسة بدايته مايبدأ به البابا كلامه فى لقاءات الوحدة الوطنية

الوحدة الوطنية هى وحدة تذويبية وهى وحدة على مايريده المسلمون فى كل شىء .. سياسة وفكر وكل شىء

ووجهة نظرى أن مايدعى الوحدة الوطنية هى أمر مخالف للمسيحية[/QU

الوحده الوطنيه من الناحيه الاجتماعيه و ليس من الناحيه الدينيه -- اي التعايش الاجتماعي في بلد واحده دون الاختلاط في التعاليم الدينيه و الشعائر --الخ

[asuty]

المشاركة الأصلية بواسطة zoum

طيب ما دمت لا تؤمن بالتعايش مع المسلمين ومستعجل اوي علي المذابح والصدام

ما تقولنا كده نعمل ايه طيب وكل تعاملاتنا اليومية مع المسلمين

والصراحة انا باقول صباح الخير وما اقدرش اقول سلام المسيح معاكم للمسلمين

تعال كده معايا وقولها كام مرة كده لكام واحد مسلم واحنا كلنا وراك

ياللا الهمة

من قال انى لا اؤمن بالتعايش مع المسلميين انا احب المسلميين جدا ولكن التعايش لايعنى انى افعل ما يريدوه الاخرين لانى لو ان اخذت بمعيارك هذا سنقوم بانزال الصليب من على كل الكنائس لان الصليب حرام عند المسلميين وسنعتنق جميعا الاسلام لاننا كافرين طبقا للاسلام فهل هذه المعايشه

[Mena0064]

الحقيقة أنا مكنتش أعرف إن الإلة اللى إحنا بنعبدة هو نفس الإله اللى المسلمين بيعبدوه، و يا ترى لو كنا عايشين وسط هندوس أو سيخ كانت الكنيسة هتقول نفس الكلام؟
الدبلوماسية حاجة و النفاق حاجة تانية. طبعا إحنا و المسلمين أبناء وطن واحد و دة على عينى و على راسى لكن دة مش معناة إننا لازم يبق إلهنا واحد علشان نعيش بسلام، و لو كان للسلام أولوية عن الحق يبقى مئات الآلاف اللى ماتوا فى عصر الشهداء لأجل كلمة واحدة دول ماتوا بدون داعى، أظن لو واحد من الشهداء دول كان عالم بأن أحفادة هيوصلوا لهذا المستوى من الدبلوماسية كان خدها من قصيرها و إبتدأ بنفسة.
إحنا بقينا المسيحيين المتأسلمين.

[CrocodileTearz]

المشاركة الأصلية بواسطة zoum

يعني عاجبك كلام اللي بيقول التقية اهم مبدأ من مباديء الكنيسة القبطية

مش عارف حاسس ان الكلام تصيد اخطاء ومفيش اي كلام ايجابي ابدا

يعني يراعوا ان قيادات الكنيسة لسه خارجين من ازمة كبيرة

يا زووم تعتقد انى مستمتع لما اكتب كدة؟

انا حزين جدا, لكن هذا ما اراه

يعنى لما يحدث اضطهاد و ناس تحاول تحل الموضوع بطريقة عملية (مثل يوسف سيدهم), بعدين يطلع بيان من الكنيسة يكدب وجود اى مشاكل بين المسيحيين و المسلمين, ماذا تريدنى ان اعتقد؟

لكى نحل اى مشكلة, يجب الاول الاعتراف بوجودها, لكى نحاول ان نحلها, دة حتى فى الحياة الروحية. لكى نحل اى مشكلة يجب الاعتراف بوجود المشكلة اصلا

لو انا مش ارثوذكسى, مش هيهمنى اى حاجة تخص الكنيسة,

الكنيسة مقدسة, لكن ليس معنى ذلك ان اخطاء قيادات فى الكنيسة مقدسة ايضا

الكنيسة بهذا البيان تحاول ان تظهر الوحدة المصرية, ماشى

لكن حتى هذه الطريقة خاطئة, لان الوحدة الوطنية ان اؤمن بما اؤمن و المسلم يؤمن بما يؤمن و نعيش على هذا الاساس. لكن ليس بتقريب معتقداتنا من معتقداتهم. دى مش وحدة وطنية, دا دماج للمعتقدات.

طيب ما دمت لا تؤمن بالتعايش مع المسلمين

التعايش المسلكين لا يتطلب ان نقرب معتقداتنا, انما يجب على المسلم ان يتعلم ان يحترم الناس بمعتقداتها المختلفة, بس مش على حساب معتقداتنا.